ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵓⵔ ⵏ ⵓⵙⵉⵍⴻⵖ ⵉⵡⴻⵀⵀⴰ ⵖⴻⵔ ⵜⵎⴻⵣⵣⵓⴳⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ ⴰⴽⴽⴻⵏ ⴰⴷ ⵎⵎⴻⵣⴳⴻⵏ ⴰⴽⴽⴻⴷ ⵜⴷⴰⵎⵙⴰ ⵜⵓⵎⴹⵉⵏⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⵙⵉⵍⴻⵖ ⴰⴽⴽⴻⴷ ⵓⵙⴻⵍⵎⴻⴷ ⴰⵙⴰⴷⴰⵔ, ⵎⵧⵀⴰⵎⴻⴷ ⵎⴻⴱⴰⵔⴽⵉ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷⵉ ⵄⴻⴱⴷⴻⵍⵍⴰ (ⵍⴻⵣⵣⴰⵢⴻⵔ) ⴷⴰⴽⴽⴻⵏ ⴰⵖⵍⵉⴼ-ⵉⵙ ⵉⵡⴻⵀⵀⴰ ⵖⴻⵔ ⵓⵙⴻⵖⵏⴻⵡ ⵏ ⵜⵎⴻⵣⵣⵓⴳⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⴰⵖⵓⵍⵜ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ ⴰⴽⴽⴻⵏ ⴰⴷ ⵎⵎⴻⵣⴳⴻⵏ ⴰⴽⴽⴻⴷ ⵜⴷⴰⵎⵙⴰ ⵜⵓⵎⴹⵉⵏⵜ.
ⵢⴻⵎⵎⴻⵙⵍⴰⵢ-ⴷ ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⴰⴽⴽⴻⴷ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ‘’ⵉⵙⵡⵉ ⵏ ⵜⵙⴻⵔⵜⵉⵜ ⵜⴰⵎⴰⵢⵏⵓⵜ ⵏ ⵓⵏⴰⴱⴰⴹ ⴷ ⴰⵙⴻⴽⵛⴻⵎ, ⵖⴻⵔ ⵓⵃⵔⵉⵛ ⵏ ⵓⵙⵉⵍⴻⵖ ⴰⵙⴰⴷⴰⵔ, ⵏ ⵜⵎⴻⵣⵣⵓⴳⵉⵏ ⵜⵉⵎⴰⵢⵏⵓⵜⵉⵏ ⵉ ⴷ-ⵢⴻⵎⵎⴻⵣⴳⴻⵏ ⴰⴽⴽⴻⴷ ⵜⴻⴳⵔⴰⵡⵍⴰ ⵜⴰⵙⵏⴰⵜⵡⵉⵍⴰⵏⵜ ⵉ ⵍⴰ ⴷ-ⵉⴹⴻⵔⵔⵓⵏ ⴷⴻⴳ ⵓⵎⴰⴹⴰⵍ ⴰⴽⴽⴻⵏ ⴰⴷ ⵉⵍⵉⵏ ⵉⵅⴻⴷⴷⴰⵎⴻⵏ ⵢⴻⵎⵎⵓⵣⴳⴻⵏ ⴰⵔⴰ ⵢⴻⴽⴽⵉⵏ ⴷⴻⴳ ⵓⵙⵏⴻⴼⵍⵉ ⵏ ⵜⴷⴰⵎⵙⴰ ⵜⵓⵎⴹⵉⵏⵜ ⵏ ⵜⵎⵓⵔⵜ’’.
ⵜⴰⵙⴻⵎⴹⴻⵏⵜ ⴷ ⵜⴰⴳⵔⴰⵡⵍⴰ ⵜⴰⵎⴰⵢⵏⵓⵜ ⵏ ⵜⴷⴰⵎⵙⴰ, ⴰⴽⴽ ⵉⵃⵔⵉⵛⴻⵏ ⵏ ⵜⴷⴰⵎⵙⴰ ⵢⴻⵙⵙⴻⴼⴽ ⴰⴷ ⴽⴻⵛⵎⴻⵏ ⵖⴻⵔ-ⵙ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ, ⵢⴻⵏⵏⴰ-ⴷ ⴷⴰⵖⴻⵏ ⵜⴰⴳⵔⴰⵡⵍⴰ ⵜⴰⵎⴰⵢⵏⵓⵜ ⴰⴷ ⵜⴻⴳⵍⵓ ⵙ ’’ⵡⴻⵏⴳⴰⵔ ⵏ ⵚⵚⴻⵏⵄⴰⵜ ⵉⵇⴱⵓⵔⴻⵏ ⴰⴽⴽⴻⴷ ⵜⵍⴰⵍⵉⵜ ⵏ ⵚⵚⴻⵏⵄⴰⵜ ⵉⵎⴰⵢⵏⵓⵜⴻⵏ, ⵖⴻⴼ ⵡⴰⵢⴰ ⵉ ⵢⴻⵙⵙⴻⴼⴽ ⴰⴷ ⵏⵀⴻⵢⵢⵉ ⵉⵎⴰⵏ-ⵏⵏⴻⵖ ⵙ ⵓⵙⵉⵍⴻⵖ’’.
