ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴱⴷⴰ ⵓⵙⵙⴰⵍⴻⵢ ⵏ ⵡⴻⵙⵡⵉⵔ ⵏ ⵡⴰⵙⵓⵏ ⴰⵎⴳⵓⵔⴰⵏ ⵏ ⵙⵉⴷⵉ ⴱⴻⵍⵄⴻⴱⴱⴰⵙ

ⵙⵉⴷⵉ ⴱⴻⵍⵄⴻⴱⴱⴰⵙ– ⵜⴻⴱⴷⴰ ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ ⵓⵙⵙⴰⵍⴻⵢ ⵏ ⵡⴻⵙⵡⵉⵔ ⵏ ⵡⴰⵙⵓⵏ (ⵎⴰⵏⵟⵉⵇⴰ) ⴰⵎⴳⵓⵔⴰⵏ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵎⵖⴻⵔ ⵏ ⵡⴰⴽⴰⵍ ⴰⵎⴳⵓⵔⴰⵏ ⵏ ⵡⴰⵙⵓⵏ-ⴰ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ 60 ⵏ ⵢⵉⵇⴻⵟⵟⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ ⵏ ⵜⴻⵎⴳⵓⵔⵉ ⵏ ⵜⵡⵉⵍⴰⵢⵜ-ⴰ.

ⵃⴰⵣⴻⵏ-ⴷ ⵜⴰⵊⴻⵍⵍⴰⴱⵜ ⵏ 1,2 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ ⵉ ⵓⵙⵙⴰⵍⴻⵢ ⵏ ⵡⴻⵙⵡⵉⵔ ⵏ ⵡⴰⵙⵓⵏ-ⴰ ⴰⵎⴳⵓⵔⴰⵏ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵡⴻⵙⵡⵉⵔ ⵏ ⴰⴳⵔⴰⵖⵍⴰⵏ ⴷⴻⴳ ⵜⴰⵍⵍⵉⵜ ⵏ 16 ⵏ ⵡⴰⵢⵢⵓⵔⴻⵏ.

ⵉⵎⴰⵀⵉⵍⴻⵏ ⵏ ⵜⴻⵎⵀⴻⵍⵜ-ⴰ ⵔⵣⴰⵏ ⵍⴻⴱⵏⵉ ⵏ ⵢⵉⵥⴻⴹⵡⴰⵏ ⵢⴻⵎⴳⴻⵔⵔⴰⴷⴻⵏ (ⴰⵎⴰⵏ ⵏ ⵜⵉⵙⵙⵉⵜ, ⴰⵖⵔⴰⵎ ⵏ ⵡⴰⵎⴰⵏ ⵢⵓⵎⵙⴻⵏ, ⵜⵔⵉⵙⵉⵜⵉ) ⴷ ⵡⴻⵅⴷⴰⵎ ⵏ ⵡⴻⴱⵔⵉⴷ.

ⴷ ⵜⴰⵏⴻⵎⵀⴰⵍⵜ ⵜⴰⵎⵏⴰⴹⴰⵏⵜ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⴱⴷⴰⵎⵎⴰⵙⵜ ⴷ ⵡⴻⵃⴽⴰⵎ ⵏ ⵡⴰⴽⴰⵍ (ⴰⵏⵉⵔⴻⴼ), ⵎⴰⵙⵙⴰ ⴽⴻⴱⵉⵔ, ⴰⵢ ⵢⴻⴼⴽⴰⵏ ⵍⴰⵎⴻⵕ ⵏ ⵓⴱⴻⴷⴷⵓ ⵏ ⵓⵙⴻⵏⴼⴰⵔ-ⴰ ⵖⴻⵔ ⵢⵉⴷⵉⵙ ⵏ ⵓⵏⴻⵎⵀⴰⵍ ⵏ ⵜⴻⵎⴳⵓⵔⵉ ⵏ ⵜⵡⵉⵍⴰⵢⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⴰⴱⴷⴻⵍⴽⴰⴷⴻⵔ ⵎⴻⴱⴰⵔⴽⵉ, ⵢⴻⵔⵏⵓ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⴰⴷ ⴷ-ⵉⵍⵉⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵓⵙⵙⴻⴼⵜⵉ ⴷⴻⴳ ⵜⴻⵎⵏⴰⴹⵜ-ⴰ.

ⵜⴰⵎⵀⴻⵍⵜ-ⴰ ⴷ ⵜⵉⵏ ⴰⵢⴷⴻⴳ ⴰⵔⴰ ⴷ-ⵀⴻⵢⵢⵉⵏ ⴰⴽⴰⵍ ⴰⵎⴰⵢⵏⵓ ⴰⵔⴰ ⵢⴻⵎⵎⴰⴳⵔⴻⵏ ⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⴰⴷ ⴷ-ⵢⴻⵙⵏⵓⵍⴼⵓ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵉ ⵓⵙⵙⴻⴼⵜⵉ ⴷⴻⴳ ⵜⴻⵎⵏⴰⴹⵜ-ⴰ ⴰⵢⴷⴻⴳ ⴰⵟⴰⵙ ⵏ ⵎⴻⴷⴷⴻⵏ ⴰⵔⴰ ⵢⴰⴼⴻⵏ ⴰⵎⴰⵀⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.