Asebter amenzawi

Yebda ussaley n weswir n wasun amguran n Sidi Belɛebbas

SIDI BELƐEBBAS– Tebda temhelt (ɛamaliyya) n ussaley n weswir n wasun (manṭiqa) amguran n Sidi Belɛebbas, ass n letniyen, deg ukatar n ussemɣer n wakal amguran n wasun-a akken ad yaweḍ ɣer 60 n yiqeṭṭaren, ɣef wakken ay d-tenna tmehla n temguri n twilayt-a.

Ḥazen-d tajellabt n 1,2 d amelyaṛ n yidinaṛen i ussaley n weswir n wasun-a amguran akken ad yaweḍ ɣer weswir n agraɣlan deg tallit n 16 n wayyuren.

Imahilen n temhelt-a rzan lebni n yiẓeḍwan yemgerraden (aman n tissit, aɣram n waman yumsen, trisiti) d wexdam n webrid.

D tanemhalt tamnaḍant n Tnegga Taɣelnawt n Tebdammast d Weḥkam n Wakal (ANIREF), Massa Kebir, ay yefkan lameṛ n ubeddu n usenfar-a ɣer yidis n unemhal n temguri n twilayt n Sidi Belɛebbas, Abdelkader Mebarki, yernu d aya ara yeǧǧen ad d-ilin yisenfaren imaynuten n ussefti deg temnaḍt-a.

Tamhelt-a d tin aydeg ara d-heyyin akal amaynu ara yemmagren isenfaren n ussefti deg yinurar yemgerraden yernu ad d-yesnulfu tignatin iwatan i ussefti deg temnaḍt-a aydeg aṭas n medden ara yafen amahil, ɣef wakken ay aɣ-d-nnan.