ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⴻⵔⴱⴰⵣ ⵏ ⵜⵥⵓⵔⵉⵢⵉⵏ ⵜⵉⵀⵓⵙⴽⴰⵢⵉⵏ: ⴰⴽⴽ ⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ ⵢⵉⵏⴻⵍⵎⴰⴷⴻⵏ ⵢⴻⵜⵜⵓⵏⴻⴼⴽ-ⴷ (ⵎⵉⵀⵧⵓⴱⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – « ⴰⴽⴽ ⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ » ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵥⵓⵔⵉⵢⵉⵏ ⵜⵉⵀⵓⵙⴽⴰⵢⵉⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵜⵜⵓⵏⴻⴼⴽ-ⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⵓⵏⴷⴻⴷ (ⵉⴹⵔⴰⴱ) ⴰⵢ ⴳⴰⵏ ⵓⵔ ⴷ-ⵎⴰⵣⴰⵍ ⵢⴻⵙⵄⴰ ⵙⵙⴻⴱⴱⴰ ⴰⴽⴽⴻⵏ ⴰⴷ ⵉⴽⴻⵎⵎⴻⵍ.
« ⵢⴻⵃⵡⴰⵊ ⵓⵖⴻⵔⴱⴰⵣ-ⴰ ⴰⵎⴰⵀⵉⵍ ⵎⴻⵖⵖⵔⴻⵏ ⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵎⴽⴰⵏ-ⵏⵏⴻⵙ ⵢⴻⵔⵏⵓ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⵎⴻⴷⴷⵓⵔⵜ ⵜⴰⴷⴻⵍⵙⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⵢⴻⵙⵜⴻⵄⵕⴻⴼ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵥⵓⵔⵉⵢⵉⵏ ⵜⵉⵀⵓⵙⴽⴰⵢⵉⵏ ⵉⵖⴰⴱ, ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⵓⴳⴳⵓⵔⴰ, ⵢⴻⵔⵏⵓ ⴷ ⴰⵢⴰ ⴰⵢ ⴰⵙ-ⴷ-ⵉⴳⴰⵏ ⴰⵛⵃⴰⵍ ⵏ ⵡⵓⴳⵓⵔⴻⵏ.
ⵍⵍⴰⵏ ⴷⴻⴳ-ⵙ ⵡⵓⴳⵓⵔⴻⵏ ⵉⵙⴻⵏⵙⴻⴳⵎⴰⵏⴻⵏ (ⴱⵉⴷⴰⵖⵓⴵⵉⵢⵢⴰ) ⵢⴻⵔⵏⵓ ⵏⴻⵇⵙⴻⵏ ⵎⵍⵉⵃ ⵢⴻⴳⵎⴰⴹ ⵏ ⵓⵖⴻⵔⴱⴰⵣ-ⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⴰⵙ-ⵢⴻⵜⵜⵓⵏⴻⴼⴽ ⵡⴰⵣⴰⵍ ⵎⴻⵖⵖⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵢⴻⵔⵔⴰ-ⴷ ⵎⵍⵉⵃ ⵍⵡⴻⵍⵀⴰ-ⵏⵏⴻⵙ ⵖⴻⵔ ⵡⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ ⵢⵉⵏⴻⵍⵎⴰⴷⴻⵏ, ⵜⴰⴷⴱⴻⵍⵜ ⴷ ⵢⵉⵙⴻⵍⵎⴰⴷⴻⵏ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴷⴰⵖ, ⴷⴰⴽⴽⴻⵏ ⵜⵉⴼⵔⴰⵜⵉⵏ ⴰⵢ ⴷ-ⵙⵙⵓⵎⵔⴻⵏ ⵢⵉⵎⴻⵥⵍⴰ-ⵏⵏⴻⵙ (ⵎⴰⵚⴰⵍⵉⵃ) ⴷ ⵜⵉⴼⵔⴰⵜⵉⵏ ⵜⵓⵄⵊⵉⵍⵉⵏ ⴰⵎ ⵜⵉⵏ ⵏ ⵓⵙⵙⴻⵣⴷⴻⵖ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵢⴻⵖⵔⴻⵎ ⵏ ⵢⵉⵏⴰⵥⵓⵔⴻⵏ, ⴰⵎⴻⵙⵏⵉ ⴷ ⵓⵙⵙⴻⵞⵞⵉ, ⵢⴻⵔⵏⵓ ⵎⴰⵣⴰⵍ ⴰⴷ ⵜⵜⵓⵏⴻⴼⴽⴻⵏ ⵜⵜⴰⵡⵉⵍⴰⵜ ⵉⵜⵡⵉⵍⴰⵏⴻⵏ ⵉ ⵓⵖⴻⵔⴱⴰⵣ-ⴰ.
ⵢⵓⵍⴻⵙ ⴷⴰⵖ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ, ⵙ ⵢⵉⵍⴻⵙ ⵏ ⵓⵎⴰⵔⵓ-ⵏⵏⴻⵙ ⴰⵎⴰⵜⵓ, ⵙⵎⴰⵉⵍ ⵧⵓⵍⴻⴱⵙⵉⵔ, ⴷⴰⴽⴽⴻⵏ ⵜⵉⵎⵍⵉⵍⵉⵜ ⴰⵢ ⵉⴳⴰ ⵓⵏⴻⴳⴳⴰⵔⵓ-ⴰ ⴰⵙⵙ ⵏ ⵍⵃⴻⴷⴷ ⴷ ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵥⵓⵔⵉⵢⵉⵏ ⵜⵉⵀⵓⵙⴽⴰⵢⵉⵏ, ⴷⴰⴽⴽⴻⵏ ⴰⵜⴰⵏ ⵉⵄⴻⵡⵡⴻⵍ ⵓⵏⴻⵖⵍⴰⴼ ⴰⴷ ⴷ-ⵢⴻⵍⵀⵓ ⵙ ⵡⵓⴳⵓⵔⴻⵏ « ⵉⵏⵎⴻⵜⵜⵉⵢⴻⵏ-ⵉⵙⴻⵏⵙⴻⴳⵎⴰⵏⴻⵏ » ⵏ ⵢⵉⵏⴻⵍⵎⴰⴷⴻⵏ ⴰⵢ ⵢⵓⴳⵉⵏ ⴰⴷ ⵃⴻⴱⵙⴻⵏ ⴰⵎⵓⵙⵙⵓ-ⵏⵙⴻⵏ ⵏ ⵓⵛⵛⴻⵜⴽⵉ ⵓⵇⴱⴻⵍ ⵎⴰ ⵢⴻⵜⵜⵡⴰⵙⵙⴻⴹⵔⴰ ⵡⴰⵢⴻⵏ ⴰⵢ ⴰⵙⴻⵏ-ⵕⴻⴳⴳⵎⴻⵏ.
