ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴽⵉⴽⴷⴰ: ⴰⵙⵙⴻⴼⵜⵓⵜⴻⵙ ⵏ ⵢⵉⵡⴻⵏ ⵏ ⵓⵥⴻⴹⴹⴰ ⵢⴻⵎⵎⵓⵣⵣⴳⴻⵏ ⴷⴻⴳ ⵡⴻⴷⵖⴰⵍ ⵏ ⵢⵉⴽⴰⵔⴰⵎⴻⵏ ⵏ ⵍⵠⵉⵣⴰ (ⵜⴰⵖⴻⵍⵍⵉⵙⵜ)

ⵙⴽⵉⴽⴷⴰ – ⵜⴻⵜⵜⵡⴰⴹⴹⴻⴼ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ 6 ⵏ ⵢⴻⵎⴷⴰⵏⴻⵏ ⵢⴻⵙⵄⴰⵏ ⴳⴰⵔ 25 ⴷ 38 ⵏ ⵢⵉⵙⴻⴳⴳⴰⵙⴻⵏ, ⵢⴻⵎⵎⵓⵣⵣⴳⴻⵏ ⴷⴻⴳ ⵡⴻⴷⵖⴰⵍ ⵏ ⵍⴻⴽⵡⴰⵖⴻⴹ ⵏ ⵢⵉⴽⴰⵔⴰⵎⴻⵏ ⵏ ⵍⵠⵉⵣⴰ ⵏ « ⵙⵛⵀⴻⵏⴳⴻⵏ ». ⴷ ⵜⴰⴼⴻⵔⵇⴻⵜ ⵜⴰⴷⴰⵎⵙⴰⵏⵜ ⴷ ⵜⴻⴷⵔⵉⵎⴰⵏⵜ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ ⵏ ⵙⴽⵉⴽⴷⴰ ⴰⵢ ⵉⴳⴰⵏ ⵛⵛⵖⴻⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ.

ⵉⵎⴷⴰⵏⴻⵏ-ⴰ ⴰⵢ ⵢⴻⵜⵜⵡⴰⴹⴹⴼⴻⵏ ⵍⵍⴰⵏ-ⴷ ⴼⴻⵍⵍ-ⴰⵙⴻⵏ ⵡⴰⵛⵃⴰⵍ ⵏ ⵢⴻⵃⵜⴰⵛⴻⵏ, ⵢⴻⵔⵏⵓ ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵓⴹⴹⴼⴰ ⵏ ⵓⵎⴻⵣⵡⴰⵔⵓ ⴷⴻⴳ-ⵙⴻⵏ ⴷⴷⵓⵕⵜ ⵢⴻⵣⵔⵉⵏ ⴷⴻⴳ ⵜⴻⵎⴷⵉⵏⵜ ⵏ ⵙⴽⵉⴽⴷⴰ ⵎⵉ ⴷ-ⵓⴼⴰⵏ ⵖⴻⵔ-ⵙ ⵍⴻⴽⵡⴰⵖⴻⴹ ⵉⴷⴻⵖⵍⴻⵏ ⵉ ⵍⵎⴻⵏⴷ ⵏ ⵢⵉⴽⴰⵔⴰⵎⴻⵏ ⵏ ⵓⵙⵙⵓⵜⴻⵔ ⵏ ⵍⵠⵉⵣⴰ ⵏ « ⵙⵛⵀⴻⵏⴳⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷⴰⴽⴽⴻⵏ ⵍⴻⴽⵡⴰⵖⴻⴹ-ⴰ ⵓⵣⵏⴻⵏ-ⵜⴻⵏ ⵖⴻⵔ ⵓⵎⴻⵥⵍⵓ (ⵎⴰⵚⵍⴰⵃⴰ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵡⴻⵃⵜⴰⵛ ⴼⴻⵍⵍ-ⴰⵙⴻⵏ.

ⵉⴳⵎⴰⴹ ⵏ ⵡⴻⵃⵜⴰⵛ ⵙⵙⴻⴽⵏⴻⵏ-ⴷ ⴷⴰⴽⴽⴻⵏ ⴰⵎⴻⵛⴽⵓⴽ (ⵎⵓⵛⵜⴰⴱⴰⵀ) ⴰⴳⴻⵊⴷⴰⵏ ⵢⴻⵍⵍⴰ ⵉⵅⴻⴷⴷⴻⵎ ⴷⴻⴳ ⵜⵏⴻⵖⵍⵓⵙⵉⵏ ⵏ ⵉⵏⵜⴻⵔⵏⴻⵜ ⴰⵏⴷⴰ ⴰⵢ ⵢⴻⵍⵍⴰ ⵉⴷⴻⵖⵖⴻⵍ ⵍⴻⴽⵡⴰⵖⴻⴹ ⵉⴷⴻⴱⵍⴰⵏⴻⵏ ⴷ ⵢⵉⴱⴰⵏⴽⴰⵏⴻⵏ ⴷ ⵍⴻⴽⵡⴰⵖⴻⴹ ⵏ ⵓⵎⴰⵀⵉⵍ ⵏ ⵜⴻⵕⵎⵉⵙⵉⵏ ⵜⵓⵙⵍⵉⴳⵉⵏ ⴷ ⵜⵏⴰⴳⴷⵓⴷⵉⵏ, ⴳⴰⵔ-ⴰⵙⴻⵏ ⵉⵙⴻⵍⴽⵉⵏⴻⵏ ⵏ ⵡⴻⵔⵎⵓⴷ ⵏ ⵍⴻⵖⵔⴰⵎⴰ, ⵜⵉⵙⴻⵏⵜⴰ ⵏ ⵜⵡⴰⵛⵓⵍⵜ, ⵜⵉⵙⴻⵏⵜⴰ ⵜⵉⵏⵜⴻⵔⵔⴰⵙⵉⵏ, ⵜⵉⵙⴻⵏⵜⴰ ⵏ ⵍⴻⵅⵍⴰⵚ ⴷ ⵢⵉⵙⴻⵍⴽⵉⵏⴻⵏ ⵏ ⵢⵉⵎⵓⵔⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ.

ⵉⵎⴻⵛⴽⵓⴽⴻⵏ-ⴰ ⵍⵍⴰⵏ ⵙⵙⴻⵇⴷⴰⵛⴻ ⵜⵜⴰⵡⵉⵍⴰⵜ ⵉⵙⵏⴰⵜⵡⵉⵍⴰⵏⴻⵏ (ⵜⵉⴽⵏⵓⵍⵓⴵⵉⵢⵢⴰ) ⴷ ⵉⵏⴰⵥⵉⵢⴻⵏ ⴰⴽⴽⴻⵏ ⴰⴷ ⴷ-ⴳⴻⵏ ⵍⴻⴽⵡⴰⵖⴻⴹ ⵢⴻⵔⵏⵓ ⴰⴷ ⵜⴻⵏ-ⵙⵙⴻⵏⵣⴻⵏ ⵉ ⵢⵉⵎⴻⵛⵜⵓⵔⴰ-ⵏⵙⴻⵏ ⵙ ⵡⵓⴳⴰⵔ ⵏ 35.000 ⵏ ⵢⵉⴷⵉⵏⴰⵕⴻⵏ, ⵢⴻⵔⵏⵓ ⵢⴻⴽⵛⴻⴼ-ⴷ ⵓⴼⴻⵜⵜⴻⵛ ⴷⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⴷⴰⴽⴽⴻⵏ ⴼⴼⵔⴻⵏ ⵍⴻⴽⵡⴰⵖⴻⴹ ⵓⴷⵖⵉⵍⴻⵏ ⵏⵉⴹⴻⵏ.