ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵜⵛⵉⵔ ⵍⵀⴻⵏⴷ ⴷⴻⴳ ⵢⵉⵡⴻⵏ ⵏ ⵓⵙⵉⴽⴻⵍ, ⵡⴻⵔⴵⵉⵏ ⵢⴻⴹⵔⵉ, 104 ⵏ ⵢⵉⴳⴻⵏⵙⴰⵜⴻⵏ ⵖⴻⴼ ⵜⵉⴽⴽⴻⵍⵜ

ⵏⴻⵡ ⴷⴻⵍⵀⵉ – ⵜⴻⵏⵏⴰ-ⴷ ⵍⵀⴻⵏⴷ ⴰⴷ ⵛⵉⵔ ⴰⵙⵙ ⵏ ⵍⴰⵔⴻⴱⵄⴰ, ⴷⴻⴳ ⵢⵉⵡⴻⵏ ⵏ ⵓⵙⵉⴽⴻⵍ ⵡⴻⵔⴵⵉⵏ ⵢⴻⴹⵔⵉ, 104 ⵏ ⵢⵉⴳⴻⵏⵙⴰⵜⴻⵏ ⵙ ⵢⵉⵡⴻⵜ ⵏ ⵜⵎⴻⵥⴷⵉⵜ. ‘’ⴰⴷ ⵇⴻⵍⵍⴻⵄ ⵢⵉⵡⴻⵏ ⵏ ⵓⵎⵛⵉⵔ ⵙⴻⴳ ⵡⴰⵎⵎⴰⵙ ⴰⵍⵍⵓⵏⴰⵏ ⵏ ⵙⵔⵉⵀⴰⵔⵉⴽⵧⵜⴰ (ⴰⵏⵥⵓⵍ ⴰⵙⴰⵎⵔⴰⵏ’’, ⵉ ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵜⵏⴻⴳⴳⴰ ⵜⴰⵍⵍⵓⵏⴰⵏⵜ ⵜⴰⵀⴻⵏⴷⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ. ⴰⴷ ⵜⵄⴻⴱⴱⵉ ⵜⵎⴻⵥⴷⵉⵜ ⵢⵉⵡⴻⵏ ⵏ ⵓⴳⴻⵏⵙⴰ ⵏ ⵡⴰⵏⵏⴰⵢ ⵏ ⵓⵎⵜⵉⵡⴻⴳ ⴰⴽⴰⵍ ⵉⵡⴻⵣⵏⴻⵏ 714 ⵏ ⵢⵉⴽⵉⵍⵓⴳⵔⴰⵎⴻⵏ ⴰⴽⴽⴻⴷ 103 ⵏⵏⵉⴹⴻⵏ ⴷ ’’ⵉⵏⴰⵏⵓⴳⴻⵏⵙⴰⵜⴻⵏ’’, ⵇⵔⵉⴱ ⴰⴽⴽ ⴽⴽⴰⵏ-ⴷ ⵙⴻⴳ ⵜⵎⵓⵔⴰ ⵏ ⴱⴻⵔⵔⴰ, ⵡⴻⵣⵏⴻⵏ 664 ⵏ ⵢⵉⴽⵉⴳⵔⴰⵎⴻⵏ.

ⵎⴰ ⵜⴻⵏⴵⴻⵃ ⵜⵓⵖⴷⴰⴹⵜ, ⴰⴷ ⵜⵓⵖⴰⵍ ⵍⵀⴻⵏⴷ ⴷ ⵜⴰⵎⵓⵔⵜ ⵜⴰⵎⴻⵣⵡⴰⵔⵓⵜ ⵉ ⵢⵓⵣⵏⴻⵏ ⴷⴻⴳ ⵢⵉⵡⴻⵏ ⵏ ⵓⵛⵉⵔⵉ ⴰⵎⴹⴰⵏ ⴰⵎⴻⵇⵔⴰⵏ ⵏ ⵢⵉⴳⴻⵏⵙⴰⵜⴻⵏ. ⵜⵓⵔⴰ, ⴷ ⵜⴰⵎⵓⵔⵜ ⵏ ⵔⵔⵓⵙ ⵉ ⵢⴻⵟⵟⴼⴻⵏ ⵜⴰⵇⴰⵛⵓⵛⵜ, ⵜⵛⴰⵔ 39 ⵏ ⵢⵉⴳⴻⵏⵙⴰⵜⴻⵏ ⵖⴻⴼ ⵜⵉⴽⴽⴻⵍⵜ ⴷⴻⴳ ⵡⴰⵢⵢⵓⵔ ⵏ ⵢⵓⵏⵢⵓ 2014.

ⵍⵀⴻⵏⴷ, ⵢⴻⵜⵜⵡⴰⵙⵙⴻⵏ ⵡⴰⵀⵉⵍ-ⵉⵙ ⴰⵍⵍⵓⵏⴰⵏ ⴷ ⵡⵉⵏ ⵉ ⵓⵎⵉ ⵢⵓⴷⴻⵔ ⵓⴰⵣⴰⵍ ⵉ ⵢⴻⵙ-ⵙ ⴷ-ⵢⴻⵜⵜⴻⵏⵇⴰⵎⴰⵢ, ⵢⴻⵜⵜⴻⵎⵃⴰⵔⴰⴼ ⴷⴻⴳ ⵓⵏⵔⴰⵔ-ⴰ ⴰⴽⴽⴻⴷ ⵢⵉⵎⴻⴳⴳⴰⵢⴻⵏ ⵏⵏⵉⴹⴻⵏ ⵉⴳⵔⴰⵖⵍⴰⵏⴻⵏ, ⵢⴻⵔⵏⴰ ⵢⴻⵙⵙⴰⵔⴰⵎ ⴰⴷ ⵢⵓⵖⴰⵍ ⴷ ⵢⵉⵡⴻⵜ ⵏ ⵜⴻⵣⵎⴻⵔ ⵜⴰⵍⵍⵓⵏⴰⵏⵜ ⵏ ⵜⵉⴷⴻⵜ.

ⵜⴻⵙⵏⴻⴼⵍⵉ ⴷⴰⵖⴻⵏ ⵜⵎⵓⵔⵜ ⵢⵉⵡⴻⵏ ⵏ ⵡⴰⵏⴰⵡ ⴰⵍⵍⵓⵏⴰⵏ ⵉ ⵓⵎⵉ ⵜⵜⴰⵍⵙⴻⵏ ⴰⵛⵉⵔⵉ, ⵉⵣⴻⵎⵔⴻⵏ ⴰⴷ ⵉⵛⵉⵔ ⵉⴳⴻⵏⵙⴰⵜⴻⵏ ⵙ ⵢⵉⵡⴻⵏ ⵏ ⵓⵣⴰⵍ ⵢⵓⴷⵔⴻⵏ ⵖⴻⴼ ⵡⵉⵏ ⵢⴻⵍⵍⴰⵏ ⵜⵓⵔⴰ ⴷⴻⴳ ⵡⵓⵍⵣⵓⵣ. ⵢⴻⵙⵙⴰⵡⴻⴹ ⴷⴰⵖⴻⵏ ⴰⴷ ⵉⵙⴻⵔⵙ ⵢⵉⵡⴻⵜ ⵏ ⵜⵙⴻⵏⵇⴰⴷⵜ ⴷⴻⴳ ⵓⵃⴱⵓ ⵢⴻⵣⵣⵉⵏ ⵖⴻⴼ ⵓⵎⵜⵉⵡⴻⴳ ⵏ ⵎⴻⵖⵔⴻⵙ ⵙ ⵓⵣⴰⵍ ⵏ 73 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵔⴻⵏ, ⵇⴰⵔⵏⴻⵎ ⵜⴰⵎⵜⵉⵍⵜ-ⵉⵙ, ⵎⴰⵠⴻⵏ ⵏ ⵏⴰⵙⴰ, ⵜⵓⵖⴷⴰⴹⵜ ⵜⴰⵎⴰⵔⵉⴽⴰⵏⵉⵜ ⵉ ⴷ-ⵢⴻⵜⵜⴻⵏⵇⴰⵎⴻⵏ ⵙ 671 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵔⴻⵏ.

ⵜⴰⵏⴻⴳⴳⴰ ⵜⴰⵍⵍⵓⵏⴰⵏⵜ ⵜⴰⵀⴻⵏⴷⵉⵜ ⵜⵣⴻⵔⵔⴻⵡ ⴷⴰⵖⴻⵏ ⴽⵔⴰ ⵏ ⵜⴻⴽⵜⵉⵡⵉⵏ ⵏ ⵜⵓⵖⴷⴰⴹⵉⵏ ⵖⴻⵔ ⵢⵉⵎⵜⵉⵡⴳⴻⵏ ⵢⴻⴱⵟⴻⵔ ⴰⴽⴽⴻⴷ ⵡⴰⵏⴻⵙ.