Asebter amenzawi
Iger-d Ould Khelifa tiɣri i yiwet n tmagla n yemjahden d-yusan seg Fṛansa i ussemqareb gar tsutwin
LEZZAYER TAMANEɣT – Iger-d tiɣri uselway n Wegraw Aɣerfan Aɣelnaw, Mohamed Larbi Ould Khelifa, ass n lḥedd deg Lezzayer Tamaneɣt, i yiwet n tmagla (wafd) n yemjahden ay d-yusan seg Fṛansa akken « ad d-lhun s ukemmel d ussemqareb gar tsutwin », ɣef wakken ay d-yenna yiwen n welɣu n Wegraw.
Mi yemmuger yiwet n tmagla n yemjahden ay d-yusan seg Fṛansa, yenced Mass Ould Khelifa imjahden-a « ad d-lhun s ukemmel d ussemqareb gar tsutwin s tririt n tejmilt d webdar n wayen ay gan yemdanen-a », ɣef wakken ay d-yerna welɣu-a. Mass Ould Khelifa yemlal d yemjahden-a s weḥdaṛ n wenmazul n uselway n Wegraw Aɣerfan Aɣelnaw d-yelhan s tuɣdaḍin yeqqnen ɣer yermuden n wezɣar, Djamel Bouras.
Mi yessawel ed yinebgiwen-nnes, yesmekti-d uselway n Wegraw s wazal meɣɣren ay yefka uselway n tegduda, Abdelaziz Bouteflika, i yemjahden.
Yella-d daɣ wemyager-a d tagnit i ussukku n tiḍ ɣef « dduṛ meɣɣren ay uraren yemjahden deg Wemgaru n Weslelli ula deg Fṛansa ».
Ma d imaslaḍen n tmagla-a n yemjahden nnan-d dakken umaren yernu ttzuxxun s tmurt-nsen, yernu wekkden-d ɣef wedhal-nsen (daɛm) i uselway n tegduda, Abdelaziz Bouteflika, s tin n tejmilt ɣef westeɛṛef d uttekki deg tallalt n yemjahden yernu imi ay yurar dduṛ s wazal-nnes, ula d netta, deg umezruy n Lezzayer.
