ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵃⴷⴻⵕ ⴳⴰⵉⴷ ⵙⴰⵍⴰⵀ ⵉ ⵡⴻⵔⵥⴰⵎ ⵏ ⵜⵎⴻⵙⵔⵉⵜ ⵜⵉⵙ 13 ⵏ ⵜⴻⵎⵃⴰⴷⴷⵉⵜ ⵏ « ⵉⴷⴻⵅ-2017 »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵃⴷⴻⵕ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⴰⵙⵙ ⵏ ⵍⵃⴻⴷⴷ, ⴷⴻⴳ ⴰⴱⵓ ⴷⵀⴰⴱⵉ, ⵉ ⵡⴻⵔⵥⴰⵎ ⵏ ⵜⵎⴻⵙⵔⵉⵜ (ⵚⴰⵍⵓⵏ) ⵜⵉⵙ 13 ⵏ ⵜⴻⵎⵃⴰⴷⴷⵉⵜ ⵏ « ⵉⴷⴻⵅ-2017 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.
ⴷⴻⴳ ⵓⴽⴰⵜⴰⵔ ⵏ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵜⵎⴻⵙⵔⵉⵜ-ⴰ, ⵢⴻⵃⴷⴻⵕ ⴳⴰⵉⴷ ⵙⴰⵍⴰⵀ ⵉ ⵜⴼⵓⴳⵍⴰ (ⵃⴰⴼⵍ) ⵏ ⵡⴻⵔⵥⴰⵎ ⵓⵏⵚⵉⴱ ⵏ ⵜⵎⴻⵙⵔⵉⵜ-ⴰ ⴰⵢⴷⴻⴳ ⴷ-ⵍⵍⴰⵏⵜ ⵜⵣⵉⴽⴽⵏⵉⵏ ⴷ ⵢⵉⵍⵓⵖⵎⴰ ⵉⵙⴻⵔⴷⴰⵙⴰⵏⴻⵏ ⴰⵢⴷⴻⴳ ⴰⵔⴰ ⵜⵜⵡⴰⵙⵇⴻⴷⵛⴻⵏ ⵢⴻⵙⴳⵓⵍⴰⴼ ⵏ ⵜⴻⵎⵃⴰⴷⴷⵉⵜ ⵏ ⵡⴰⴽⴰⵍ, ⵏ ⵢⵉⴳⴻⵏⵏⵉ ⴷ ⵢⵉⵍⴻⵍ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵣⴰ ⵖⴻⴼ ⴽⵔⴰ ⵏ ⵜⵏⴻⴼⵙⴰⵔⵉⵏ ⵏ ⵜⵎⴻⵙⵔⵉⵜ-ⴰ ⵢⴻⵔⵏⵓ ⵢⴻⵜⵜⴻⵔ ⵖⴻⴼ ⴽⵔⴰ ⵏ ⵢⵉⵏⴰⴳⵔⴰⵡⴻⵏ ⵏ ⵜⴻⵎⵃⴰⴷⴷⵉⵜ.
ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ, ⵙ ⵢⵉⵙⴻⵎ-ⵏⵏⴻⵙ ⴷ ⴰⴳⴻⵏⵙⴰⵙ ⵓⴷⵎⴰⵡⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⵎⵓⴳⵔⴻⵏ-ⵜ ⵢⵉⵖⴼⴰⵡⴻⵏ ⵏ ⵜⵎⴰⴳⵍⵉⵡⵉⵏ ⵜⵉⵏⴻⴱⴳⵉⵡⵉⵏ ⴷ ⵓⵊⵉⵏⵉⵕⴻⵍ ⵏ ⵜⵔⴻⴷⵙⴰ ⵛⵛⵉⵅ ⵎⵧⵀⴰⵎⴻⴷ ⴱⴻⵏ ⵣⴰⵢⴻⴷ ⴰⵍ-ⵏⴰⵀⵢⴰⵏ, ⴰⴳⴻⵍⴷⵓⵏ ⴰⵡⵕⵉⵜ ⵏ ⴰⴱⵓ ⴷⵀⴰⴱⵉ.
ⴳⴰⵉⴷ ⵙⴰⵍⴰⵀ ⵢⴻⵎⵎⵓⴳⴻⵔ-ⵉⵜ ⴷⴰⵖ ⵛⵛⵉⵅ ⵎⵧⵀⴰⵎⴻⴷ ⴱⴻⵏ ⵔⴰⵛⵀⴻⴷ ⴰⵍ-ⵎⴰⴽⵜⵧⵓⵎ, ⴰⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵓⵡⴰⵏⴰⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ, ⴷⵖⴰ ⵉⴼⵓⵔⴻⵚ ⴳⴰⵉⴷ ⵙⴰⵍⴰⵀ ⴰⴷ ⴷ-ⵢⴻⵙⵙⵉⵡⴻⴹ ⵙⵙⵍⴰⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵢⴻⵎⴹⴻⴱⴱⵔⴻⵏ-ⴰ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵢⵉⴷ-ⵙⴻⵏ ⵍⴻⵎⵛⴰⵡⵕⴰⵜ ⵖⴻⴼ ⵡⴻⵎⵢⴰⵍⴻⵍ ⴰⵙⴻⵔⴷⴰⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ ⵍⴰⴷⵖⴰ ⴷⴻⴳ ⵡⴻⵏⵔⴰⵔ ⵏ ⵜⴻⵎⴳⵓⵔⵉ ⵜⴰⵙⴻⵔⴷⴰⵙⴰⵏⵜ ⴰⵢ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⴼⴻⵔⴷⵉⵙⴻⵏ ⵏ ⵡⴰⵙⵙⴰⵖⴻⵏ ⵉⵙⴻⵔⴷⴰⵙⴰⵏⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵡⴻⵍⵖⵓ-ⴰ.
ⵢⴻⵎⵍⴰⵍ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ ⴷⴰⵖ ⵉⵎⴰⵙⴰⵢⴻⵏ ⵉⵎⴰⵕⴰⵜⵉⵢⴻⵏ ⵏⵉⴹⴻⵏ ⴷ ⵢⵉⵖⴼⴰⵡⴻⵏ ⵏ ⴽⵔⴰ ⵏ ⵜⵎⴰⴳⵍⵉⵡⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴰⴳⵍⴰ-ⴰ.
