ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴱⵓⵕⵊ ⴱⵓⵄⵕⵉⵕⵉⴵ: ⵜⵓⴹⴹⴼⴰ ⵏ 81 ⵏ ⵢⴻⴳⵕⴰⵎⴻⵏ ⵏ ⵜⴽⵓⴽⴰⵢⵉⵏⵜ ⴷ 3 ⵏ ⵢⴻⵎⴷⴰⵏⴻⵏ (ⵜⴰⵖⴻⵍⵍⵉⵙⵜ)
ⵍⴱⵓⵕⵊ ⴱⵓⵄⵕⵉⵕⵉⴵ- ⴹⴹⴼⴻⵏ ⵢⵉⴼⴻⵔⴷⵉⵙⴻⵏ ⵏ ⵜⴼⴻⵔⵇⴻⵜ ⵏ ⵢⵉⵏⴰⴷⵉⵢⴻⵏ ⴷ ⵜⵙⴻⵙⵜⴰⵏⵉⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵏ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⴵ 3 ⵏ ⵢⴻⵎⴷⴰⵏⴻⵏ ⵉⵎⵉ ⴰⵢ ⴷ-ⵓⴵⵡⴻⵏ, ⵊⴻⵎⵄⴻⵏ ⵢⴻⵔⵏⵓ ⵙⵙⴻⵜⵜⵉⵏ ⵜⵉⵀⵢⵓⴼⵉⵏ ⵜⵓⵊⵀⵉⴷⵉⵏ ⴰⵎ ⵡⴰⴽⴽⴻⵏ ⴰⵢ ⴹⴹⴼⴻⵏ 81,16 ⵏ ⵢⴻⴳⵕⴰⵎⴻⵏ ⵏ ⵜⴽⵓⴽⴰⵢⵉⵏⵜ ⵢⴻⵚⴼⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵜⴻⴱⵏⵉⵇⵜ (ⵅⴰⵍⵉⵢⵢⴰ) ⵏ ⵜⴻⵖⵡⴰⵍⵜ ⵏ ⵜⴼⴻⴽⴽⴰ-ⴰ ⵏ ⵜⵖⴻⵍⵍⵉⵙⵜ.
ⵎⵉ ⵜⴻⵏ-ⵉⴷ-ⵓⵡⴹⴻⵏ ⵢⵉⵙⴰⵍⴰⵏ ⵖⴻⴼ ⵢⵉⵡⴻⵏ ⵏ ⵢⵉⵍⴻⵎⵥⵉ ⴰⵢ ⵢⴻⵙⵄⴰⵏ ⵜⴰⴽⵓⴽⴰⵢⵉⵏⵜ ⴷⴻⴳ ⵡⴻⵅⵅⴰⵎ-ⵏⵏⴻⵙ ⴷⴻⴳ ⵓⵖⴰⵔⴰⵎ ⵏ ⵜⴻⴷⵡⵉⵔⵉⵏ ⵏ ⴳⵔⴰⵡⴻⵛ ⵏ ⵍⴱⵓⵕⵊ ⴱⵓⵄⵕⵉⵕⵉⴵ. ⴰⵎⴷⴰⵏ-ⴰ ⵢⴻⵣⴷⴻⵖ ⴷⴻⴳ ⴼⵕⴰⵏⵙⴰ ⵢⴻⵔⵏⵓ ⵢⴻⵍⵍⴰ ⵢⴻⵜⵜⴰⵡⴻⵢ-ⴷ ⵜⵉⵀⵢⵓⴼⵉⵏ-ⴰ ⴰⵢ ⵢⴻⵙⵏⵓⵣⵓⵢ ⴷ ⵙⵉⵏ ⵏ ⵢⵉⵎⴻⴷⴷⵓⴽⴰⵍ-ⵏⵏⴻⵙ ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⴵ.
ⴷⴻⴼⴼⵉⵔ ⵎⴰ ⴳⴰⵏ ⴼⴻⵍⵍ-ⴰⵙ ⴰⵃⵜⴰⵛ, ⵏⴷⵉⵏ-ⴰⵙ ⵜⵉⴼⵅⴻⵜ ⴰⵢ ⵢⴻⵙⵙⴰⵡⴹⴻⵏ ⴰⴷ ⵜ-ⵜⴻⴹⴹⴻⴼ ⵢⴻⵔⵏⵓ ⵓⴼⴰⵏ ⵖⴻⵔ-ⵙ ⵜⴰⵛⵓⵍⵍⵉⴹⵜ ⴰⵢⴷⴻⴳ ⵜⵜⵡⴰⵊⴻⵎⵄⴻⵏⵜ ⵙⵏⴰⵜ ⵏ ⵜⴻⵙⵎⴻⴽⵜⵉⵡⵉⵏ (ⴽⴰⵎⵎⵉⵢⵢⴰⵜ) ⵏ ⵜⴽⵓⴽⴰⵢⵉⵏⵜ ⴰⵢ ⵢⴻⵍⵍⴰⵏ ⵜⴻⵣⵎⴻⵔ ⴰⴷ ⵜⴻⵏⵣ, ⵙ ⵓⵊⴻⵎⵎⴰⵍ, ⵙ 26.000 ⵏ ⵢⵉⴷⵉⵏⴰⵕⴻⵏ.
ⴰⴼⴻⵜⵜⴻⵛ ⵏ ⵡⴻⵅⵅⴰⵎ-ⵏⵏⴻⵙ ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵉⴼⵉⵏ ⵏ 81,16 ⵏ ⵢⴻⴳⵕⴰⵎⴻⵏ ⵏ ⵜⴽⵓⴽⴰⵢⵉⵏⵜ ⵢⴻⵜⵜⵡⴰⵊⴻⵍⵍⴻⵍⴻⵏ ⵏ ⴷⴻⴳ ⵡⴻⵒⵍⴰⵙⵜⵉⴽ ⴷ ⵍⵎⵉⵣⴰⵏ ⵓⵎⴹⵉⵏ ⵢⵓⵎⵙⴻⵏ ⴷ ⴰⵖⴻⴱⴱⴰⵔ ⴰⵎⴻⵍⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ. ⵓⴼⴰⵏ-ⴷ ⴷⴰⵖ ⵍⴽⵉⴼ ⵢⴻⵜⵡⴰⵙⴻⴽⴽⵔⴻⵏ ⵙ ⵙⵙⵓⵎⴰ ⵏ 3.775 ⵏ ⵡⵓⵕⵓⵜⴻⵏ ⴷ 29.000 ⵏ ⵢⵉⴷⵉⵏⴰⵕⴻⵏ.
ⵜⵜⵡⴰⵃⴻⴱⵙⴻⵏ ⵢⴻⵎⴷⴰⵏⴻⵏ-ⴰ ⵙⴻⴳ ⵍⴻⵄⴹⵉⵍ ⴰⴷ ⵄⴻⴷⴷⵉⵏ ⴷⴻⴳ ⵛⵛⵕⴻⵄ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ.
