Asebter amenzawi

Bumerdas: qrib ad d-tili temsizwert n wegmam d yeɣrem izegdanen akk (amasay)

BUMERDAS – La d-yettili ussan-a ussewjed, deg Bumerdas, i ussebded n temsizwert i lmend n wegmam d yeɣrem izedganen akk deg twilayt-a, ɣef wakken ay d-yenna, ass n lḥedd, uwali.

ɣef leḥsab n Abderrahmane Madani Fouatif, la d-ssewjaden seg yidis n lqanun d ussuddes, i temsizwert-a ara d-yilin i tikkelt tamezwarut deg twilayt n Bumedas, ɣef wakken ay d-yenna uwali i Tnegga n Yisalan n Lezzayer deg yijifeṛ n terzi-nnes n ussefqed deg tɣiwant n Ɛemmal, deg utaram n Bumerdas.

3 n yimukan imezwura ara irebḥen ad asen-fken tarrazt (mukafa’a) tadrimant d warraz s ttawil i lmend n ussizdeg d usseqɛed n yegmamen d yizenqan, ɣef wakken ay d-yenna.

Yenna-d uwali, seg yidis niḍen, dakken assuddes n temsizwert-a iswi-nnes d assebɣes n tmazdayin tidiganin d tiddukliwin tiɣarimin akken ad ttekkint deg tuẓut n wazalen ihaggaren n tmetti, yernu ad ttunefken warrazen n temsizwert-a i lmend n kra n tmeɣra taɣelnawt.

Deg terzi-nnes, yessefqed uwali acanṭi n tuqqna n wazal n 1.900 n yexxamen deg yeɣrem n Buɛidel ɣer uẓeḍḍa n wurrig (ɣaz) agaman, yernu la ssefrayen ad faken asenfar-a uqbel tgara n 2017.

Yessefqed daɣ uwali asenfar n lebni n yexxamen n tmurt. Ssefran ad ferqen, deg ukatar n usenfar-a 2000 n tallalin, yernu ferqen ya kan 1000 n tallalin yernu bdan yimawlan-nsent bennun tinezduɣin-nsen.