ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴱⴰⴷⴷⴻⵍ ⴳⴰⵔ ⵕⵕⴰⴷⵢⵓⵡⴰⵜ: ⵜⵉⵖⵔⵉ ⵉ ⵓⵙⵙⵓⴳⴳⴻⵜ ⵏ ⵡⴰⵡⴰⵍ ⵓⴳⴰⵔ ⵖⴻⴼ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ ⵜⵉⵙ 9 ⵏ ⵢⵉⵙⴻⵎⵢⴰⴷⴷⴰⵙⴻⵏ (ⵎⵓⵏⴰⵙⵙⵉⵇⵉⵏ) ⵏ ⵢⴻⵎⴱⴰⴷⴷⵍⴻⵏ ⴳⴰⵔ ⵕⵕⴰⴷⵢⵓⵡⴰⵜ ⵜⴰⵄⵕⴰⴱⵉⵏ ⴷⴰⴽⴽⴻⵏ ⵓⵎⴰⵔⴻⵏ, ⴰⵙⵙ ⵏ ⵍⵃⴻⴷⴷ, ⵙ ⵢⴻⴳⵎⴰⴹ ⵉⵍⴰⵡⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵎⴱⴰⴷⴷⴻⵍ ⴳⴰⵔ ⵕⵕⴰⴷⵢⵓⵡⴰⵜ ⴷⴻⴳ 2016, ⵢⴻⵔⵏⵓ ⴳⵔⴻⵏ-ⴷ ⵜⵉⵖⵔⵉ ⵉ ⵓⴽⴻⵎⵎⴻⵍ ⵏ ⵡⴻⵏⵢⴰ (ⵡⴰⵜⵉⵔⴰ) ⴷ ⵓⵎⴰⵀⵉⵍ ⵉ ⵍⵎⴻⵏⴷ ⵏ ⵓⵙⵙⵓⴳⴳⴻⵜ ⵏ ⵡⴰⵡⴰⵍ ⵓⴳⴰⵔ ⴷⴻⴳ ⵕⵕⴰⴷⵢⵓ ⵖⴻⴼ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ.

ⴷⴻⴳ ⵍⴻⵡⵚⴰⵢⴰⵜ ⴰⵢ ⵉⵅⴻⵜⵎⴻⵏ ⵜⵉⵎⵍⵉⵍⵉⵜ ⵜⵉⵙ 9 ⵏ ⵢⵉⵙⴻⵎⵢⴰⴷⴷⴰⵙⴻⵏ ⵏ ⵡⴻⵎⴱⴰⴷⴷⴻⵍ ⴳⴰⵔ ⵕⵕⴰⴷⵢⵓⵡⴰⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵔⵔⴰⵏ ⵜⴰⵊⵎⵉⵍⵜ ⵢⴻⵎⵜⵜⴻⴽⴽⵉⵢⴻⵏ ⵉ « ⵢⴻⴳⵎⴰⴹ ⵉⵍⴰⵡⴻⵏ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵏⵔⴰⵔ ⵏ ⵡⴻⵎⴱⴰⴷⴷⴻⵍ ⴳⴰⵔ ⵕⵕⴰⴷⵢⵓⵡⴰⵜ ⴷⴻⴳ 2016 ⴰⵎⴰ ⵙⴻⴳ ⵢⵉⴷⵉⵙ ⵏ ⵜⴻⵙⵎⴻⴽⵜⴰ, ⴰⵎⴰ ⵙⴻⴳ ⵢⵉⴷⵉⵙ ⵏ ⵜⵖⴰⵔⴰ ⴷ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⴷ ⵜⵙⴻⴽⴽⵉⵔⵉⵏ ⵏ ⵓⵙⵙⴻⵎⵢⵓⴷⴷⴻⵙ.

ⵙ ⵡⴰⵢⴰ, ⴳⵔⴻⵏ-ⴷ ⵜⵉⵖⵔⵉ ⵉ ⵓⴽⴻⵎⵎⴻⵍ ⵏ ⵡⴻⵏⵢⴰ ⵏ ⵡⴻⵎⴱⴰⴷⴷⴻⵍ ⴳⴰⵔ ⵜⵔⴻⴳⵡⴰ ⵏ ⵕⵕⴰⴷⵢⵓ ⵜⴰⵄⵕⴰⴱⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵓⵡⴻⵚⵚⵉ ⵖⴻⴼ ⵓⵙⵙⵓⴳⴳⴻⵜ ⵏ ⵓⵙⵙⴻⵇⴷⴻⵛ ⵏ ⵡⴻⴳⴱⵓⵔ ⵏ ⵕⵕⴰⴷⵢⵓⵡⴰⵜ ⵜⵉⴼⴰⵍⴻⵙⵟⵉⵏⵉⵢⵉⵏ ⵙ ⵡⴻⵙⵄⴻⴷⴷⵉ ⵏ ⵜⴻⵙⴳⵉⵍⵉⵏ ⵏ ⵢⴰⵍ ⴷⴷⵓⵕⵜ ⵖⴻⴼ ⵜⴻⴷⵢⴰⵏⵉⵏ ⵜⵉⵎⴻⵇⵔⴰⵏⵉⵏ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ.

ⴷⵖⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷ ⵜⴰⴳⵏⵉⵜ ⵉ ⵓⵡⴻⴽⴽⴻⴷ ⵖⴻⴼ ⵡⴻⵡⵊⴰⴷ ⵏ ⵜⴻⵔⴳⴰ ⵏ ⵕⵕⴰⴷⵢⵓ ⵏ « ⵙⴰⵡⵜ ⵒⴰⵍⴻⵙⵜⵉⵏⴻ » ⴰⴽⴽⴻⵏ ⴰⴷ ⴷ-ⵜⴻⵙⵙⴻⵔⵙ ⵉⵏⴻⵎⵢⵓⵔⴰ-ⵏⵏⴻⵙ ⵉ ⵍⴼⴰⵢⴷⴰ ⵏ ⵜⵔⴻⴳⵡⴰ ⵏ ⵕⵕⴰⴷⵢⵓ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⵏⵉⴹⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⵡⴻⴹ ⵏ ⵢⵉⵙⴰⵍⴰⵏ ⵉⵢⴰⵍⵍⴰⵙⴻⵏ ⵖⴻⴼ ⵜⴻⴳⵏⵉⵜ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ.