Asebter amenzawi
Ambaddel gar ṛṛadyuwat: tiɣri i ussugget n wawal ugar ɣef yimenɣi afalesṭini
LEZZAYER TAMANEɣT – Nnan-d yemttekkiyen deg Temlilit Tis 9 n Yisemyaddasen (munassiqin) n Yembaddlen gar Ṛṛadyuwat Taɛṛabin dakken umaren, ass n lḥedd, s yegmaḍ ilawen ay d-yellan deg wembaddel gar ṛṛadyuwat deg 2016, yernu gren-d tiɣri i ukemmel n wenya (watira) d umahil i lmend n ussugget n wawal ugar deg ṛṛadyu ɣef yimenɣi afalesṭini.
Deg lewṣayat ay ixetmen Timlilit Tis 9 n Yisemyaddasen n Wembaddel gar Ṛṛadyuwat ay d-yellan deg Lezzayer Tamaneɣt, rran tajmilt yemttekkiyen i « yegmaḍ ilawen » ay d-yellan deg wenrar n wembaddel gar ṛṛadyuwat deg 2016 ama seg yidis n tesmekta, ama seg yidis n tɣara d uqader n yilugan d tsekkirin n ussemyuddes.
S waya, gren-d tiɣri i ukemmel n wenya n wembaddel gar tregwa n ṛṛadyu taɛṛabin, am wakken ay d-yella uweṣṣi ɣef ussugget n usseqdec n wegbur n ṛṛadyuwat tifalesṭiniyin s wesɛeddi n tesgilin n yal dduṛt ɣef tedyanin timeqranin ay la iḍerrun deg yikalen ifalesṭiniyen.
Dɣa tella-d temlilit-a d tagnit i uwekked ɣef wewjad n terga n ṛṛadyu n « Sawt Palestine » akken ad d-tessers inemyura-nnes i lfayda n tregwa n ṛṛadyu n tmura taɛṛabin niḍen deg wayen yerzan assiweḍ n yisalan iyallasen ɣef tegnit deg yikalen ifalesṭiniyen.
