Asebter amenzawi
Testeṛḥeb Libya s yegmaḍ n temlilit n tmura tinaragin deg Lezzayer Tamaneɣt
LEZZAYER TAMANEɣT– Testeṛḥeb Libya, ass n letniyen, s yegmaḍ n temlilit tis 11 n tmura tinaragin n Libya ay d-yellan deg Lezzayer i uwekked n tuḍḍfa n tmura-a deg tɣellist, arkad d tummda n wakal alibi.
« Steṛḥibeɣ, seg lmenbeṛ-a, igmaḍ ayyes fukent temliliyin n tmura tinaragin n Libya ay d-yellan deg Lezzayer Tamaneɣt, d igmaḍ ay izemren ad sjehden assirem-nneɣ i lmend n wuɣal n werkad ɣer tmurt-nneɣ yernu ifak ccwal n weɣref alibi ay iḍemɛen imal yelhan ugar », ɣef wakken ay d-yenna uneɣlaf alibi n yiweẓla n wezɣar, Mohammed Tahar Siyala, deffir ma ɣran-d alɣu agaran n temlilit-a sdat yemttekkiyen d yineɣmasen iɣelnawen d yegraɣlanen.
Deg usarag n tɣemsa ay iga uneɣlaf n yiweẓla n Lmeɣreb, Abdelkader Messahel, s weḥdaṛ n umazun n Yeɣlanen Yeddukklen, iɣef n tuɣdaḍt i Libya, Martin Kobler, yeckeṛ-d Mass Siyala dduṛ n Lezzayer aydeg d-yella wemyager-a.
« Nesnemmir Lezzayer ɣef wussisen ay tga yernu tettkemmil tetteg-iten i lmend n werkad deg tmura n temnaḍt d wakk iɣerfan-nnes », ɣef wakken ay d-yenna.
Deg tiririt ɣef yiwet n tuttra ɣef yibeddilen igejdanen ay d-yellan deg kra n tenqiḍin n wemtawa asertan ay yettwastenyan deg Dujembeṛ n 2015, yenna-d Mass Siyala dakken « mazal lḥal ad d-yili wawal ɣef wegbur n yibeddilen-nni ara gen. »
