Asebter amenzawi

Ɛennaba: 80.000 n yezwal n yedlisen ay d-zzakknen deg tmesrit n tefsut n wedlis

ƐENNABA– S ujemmal, 80.000 n yedlisen ay d-zzakknen deg tmesrit n tefsut n wedlis ay ireẓmen ass n letniyen deg wemṛaḥ n Tegrawla n Ɛennaba, ɣef wakken ay d-nwala.

Tamesrit-a ireẓmen deg beṛṛa ttekkan deg-s 14 n yexxamen n teẓrigin, yernu uwyent-id aṭas n yedlisen yeqqnen ɣer tsekla, tussniwin d tesnatwilin timaynutin, tutlayin, tiẓuriyin d yedles, am wakken ay llan daɣ yedlisen isdawanen d yedlisen n yigerdan.

Nnig waya, heyyan-d ifer i tsekla tadzayrit d yedlisen s tutlayt tamaziɣt, am wakken ay d-heyyan tallunin i yimeɣriyen seg yeswiren yemgerraden akken ad ten-sḥulfun ɣef tixxutert n tɣuri n yedlisen am wakken ara d-jebden igerdan d yilemẓiyen akken ad ɣren.

Tadyant-a ad tkemmel arma d 23 Mayu, yernu ad farṣen ad as-rren deg-s tajmilt i Ahmed Chribet ay d-yessuffɣen ugar n 30 n yedlisen yeqqnen ɣer umezruy, tigemmi d tsekla tadzayrit.

Yessahel udiwan-a, deg usalay aɣelnaw n « Ahmed-Zabana » n Wehṛan, yiwet n tnemselt ɣef tɣuri n tgemmi, assuneɣ d tṛakniwin seg 7 d 11 Mayu i lfayda n yigerdan n Wehṛan i lmend n wesfugel n wayyur n tgemmi.