ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 ⴷⴻⴳ ⵅⴻⵔⵔⴰⵟⴰ: ⴷ ⵉⴳⵉⵎⴰⵏ ⵏ ⵎⴻⴷⴷⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵜⴼⵓⴳⵍⴰ ⵏ ⵛⴻⵄⴱⴻⵜ ⵍⴰⵅⵔⴰ
ⴱⴳⴰⵢⴻⵜ– ⴷ ⵉⴳⵉⵎⴰⵏ ⵏ ⵎⴻⴷⴷⴻⵏ ⵉ ⵉⵃⴻⴷⵕⴻⵏ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵛⴻⵄⴱⴻⵜ ⵍⴰⵅⵔⴰ, ⴷⴻⴳ ⵡⴰⴷⴰⴼ ⵏ ⵓⴳⴰⴼⴰ ⵏ ⵜⴻⵎⴷⵉⵏⵜ ⵏ ⵅⴻⵔⵔⴰⵟⴰ, ⴷⴻⴳ ⵜⴼⵓⴳⵍⵉⵡⵉⵏ ⵏ ⵓⵎⵎⴻⴽⵜⵉ ⵏ 8 ⵎⴰⵢⵓ 1945, ⴰⵏⴷⴰ, 72 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵏⵖⴰⵏ, ⵢⵉⵙⴻⵔⴷⴰⵙⴻⵏ ⵏ ⵜⵔⴻⴷⵙⴰ ⵜⴰⵀⴻⵔⵙⴰⵏⵜ, ⵎⴻⴷⴷⴻⵏ ⴷ ⵜⵉⵔⵏⵉ ⴰⴽⴽⴻⵏ ⴰⴷ ⴷ-ⵔⵔⴻⵏ ⵜⵜⴰⵕ ⵖⴻⴼ ⵜⵎⴻⵙⴽⴰⵏⵉⵏ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⵓⵜⴻⵔ ⵏ ⵓⵣⴰⵔⵓⴳ ⵏ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.
ⴰⵎⴽⴰⵏ-ⴰ ⵢⵓⵖⴰⵍ ⴷ ⴰⵣⴰⵎⵓⵍ ⵎⴻⵖⵖⵔⴻⵏ ⵏ ⵜⴻⴷⵢⴰⵏⵜ-ⴰ, ⴰⵛⴽⵓ ⴷⵉⵏ ⵙⵡⴰⵙⵡⴰ ⴰⵢ ⵣⴻⵍⵍⵉⵏ ⵎⴻⴷⴷⴻⵏ ⴷ ⵉⵎⵓⴷⴷⵉⵔⴻⵏ ⵙⴻⴳ ⵢⵉⵛⴻⵕⴼⴰⵏ. ⵙⵍⴰⵏ ⵎⴻⴷⴷⴻⵏ ⵉ ⵢⵉⵙⵓⵖⴰⵏ ⵏ ⵡⵉⴷ ⵢⴻⵜⵜⵡⴰⵣⴻⵍⵍⵉⵏ, ⵢⴻⵔⵏⵓ ⵙⵏⴰⵍ ⵉ ⵓⵟⵟⴻⵔⴹⴻⵇ ⴰⵢ ⵍⵍⴰⵏ ⵟⵟⴻⵔⴹⵉⵇⴻⵏ ⵢⴻⵖⵙⴰⵏ-ⵏⵙⴻⵏ ⵎⵉ ⴰⵔⴰ ⵖⵍⵉⵏ ⵖⴻⴼ ⵜⴻⵥⵔⴰ ⵏ ⵅⴻⵔⵔⴰⵟⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⵢⴻⵛⴼⴰⵏ ⵉ ⵜⴻⴷⵢⴰⵏⵜ-ⴰ ⵢⴻⵙⵙⴻⵅⵍⴰⵄⴻⵏ, ⵢⴻⵔⵏⵓ ⵓⵍⴰ ⵎⴰ ⵄⴻⴷⴷⴰⵏ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵖⴻⴼ ⵡⴰⵢⴰ, ⵎⴰⵣⴰⵍ ⵜⵜⵔⵓⵏ ⵡⵉⴷ ⴰⵢ ⴷ-ⵉⵃⴻⴽⴽⵓⵏ ⴰⵢⴰ.
« ⴰⵙⵙ-ⵏⵏⵉ ⴷ ⴰⵙⵙ ⵏ ⴵⵉⵀⴻⵏⵏⴰⵎⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴰⵀⵛⴻⵏⴻ ⴱⴻⴽⴽⵧⵓⵛⵀⴻ ⴰⵢ ⵢⴻⵍⵍⴰⵏ ⵢⴻⵙⵄⴰ 16 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⵓ ⵉⵡⴰⵍⴰ-ⴷ ⵜⵉⵡⵡⴻⵃⵛⵉⵜ-ⴰ ⵙⴻⴳ ⵢⵉⵡⴻⵏ ⵏ ⵡⴻⵖⵔⴰⴱ, ⵢⴻⵔⵏⵓ ⵢⴻⵛⴼⴰ ⵎⵉ ⵏⵖⴰⵏ ⵎⵧⵀⴰⵏⴷ ⵀⴰⵏⵧⵓⵣ, ⴷ ⵉⵎⵙⵓⵊⵊⵉ ⴰⴷⵣⴰⵢⵔⵉ ⵏ ⵅⴻⵔⵔⴰⵟⴰ, ⴰⵎ ⵡⴰⴽⴽⴻⵏ ⴰⵢ ⵏⵖⴰⵏ ⴰⵔⵔⴰⵡ-ⵏⵏⴻⵙ. ⵣⴻⵍⵍⵉⵏ-ⵜⴻⵏ ⵙⴻⴳ ⵡⴻⵛⵕⵓⴼ, ⵢⴻⵔⵏⵓ ⵇⵇⵏⴻⵏ-ⴰⵙⴻⵏ ⵉⴼⴰⵙⵙⴻⵏ ⴷ ⵢⵉⴹⴰⵔⵔⴻⵏ-ⵏⵙⴻⵏ ⵙ ⵢⵉⵍⴻⵥⵡⵉ ⴱⵓ ⵜⵓⵛⵛⴰⵔ. ⵍⵍⴰⵏ ⵜⵜⵣⴻⵍⵍⵉⵏ-ⵜⴻⵏ ⵡⴰ ⴷⴻⴼⴼⵉⵔ ⵡⴰⵢⴻⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⴽⴽⵧⵓⵛⵀⴻ ⵙ ⵢⵉⵎⴻⵟⵟⴰⵡⴻⵏ.
« ⵙ ⵢⵉⴽⴰⵎⵢⵓⵏⴻⵏ ⴰⵢ ⵍⵍⴰⵏ ⵙⵙⴰⵡⴰⴹⴻⵏ-ⴷ, ⵢⵉⵙⴻⵔⴷⴰⵙⴻⵏ ⵉⵎⴻⵊⵀⴰⵍ, ⵉⵎⴻⵙⴽⴰⵏⴻⵏ ⴷ ⵢⵉⵖⴻⵔⵎⴰⵏⴻⵏ ⵏ ⵎⴻⵏⵡⴰⵍⴰ. ⵙⵙⵓⴼⴼⵖⴻⵏ-ⵜⴻⵏ-ⵉⴷ ⵙ ⵢⵉⵖⵉⵍ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⵙⴰⴽⴽⵉⵏ ⵙⴹⴰⵍⵍⴻⵏ-ⵜⴻⵏ ⵙⴻⴳ ⵢⵉⵛⴻⵕⴼⴰⵏ ⵖⴻⵔ ⵢⵉⵖⴻⵣⵔⴰⵏ. ⵙⴻⴳ ⵡⴰⴽⴽⴻⵏ ⵣⴻⵍⵍⵉⵏ ⵎⴻⴷⴷⴻⵏ ⴰⵔⵎⵉ ⴰⵢ ⵇⵇⵉⵎⴻⵏ ⵡⴰⵎⴰⵏ ⵏ ⵢⴻⵖⵣⴻⵔ ⴰⵛⵃⴰⵍ ⴷ ⵓⵙⵙⴰⵏ ⵏⵉⵜⵏⵉ ⴷ ⵉⴳⴰⴷⴰⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵣⴷⴰⵖⴻⵏ ⵏ ⵅⴻⵔⵔⴰⵟⴰ ⴰⵢ ⵢⴻⵛⴼⴰⵏ ⵉ ⵡⴰⵙⵙ-ⵏⵏⵉ.
