ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴳⵎⵉ: ⵓⴳⴰⵔ ⵏ 93.000 ⵏ ⵢⵉⵙⴻⵍⵎⴰⴷⴻⵏ ⴰⵢ ⵢⴻⵜⵜⵡⴰⵙⵎⴻⵔⵙⴻⵏ ⵙⴻⴳ 2016 (ⵜⴰⵏⴻⵖⵍⴰⴼⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴳⴰⵔ ⵏ 93.000 ⵏ ⵢⵉⵙⴻⵍⵎⴰⴷⴻⵏ ⴰⵢ ⵢⴻⵜⵜⵡⴰⵙⵎⴻⵔⵙⴻⵏ ⵙⴻⴳ 2016, ⵏⴻⵖ, ⵙ ⵡⴰⵡⴰⵍ ⵏⵉⴹⴻⵏ, 63% ⵙⴻⴳ ⵢⵉⵎⴻⵣⵡⴰⵔⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⴷⴻⴳ ⵜⴻⵎⵙⵉⵣⴻⵡⵔⵉⵏ ⵏ ⵓⵙⵙⴻⵎⵔⴻⵙ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 29 ⵢⴻⴱⵔⵉⵔ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.

ⵉⵙⴻⵍⵎⴰⴷⴻⵏ ⴰⵢ ⴷ-ⵢⴻⵜⵜⵡⴰⵙⵎⴻⵔⵙⴻⵏ ⵓⵡⴹⴻⵏ ⵖⴻⵔ 93.260, ⵢⴻⵔⵏⵓ ⵜⵜⵡⴰⵙⴻⵜⵜⴼⴻⵏ ⵖⴻⴼ ⵍⴻⵃⵙⴰⴱ ⵏ ⵓⵎⵎⵉⵣⵡⴻⵔ-ⵏⵙⴻⵏ ⴷⴻⴳ « ⵜⴰⴽⵍⴰⵍⵉⵜ » ⴷⴻⴳ ⵡⵓⵎⵓⵖⴻⵏ ⵏ ⵜⵎⴻⵕⵊⵉⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.

ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ, ⴰⵎⴹⴰⵏ-ⴰ ⵢⴻⵎⵎⴰⵍ-ⴷ ⴰⵄⴻⵡⵡⴻⵍ ⵏ ⵓⵡⴰⵏⴰⴽ ⴰⴽⴽⴻⵏ ⴰⴷ ⵢⴻⵔⵔ ⴰⵖⴻⵔⴱⴰⵣ ⴰⴷⵣⴰⵢⵔⵉ ⴷ ⵜⴰⵙⵓⴷⵓⵜ ⴰⵢ ⵢⴻⵙⵙⴻⵍⵎⴰⴷⴻⵏ ⵜⵉⵎⵓⵙⵙⵏⵉⵡⵉⵏ ⵜⵉⴹⵓⵍⵍⵉⵢⵉⵏ ⴰⵔⴰ ⵢⴻⴵⴵⴻⵏ ⴰⵏⴻⵍⵎⴰⴷ ⴰⴷ ⵢⵓⵖⴰⵍ ⴷ ⴰⵎⴻⴳⴳⴰⵢ ⵓⵔⵎⵉⴷ ⴷⴻⴳ ⵜⵎⴻⵜⵜⵉ ⵢⴻⵔⵏⵓ ⴷ ⴰⵖⴻⵔⵎⴰⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵎⵎⴰⴳⴻⵔ ⵉⵛⵇⵉⵔⵔⵡⴻⵏ ⵏ ⵜⵏⴻⴼⵍⵉⵜ ⴷ ⵡⴻⵙⵎⴰⴹⴻⵍ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵙⵙⴻⵏ ⴰⵣⴰⵍⴻⵏ ⵏ ⵜⵉⴷⴷⵣⴰⵢⵔⵉⵜ-ⵏⵏⴻⵙ.

ⵜⵡⴻⴽⴽⴻⴷ-ⴷ ⴷⴰⵖ ⵜⵏⴻⵖⵍⴰⴼⵜ ⴷⴰⴽⴽⴻⵏ ⵉⴱⴹⵉ ⵏ ⵓⵙⵙⴻⴳⵎⵉ ⴰⴷ ⵉⴽⴻⵎⵎⴻⵍ ⴰⴷ ⵢⴻⵙⵙⴻⵇⴷⴰⵛ ⵜⵉⵖⴻⵔⵖⴻⵔⵜ ⵜⵓⵎⴹⵉⵏⵜ ⵉ ⵍⵎⴻⵏⴷ ⵏ ⵓⵙⵙⴻⵎⵔⴻⵙ, ⵍⴰⴷⵖⴰ ⵎⵉ ⴰⵔⴰ ⵢⴻⵃⵡⵉⵊ ⵉⵙⴻⵍⵎⴰⴷⴻⵏ ⴰⵔⴰ ⴷ-ⵢⴰⴳⴻⵎ ⵙⴻⴳ ⵡⵓⵎⵓⵖ ⵏ ⵜⵎⴻⵕⵊⵉⵡⵜ ⴰⴽⴽⴻⵏ ⴰⴷ ⵜⴻⵏ-ⵙⵎⴻⵔⵙⴻⵏ ⴷⴻⴳ ⵓⵖⴻⵔⴱⴰⵣ ⴰⵎⴻⵏⵣⵓ, ⵢⴻⵔⵏⵓ ⴰⴷ ⵉⴽⴻⵎⵎⴻⵍ ⵡⴰⵢⴰ ⴰⵔⵎⴰ ⵙⵙⵓⴷⴷⵙⴻⵏ ⵜⴰⵎⵙⵉⵣⵡⴻⵔⵜ ⵏ ⵓⵙⵙⴻⵎⵔⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⴷ ⵜⵉⵏ ⴰⵢⴷⴻⴳ ⴰⵔⴰ ⵙⵎⴻⵔⵙⴻⵏ 10.009 ⵏ ⵢⵉⵙⴻⵍⵎⴰⴷⴻⵏ ⵏ ⵢⴻⵙⵡⵉⵔⴻⵏ ⵏ ⵓⵖⴻⵔⴱⴰⵣ ⴰⵍⴻⵎⵎⴰⵙ ⴷ ⵜⴻⵙⵏⴰⵡⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ.

ⴰⵖⴻⵍⵍⴻⵜ ⵏ ⵜⵖⴻⵔⵖⴻⵔⵜ ⵜⵓⵎⴹⵉⵏⵜ ⵉ ⵓⵙⵙⴻⵎⵔⴻⵙ ⵏ ⵢⵉⵙⴻⵍⵎⴰⴷⴻⵏ ⵏ ⵡⵓⵎⵓⵖ ⵏ ⵜⵎⴻⵕⵊⵉⵡⵜ ⴷ ⵡⵉⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⵎⵔⴻⵙ ⵏ 23.799 ⵏ ⵢⵉⵙⴻⵍⵎⴰⴷⴻⵏ ⵙⴻⴳ ⵡⵓⵎⵓⵖⴻⵏ ⵏ ⵜⵎⴻⵕⵊⵉⵡⵜ ⵏ ⵜⵡⵉⵍⴰⵢⵜ ⴷ 3.384 ⵏ ⵢⵉⵙⴻⵍⵎⴰⴷⴻⵏ ⵙⴻⴳ ⵡⵓⵎⵓⵖⴻⵏ ⵏ ⵜⵎⴻⵕⵊⵉⵡⵜ ⵉⵖⴻⵍⵏⴰⵡⴻⵏ, ⵢⴻⵔⵏⵓ ⴷ ⴰⵢⴰ ⴰⵔⴰ ⴷ-ⵢⴻⴼⴽⴻⵏ ⴰⵊⴻⵎⵎⴰⵍ ⵏ 27.183 ⵏ ⵢⵉⵙⴻⵍⵎⴰⴷⴻⵏ.