ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵄⴻⵡⵡⴻⵍ ⵍⴻⵣⵣⴰⵢⴻⵔ ⴰⴷ ⵜⴻⴽⴽⴻⵙ ⴰⴽⴽ ⵍⴻⵚⵏⴰⴼ ⵏ ⵜⵊⴻⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ (ⴰⵎⴻⵏⵣⴰⴹ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴻⵏⵣⴰⴹ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⵎⴻⵏⴰⴷ ⵏⵧⵓⴱⴰ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⵄⴻⵡⵡⴻⵍ ⴰⴷ ⵜⴻⴽⴽⴻⵙ ⴰⴽⴽ ⵍⴻⵚⵏⴰⴼ ⵏ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ, ⴰⵎ ⵡⴰⴽⴽⴻⵏ ⴰⵢ ⵜⵄⴻⵡⵡⴻⵍ ⴰⴷ ⵜⴻⵙⵏⴻⵙ ⵉⵖⵜⴰⵙⴻⵏ ⵢⴻⵇⵇⵏⴻⵏ ⵖⴻⵔ ⵓⵡⴻⵎⵜⴰⵡⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵎⴳⴰⵍ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ.

ⵉⵎⵉ ⵜⴰⵎⵙⴰⵍⵜ-ⴰ ⵜⴻⵙⵄⴰ « ⵜⵉⵅⵅⵓⵜⴻⵔⵜ ⵎⴻⵖⵖⵔⴻⵏ ⴰⵟⴰⵙ », ⵍⴻⵣⵣⴰⵢⴻⵔ « ⵜⴻⵜⵜⵖⵉⵎⵉ-ⴷ ⵜⵄⴻⵡⵡⴻⵍ ⴰⴷ ⵜⴻⴽⴽⴻⵙ ⵜⴰⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ, ⴰⴽⴽⴻⵏ ⵜⴻⴱⵖⵓ ⵜⵉⵍⵉ, ⵢⴻⵔⵏⵓ ⵜⵄⴻⵡⵡⴻⵍ ⴰⴷ ⵜⴻⵙⵏⴻⵙ ⵉⵖⵜⴰⵙⴻⵏ ⴰⵢ ⵢⴻⵜⵜⵡⴰⴹⴻⴼⵔⴻⵏ ⴷⴻⴳ ⵓⴽⴰⵜⴰⵔ ⵏ ⵢⵉⵃⴻⵣⵣⵉⴱⴻⵏ ⵏ ⵡⴻⵎⵜⴰⵡⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵎⴳⴰⵍ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ-ⴰⵎⴰⵊⵓⵕ ⵏⵧⵓⴱⴰ ⴰⵢ ⵢⴻⵙⵙⴻⵍⵡⵉⵏ ⴰⵔⵥⴰⵎ ⵏ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ ⴷ ⵢⵉⵏⴰⵍⴽⴰⵎⴻⵏ-ⵏⵏⴻⵙ ⵖⴻⴼ ⵜⵖⴻⵍⵍⵉⵙⵜ ⵜⴰⵏⴰⴳⴷⵓⴷⵜ, ⴷ ⴰⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⵙ ⵕⵕⴰⵢ ⵏ ⵜⵓⴷⴷⵙⴰ ⵏ 5+5.

ⵉⵡⴻⴽⴻⴽⴷ-ⴷ ⴷⴰⵖ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵙⴻⴳ ⵡⴰⵙⵎⵉ ⴰⵢ ⵜⵓⵡⴻⵢ ⵍⴻⵣⵣⴰⵢⴻⵔ ⴰⵣⴰⵔⵓⴳ-ⵏⵏⴻⵙ, « ⵓⵔ ⵜⵛⵓⵃⵃ ⴰⵔⴰ ⴰⴽⴽ ⵉ ⵡⵓⵙⵙⵉⵙⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⵜⴰⵖⴻⵍⵍⵉⵙⵜ ⵜⴰⴳⴻⵏⵙⵉⵜ ⵏ ⵜⵎⵓⵔⵜ », ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⴻⴱⵖⵉ-ⴰ ⵉⴱⴰⵏ-ⴷ ⵙ ⵡⴻⴹⴼⴰⵔ ⵏ ⵡⴰⵛⵃⴰⵍ ⵏ ⵢⴻⵎⵜⴰⵡⴰⵢⴻⵏ ⴷ ⵢⵉⵏⴻⴳⴳⴰⴼⴻⵏ ⵉⴳⵔⴰⵖⵍⴰⵏⴻⵏ, ⴳⴰⵔ-ⴰⵙⴻⵏ ⴰⵎⵜⴰⵡⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵎⴳⴰⵍ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ ⴰⵢ ⵢⴻⵜⵜⵡⴰⵣⴻⵎⵍⴻⵏ ⴷⴻⴳ 5 ⴼⵓⵕⴰⵕ 2002, ⴰⵎⵜⴰⵡⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵎⴻⵏⵖⵉ ⵎⴳⴰⴽ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⵏ 28 ⵢⴻⵏⵏⴰⵢⴻⵔ 1995 ⴷ ⵓⵏⴻⴳⴳⴰⴼ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵢⵉⵎⵉⵏⵉⴳⴻⵏ ⵙ ⵡⴻⴱⵔⵉⴷ ⵏ ⵡⴰⴽⴰⵍ, ⵉⴳⴻⵏⵏⵉ ⴷ ⵢⵉⵍⴻⵍ ⴰⵢ ⵢⴻⵜⵜⵡⴰⵣⴻⵎⵍⴻⵏ ⴷⴻⴳ 9 ⵡⴰⵎⴱⴻⵔ 2003.