ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⵔⵍⵉⵏ : ⵍⴰⵎⴰⵎⵔⴰ ⵉⴳⴰ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵎⴰⵀⵉⵍ ⴰⴽⴽⴻⴷ ⵓⵎⵜⵉⵍ-ⵉⵙ ⴰⵍⵎⴰⵏⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵢⵉⴻⵎⴻⵥⵍⴰ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵉⴳⴰ ⴷⴻⴳ ⴱⴻⵔⵍⵉⵏ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵎⴰⵀⵉⵍ ⴰⴽⴽⴻⴷ ⵏ ⵎⴰⵣⵓⵍ ⵏ ⵜⵏⴻⵖⵍⴰⴼⵜ ⵜⴰⵎⴻⵣⵡⴰⵔⵓⵜ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ ⵏ ⵜⴻⴳⴷⵓⴷⴰ ⵜⴰⴼⵉⴷⵉⵔⴰⵍⵉⵜ ⵏ ⵡⴰⵍⵎⴰⵏ, ⴳⴰⴱⵔⵉⴻⵍ ⵙⵉⴳⵎⴰⵔ, ⴰⵏⴷⴰ ⵉ ⵣⵓⵍⴻⵏ ⵢⵉⵏⴻⵖⵍⴰⴼⴻⵏ-ⴰ ⴰⵙⵡⵉⵔ ⵉⵖⴻⵔ ⵙⵙⴰⵡⴹⴻⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵙⵏⴰⵜ ⵜⵎⵓⵔⴰ ⵎⵎⴻⵣⴳⴻⵏ-ⴷ ⵖⴻⴼ ⵓⵙⴻⴵⵀⴻⴷ ⵏ ⵓⴷⵉⵡⴻⵏⵏⵉ ⴰⵙⴻⵔⵜⴰⵏ ⴷⴻⴳ ⵡⴰⴽⴽ ⵢⵉⵙⵡⵉⵔⴻⵏ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ.
ⵢⴻⵜⵜⵡⴰⵖⴹⴻⵎ ⵓⵎⵢⵉⴳⴻⵔ-ⴰ ⵙ ⵜⵉⴽⵛⵉ ⵏ ⵢⵉⵣⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵓⵙⴻⵍⵡⴰⵢ ⴼⵔⴰⵏⴽ ⵡⴰⵍⵜⴻⵔ ⵙⵜⴻⵉⵏⵎⴻⵉⴻⵔ ⴰⴽⴽⴻⴷ ⵜⵏⴻⵖⵍⴰⴼⵜ ⵜⴰⵎⴻⵣⵡⴰⵔⵓⵜ ⵏ ⵜⴼⵉⴷⵉⵔⴰⵍⵉⵜ, ⴰⵏⴳⴻⵍⴰ ⵎⴻⵔⴽⴻⵍ, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.
ⵜⵉⵖⵉⵎⵉⵜ-ⴰ ⵏ ⵓⵎⴰⵀⵉⵍ, ⴷ ⵜⴰⵎⴻⵣⵡⴰⵔⵓⵜ ⴰⴽⴽⴻⴷ ⵓⵏⴻⵖⵍⴰⴼ ⴰⵎⴰⵢⵏⵓⵜ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ ⴰⵍⵎⴰⵏⵉ, ⴷ ⵜⴰⴳⵏⵉⵜ ⵉ ⴼⵓⵔⵚⴻⵏ ⴰⴽⴽⴻⵏ ‘’ⴰⴷ ⵙⴽⴻⵢⴷⴻⵏ ⵉⴽⴰⵔⴰⵎⴻⵏ ⵢⴻⵔⵣⴰⵏ ⴰⵙⵙⴰⵖⴻⵏ ⵏ ⵓⵎⴻⴷⵀⴻⵍ ⵓⵛⵔⵉⴽⴻⵏ ⵙ ⵓⵙⴻⵖⴷⴻⴱⴱⵓ ⵖⴻⴼ ⵜⵓⵜⵜⵔⵉⵡⵉⵏ ⵜⵉⴷⴰⵎⵙⴰⵏⵉⵏ’’, ⵉ ⴷ-ⵢⴻⵏⵏⴰ ⵡⴻⵍⵖⵓ.
