ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵡⴰⵏⵜ: ⴰⵛⵉⵔⵉ ⵏ ⵓⵎⴻⵥⵍⵓ ⵏ ⵓⵙⵙⴻⵖⵔⴻⵜ ⵏ ⵓⵇⴰⵔⵉⴹ ⴰⵡⴻⵔⴷⴰⵏⵉ ⴷ ⵜⵖⴰⵡⵙⵉⵡⵉⵏ ⵜⵉⵣⴰⵍⴰⵏⵉⵏ ⵙ ⵉⵏⵜⴻⵔⵏⴻⵜ
ⵇⵙⴻⵏⵟⵉⵏⴰ– ⵏⵏⴰⵏ-ⴰⵖ-ⴷ ⵢⵉⵎⴰⵙⴰⵢⴻⵏ ⵏ ⵜⵎⴻⵀⵍⴰ ⵜⴰⵎⵏⴰⴹⴰⵏⵜ ⵏ ⵜⴻⴷⵡⴰⵏⵜ ⵜⴰⴷⵣⴰⵢⵔⵉⵜ ⵏ ⵇⵙⴻⵏⵟⵉⵏⴰ ⴷⴰⴽⴽⴻⵏ ⵛⴰⵔⴻⵏ-ⴷ ⴰⵎⴻⵥⵍⵓ ⵏ ⵓⵙⵙⴻⵖⵔⴻⵜ ⵏ ⵓⵇⴰⵔⵉⴹ ⴰⵡⴻⵔⴷⴰⵏⵉ ⴷ ⵜⵖⴰⵡⵙⵉⵡⵉⵏ ⵜⵉⵣⴰⵍⴰⵏⵉⵏ ⵙ ⵉⵏⵜⴻⵔⵏⴻⵜ, ⵢⴻⵔⵏⵓ ⴰⵎⴻⵥⵍⵓ-ⴰ ⴷ ⴰⵃⵔⵉⵛ ⵙⴻⴳ ⵓⵖⴰⵡⴰⵙ ⴰⵙⵏⵓⴷⴷⵙⴰⵏ ⵏ ⵜⴻⴷⵡⴰⵏⵜ ⵉ ⵜⴰⵍⵍⵉⵜ ⵏ 2016-2019.
« ⴰⵏⴰⴳⵔⴰⵡ-ⴰ ⴰⵜⵔⴰⵔ ⴷ ⵡⵉⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵜⵉⵙⴻⴽⴽⵉⵔⵉⵏ ⵜⵉⴷⵡⴰⵏⴰⵏⵉⵏ ⵢⴻⵔⵏⵓ ⴰⴷ ⴷ-ⵢⴻⵙⵙⵉⴳⴻⵔ ⴰⴽⵓⴷ ⵎⴻⵖⵖⵔⴻⵏ ⵉ ⵢⴻⵎⵙⵉⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵎⵀⴰⵍⵏ ⴷ-ⵢⴻⵍⵀⴰⵏ ⵙ ⵜⵙⴻⵏⵙⴻⵍⴽⵉⵎⵜ ⴷ ⵜⴻⵖⵡⴰⵍⵜ ⵉ ⵜⵎⴻⵀⵍⴰ ⵜⴰⵎⵏⴰⴹⴰⵏⵜ ⵏ ⵜⴻⴷⵡⴰⵏⵜ, ⵎⴰⵙⵙ ⵧⵎⴰⵔ ⵀⴰⵎⵍⴰⵧⵓⵉ, ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵏ ⵓⵙⵙⴻⵍⵖⵓ ⵖⴻⴼ ⵡⴻⴳⵍⵓⴳⴻⵏ ⴷ ⵓⵙⵙⵉⴼⵙⴻⵙ ⴰⵔⴰ ⴷ-ⵢⵉⵍⵉⵏ ⵉ ⵍⴼⴰⵢⴷⴰ ⵏ ⵢⴻⴱⴹⵉ ⵏ ⵜⴻⵎⴳⵓⵔⵉ ⵏ ⵜⵓⵞⵞⵉⵜ, ⴷ ⴰⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⵖⵉⵎⵜ ⵏ ⵜⵎⴻⵀⵍⴰ-ⴰ.
ⵉⵎⴷⴰⵏⴻⵏ ⴰⵢ ⵢⴻⵖⵙⴻⵏ ⴰⴷ ⴷ-ⴰⴷⴼⴻⵏ ⵖⴻⵔ ⵡⴰⴽⴰⵍ ⴰⵖⴻⵍⵏⴰⵡ, ⵍⴰⴷⵖⴰ ⵡⵉⴷ ⴰⵢ ⵢⴻⵖⵙⴻⵏ ⴰⴷ ⴽⴽⴻⵏ ⵉⵎⵓⵔⴰⵙ-ⵏⵙⴻⵏ ⵏ ⵓⵏⴻⴱⴷⵓ ⴷⴰ, ⵣⴻⵎⵔⴻⵏ, ⵙⴻⴳ ⵢⵉⵎⵉⵔ-ⴰ, ⴰⴷ ⴷ-ⵙⵖⴻⵔⵜⴻⵏ ⴰⵇⴰⵔⵉⴹ-ⵏⵙⴻⵏ ⴰⵡⴻⵔⴷⴰⵏⵉ ⴷ ⵜⵖⴰⵡⵙⵉⵡⵉⵏ-ⵏⵙⴻⵏ ⵜⵉⵣⴰⵍⴰⵏⵉⵏ ⴰⵢ ⵖⵙⴻⵏ ⴰⴷ ⵜⴻⵏ-ⵉⴷ-ⴰⵡⵢⴻⵏ ⵢⴻⵔⵏⵓ ⴰⴷ ⵙⵏⴻⵇⵙⴻⵏ, ⵙ ⵡⴰⵢⴰ, ⵜⵉⵙⴻⴽⴽⵉⵔⵉⵏ ⵜⵉⴷⵡⴰⵏⴰⵏⵉⵏ ⴰⵔⴰ ⴳⴻⵏ ⴰⵙⵙ ⴰⵢⴷⴻⴳ ⴰⵔⴰ ⴷ-ⴰⵡⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ.
ⴰⵙⵙⴻⵖⵔⴻⵜ ⵙ ⵉⵏⵜⴻⵔⵏⴻⵜ ⴷ ⵡⵉⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵛⵛⵖⴻⵍ ⵉ ⵢⴻⵎⵙⵉⴽⵍⴻⵏ ⵢⴻⵔⵏⵓ ⴰⴷ ⵢⴻⵜⵜⴻⴽⴽⵉ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵓⵙⵙⵉⵔⴻⴷ ⵏ ⵢⴻⴷⵔⵉⵎⴻⵏ ⴰⵢ ⵜⵜⴳⴻⵏ ⵢⴻⵎⵙⴻⵜⵜⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵎⴰⵙⴰⵢ-ⴰ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⴰⵢⴰ ⴷ ⵜⵜⴱⵓⵜ ⵏ ⵜⵉⴷⴻⵜ ⴷⴰⴽⴽⴻⵏ ⵜⴰⴷⵡⴰⵏⵜ ⵍⴰ ⵜⴻⵙⵙⴻⵜⵔⴰⵔ ⵉⵎⴰⵏ-ⵏⵏⴻⵙ.
ⵜⴳⴰ ⵜⵎⴻⵀⵍⴰ ⵜⴰⵎⵏⴰⴹⴰⵏⵜ ⵏ ⵜⴻⴷⵡⴰⵏⵜ ⵏ ⵇⵙⴻⵏⵟⵉⵏⴰ ⵉⵎⵢⴰⴳⵔⴻⵏ ⵏ ⵡⴻⵙⵃⵓⵍⴼⵓ ⵖⴻⴼ ⵜⴻⵜⵡⵉⵍⵉⵏ ⵏ ⵓⵙⵙⴻⴽⵢⴻⴷ (ⴰⴼⴻⵜⵜⴻⵛ) ⵏ ⵢⴻⵎⵙⵉⴽⵍⴻⵏ ⵉ ⵍⵎⴻⵏⴷ ⵏ ⵜⵙⴻⵎⵀⵓⵢⵜ-ⴰ ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ ⵉ ⵍⵎⴻⵏⴷ ⵏ ⵓⵎⵎⴰⴳⴻⵔ ⵉⵡⴰⵜⴰⵏ ⵏ ⵢⴻⵎⵙⵉⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵀⴰⵎⵍⴰⵧⵓⵉ.
