ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴼⴼⵖⴰ ⵏ ⵡⴻⵙⵎⴰⵍ ⴰⵎⴻⵣⵡⴰⵔⵓ ⵏ ⵢⵉⵙⴻⴳⴱⴰⵔⴻⵏ ⵙⴻⴳ ⵓⵎⴻⵣⴳⵓⵏ ⴰⵖⴻⵍⵏⴰⵡ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴼⵓⴽ ⵜⴰⵍⵍⵓⵙⵜ ⵜⴰⵎⴻⵣⵡⴰⵔⵓⵜ ⵏ ⵓⵙⵙⵉⵍⴻⵖ ⵏ ⵢⵉⵙⴻⴳⴱⴰⵔⴻⵏ, ⴰⵢ ⵜⴳⴰ ⵜⵎⴻⵀⵍⴰ ⵜⴰⵏⴰⵥⵓⵔⴰⵏⵜ ⵏ ⵓⵎⴻⵣⴳⵓⵏ ⴰⵖⴻⵍⵏⴰⵡ ⵏ ⵎⴰⵀⵉⴻⴷⴷⵉⵏⴻ-ⴱⴰⵛⵀⵜⴰⵔⵣⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵙⵙ ⵏ ⵜⵜⵍⴰⵜⴰ ⵙ ⵜⵓⴽⵛⵉ ⵏ ⵢⵉⴳⴻⵔⴷⴰⵙⴻⵏ ⵉ ⵢⵉⴱⴰⵍⵎⵓⴷⴻⵏ ⵏ ⵡⴻⵙⵎⴰⵍ ⴰⵎⴻⵣⵡⴰⵔⵓ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵓⵙⵙⵉⵍⴻⵖ-ⴰ, ⵢⴻⵔⵏⵓ ⵙⵙⴻⴽⵏⴻⵏ-ⴷ ⵢⵉⵙⴻⴳⴱⴰⵔⴻⵏ-ⴰ ⵉⵎⴰⵢⵏⵓⵜⴻⵏ ⵉ ⵡⴻⴳⴷⵓⴷ ⴰⵢⴻⵏ ⴰⵢ ⴷ-ⵍⴻⵎⴷⴻⵏ ⵙⴻⴳ ⵓⵙⵙⵉⵍⴻⵖ-ⴰ ⵙ ⵡⵓⵔⴰⵔ ⵏ 4 ⵏ ⵜⴻⵃⴽⴰⵢⵉⵏ ⵜⵉⵡⴻⵣⵍⴰⵏⵉⵏ.

7 ⵏ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵉⴳⴰⵏ ⴰⵙⵙⵉⵍⴻⵖ ⵏ 60 ⵏ ⵜⵖⵉⵎⵉⵢⵉⵏ ⴷⴻⴳ ⵜⵏⴻⵎⵙⴰⵍ ⵏ ⵓⵙⵙⵉⵍⴻⵖ ⴰⵢ ⴷ-ⵢⴻⴱⴷⴰⵏ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ ⵢⴻⵔⵏⵓ ⵣⴻⵔⵡⴻⵏ ⴷⴻⴳ-ⵙⴻⵏⵜ ⴰⵎⴻⵣⵔⵓⵢ ⵏ ⵓⵎⴻⵣⴳⵓⵏ, ⵜⵉⵥⵔⵉ ⵏ ⵜⵎⵓⴳⴳⵉⵜ, ⵜⵉⵔⴰⵡⵜ ⵜⴰⵎⴻⵣⴳⵓⵏⴰⵏⵜ, ⴰⵙⵏⴻⴼⵍⵉ ⵏ ⵜⵙⵓⴳⵉⵏⵜ ⴷⴻⴳ ⵡⵓⵔⴰⵔ ⵏ ⵓⵣⴻⴼⴼⴰⵏ ⴷ ⵜⵥⵓⵔⵉ ⵏ ⵓⵙⴻⴳⴱⴰⵔ.

ⵙⴰⴽⴽⵉⵏ, ⵓⵔⴰⵔⴻⵏ-ⴷ ⵢⵉⵙⴻⴳⴱⴰⵔⴻⵏ-ⴰ 4 ⵏ ⵜⴻⵃⴽⴰⵢⵉⵏ ⵏ 10 ⵏ ⵜⴻⴷⵇⵉⵇⵉⵏ ⵉ ⵢⵉⵡⴻⵜ, ⵢⴻⵔⵏⵓ ⵜⵉ ⴷ « ⵉⵎⵙⵓⵏⴻⵖ », « ⵜⵓⴽⴽⴻⵙⵜ », « ⴰⴷⵖⴰⵔ » ⴷ « ⴰⵙⴱⵉⵟⴰⵔ ⵏ ⵍⴻⵄⵇⴻⵍ » (ⵜⴰⵏⴼⴰⵍⵉⵜ ⵜⵉⵍⴻⵍⵍⵉⵜ) ⵙⴷⴰⵜ ⵏ ⵡⴻⴳⴷⵓⴷ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ ⵖⴻⵔ ⵜⵣⴻⵖⵖⴰ ⵏ ⵀⴰⴷⵊ-ⵧⵎⴰⵔ, ⴷ ⵜⵉⵃⴽⴰⵢⵉⵏ ⴰⵢⴷⴻⴳ ⴰⵢ ⴷ-ⵙⵙⴻⴽⵏⴻⵏ ⴰⵢⴻⵏ ⴰⵢ ⴷ-ⵍⴻⵎⴷⴻⵏ, ⵓⵔⴰⵔ ⵏ ⵓⵙⴻⴳⴱⴰⵔ, ⵜⵉⵏⴼⴰⵍⵉⵢⵉⵏ ⵏ ⵡⵓⴷⴻⵎ, ⵜⴰⵥⵓⵔⵉ ⵏ ⵜⵎⴻⵏⵏⴰ ⴷ ⵡⴻⵡⴷⴰⴳ ⵏ ⵜⴰⵍⵍⵓⵏⵜ.

ⵜⵉⵃⴽⴰⵢⵉⵏ-ⴰ ⵄⴻⵊⴱⴻⵏⵜ ⴰⵟⴰⵙ ⴰⴳⴷⵓⴷ ⴰⵢ ⵉⵙⴻⴼⴼⵇⴻⵏ ⴼⴻⵍⵍ-ⴰⵙⴻⵏⵜ, ⵢⴻⵔⵏⵓ ⵛⴻⴽⵕⴻⵏ-ⴷ ⵢⵉⵙⴻⴳⴱⴰⵔⴻⵏ-ⴰ ⴷⴰⵖ « ⵜⴰⵖⴰⵔⴰ ⵏ ⵓⵙⵙⵉⵍⴻⵖ » ⴷ ⵢⵉⵙⴻⴳⵔⴰⵔⴻⵏ-ⵏⵙⴻⵏ ⴰⵢ ⵢⴻⵍⵍⴰⵏ ⴷⵉⵎⴰ ⵡⴻⵊⴷⴻⵏ ⴰⴷ ⵜⴻⵏ-ⴰⵍⵍⴻⵏ, ⵢⴻⵔⵏⵓ ⵡⵉ ⴷ ⵉⵙⴷⴰⵡⴰⵏⴻⵏ ⴷ ⵢⴻⵎⵙⴰⴷⵓⵔⴻⵏ ⵙⵧⵓⵎⵉⴰ ⴱⴻⵏⴰⴱⴷⴻⵔⴰⴱⵧⵓ, ⵀⴰⵉⴷⴰⵔ ⴱⴻⵏⵀⴰⵙⵙⵉⵏⴻ ⴷ ⵎⵧⵀⴰⵎⴻⴷ ⵉⵙⵍⴻⵎ ⴰⴱⴱⴻⵙ.

« ⴰⵢⴻⵏ ⴰⵢ ⵢⴻⵍⵍⴰⵏ ⵢⴻⵡⵄⴻⵕ ⴰⴽⴽ ⵏⴻⵜⵜⴰ ⴷ ⴰⵙⵍⴻⵍⵍⵉ ⵏ ⵜⵙⵓⴳⵉⵏⵜ ⴷ ⵓⵎⵓⵙⵙⵓ ⵏ ⵜⴼⴻⴽⴽⴰ ⵏ ⵢⵉⵙⴻⴳⴱⴰⵔⴻⵏ-ⴰ ⵉⴱⵓⵊⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵀⴰⵎⴻⴷ ⵉⵙⵍⴻⵎ ⴰⴱⴱⴻⵙ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴼⴽⴰⵏ ⴰⵙⵉⵀⴰⵕ ⵉ ⵢⴻⵎⵜⵜⴻⴽⴽⵉⵢⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵓⵙⵙⵉⵍⴻⵖ-ⴰ ⴰⵔⴰ ⵢⴰⵍⵙⴻⵏ ⴰⴷ ⴷ-ⵢⵉⵍⵉ ⴰⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ.