ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵔⴰⵔⵉⵏ ⵏ ⵜⴻⵎⵙⴻⵜⵍⴻⵍⵜ ⵜⵉⵙⵍⴰⵎⴰⵏⵜ 2017 (ⵜⴰⵛⵉⵔⴼⵓⵙⵜ – ⴰⵙⵙ ⵡⵉⵙ 2) : ⵜⵓⴳⴰⵔ ⵍⴻⵣⵣⴰⵢⴻⵔ ⵜⴻⵔⵏⴰ ⵒⴰⴽⵉⵙⵜⴰⵏ ⵙ 47 ⵖⴻⵔ 24

ⴱⴰⴽⵓ – ⵜⴰⵖⵍⴰⵎⵜ ⵜⴰⵣⵣⴰⵢⵔⵉⵜ ⵏ ⴷⴷⴰⵡ 21 ⵏ ⵢⵉⵙⴻⴳⴳⴰⵙⴻⵏ ⵏ ⵜⴻⵔⵏⴰ ⵜⴰⵖⵍⴰⵎⵜ ⵏ ⵒⴰⴽⵉⵙⵜⴰⵏ ⵙ ⵓⴳⵎⵓⴹ ⵏ 47 ⵖⴻⵔ 24 ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⴱⴰⴽⵓ (ⵜⴰⵥⴻⵔⴱⴰⵢⴵⴰⵏⵜ) ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵜⵛⵉⵔⴼⵓⵙⵜ ⵏ ⵜⵓⵔⴰⵔⵉⵏ ⵜⵉⵙ ⴽⵓⵥ ⵏ ⵜⴻⵎⵙⴻⵜⵍⴻⵍⵜ ⵜⵉⵙⵍⴰⵎⴰⵏⵜ.

ⴷ ⵔⵔⴱⴻⵃ ⴰⵎⴻⵣⵡⴰⵔⵓ ⵏ ⵜⴻⵖⵍⴰⵎⵜ ⵜⴰⵣⵣⴰⵢⵔⵉⵜ ⵙⴻⴳ ⵜⴻⵅⵚⴻⵔ ⵎⴳⴰⵍ ⵜⴰⵄⵔⴰⴱⴰ ⵜⴰⵙⴰⵄⵓⴷⵉⵜ ⵙ ⵓⴳⵎⵓⴹ ⵏ 26 ⵖⴻⵔ 13 ⴰⵙⵙ ⵏ ⵜⵜⵍⴰⵜⴰ ⵎⵉ ⵍⴷⵉⵏⵜ ⵜⵓⵔⴰⵔⵉⵏ ⵏ ⵜⴻⵎⵙⴻⵜⵍⴻⵍⵜ ⵜⵉⵙⵍⴰⵎⴰⵏⵜ ⵏ ⵓⵙⴻⴳⴳⴰⵙ-ⴰ.

ⵜⴰⴼⵉⴷⵉⵔⴰⵍⵉⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⵜⴼⵓⵔⴻⵙ ⵜⴰⴳⵏⵉⵜ ⵏ ⴹⴻⵔⵔⵓ ⵏ ⵜⵓⵔⴰⵔⵉⵏ ⵏ ⵜⴻⵎⵙⴻⵜⵍⴻⵍⵜ ⵜⵉⵙⵍⴰⵎⴰⵏⵜ ⵏ ⵓⵙⴻⴳⴳⴰⵙ ⵏ 2017 ⴰⴽⴽⴻⵏ ⴰⴷ ⵜⴰⵣⴻⵏ ⵜⴰⵖⵍⴰⵎⵜ ⵏ ⴰⵜ ⴷⴷⴰⵡ ⵏ 21 ⵏ ⵢⵉⵙⴻⴳⴳⴰⵙⴻⵏ ⵉ ⵍⴰ ⵢⴻⵜⵜⵀⴻⵢⵢⵉⵏ ⵉ ⵜⵉⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⵎⴰⴹⴰⵍⴰⵏⵜ ⵏ ⵓⵙⴻⴳⴳⴰⵙ ⵏ 2017 ⴷⴻⴳ ⵜⴰⴳⴳⴰⵢⵜ-ⴰ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵢⵢⵓⵔ ⵏ ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ, ⵉⴷⴻⴳ ⴰⵔⴰ ⴷ-ⵉⵍⵉⵏⵜ ⵜⵙⴻⵇⵇⴰⵔ ⴰⵙⵙ ⵏ ⵍⴻⵅⵎⵉⵙ-ⴰ.