ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵢⴰⴳⴻⵔ ⴷⴻⴳ ⵜⴱⴰⵜⴻⵏⵜ ⵖⴻⴼ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷⴻⴳ ⵓⵖⴻⵔⴱⴰⵣ ⴰⴷⵣⴰⵢⵔⵉ
ⵜⴰⴱⴰⵜⴻⵏⵜ – ⵢⴻⴱⴷⴰ-ⴷ ⴰⵙⵙ ⵏ ⵜⵜⵍⴰⵜⴰ ⵡⴻⵎⵢⴰⴳⴻⵔ ⴰⵎⵏⴰⴹⴰⵏ ⵏ ⵓⵙⵙⵉⵍⴻⵖ ⵖⴻⴼ « ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷⴻⴳ ⵓⵖⴻⵔⴱⴰⵣ ⴰⴷⵣⴰⵢⵔⵉ, ⵜⴰⴳⵏⵉⵜ ⴷ ⵢⴻⴳⵍⴰⵏ », ⴷⴻⴳ ⴷⴰⵔ ⴻⵍ ⵎⵧⵓⵔⴰⴱⵉ ⴷⴻⴳ ⵜⴱⴰⵜⴻⵏⵜ, ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ 74 ⵏ ⵢⵉⵎⴰⵙⵡⴰⴹⴻⵏ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⵏ ⵢⴻⵙⵡⵉⵔⴻⵏ ⴰⵎⴻⵏⵣⵓ ⴷ ⵓⵍⴻⵎⵎⴰⵙ.
ⴰⵎⵢⴰⴳⴻⵔ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴷ ⵡⵉⵏ ⴰⵢ ⴷ-ⵉⵃⵓⵣⴰⵏ ⵜⴰⵙⵏⴰⵍⵎⵓⴷⵜ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵉⵍⵖⵉⵜⴻⵏ ⵏ ⵓⵙⵙⴻⵍⵎⴻⴷ-ⵏⵏⴻⵙ, ⵜⵉⴼⵔⴰⵜⵉⵏ ⴷ ⵜⵙⴻⵎⵔⴰⵙ ⵜⵉⴹⵓⵍⵍⵉⵢⵉⵏ ⵉ ⵓⵙⵙⵉⵡⴻⴹ ⵖⴻⵔ ⵓⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⵙ ⵜⵖⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⵡⴰⴹ ⴰⵎⴰⵜⵓ ⵏ ⵜⵙⴻⵏⵙⴻⴳⵎⵉⵜ ⴷⴻⴳ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵙⴰⵉⴷ ⴱⴻⵏⵙⴰⵍⴻⵎ.
ⴰⵎⵢⴰⴳⴻⵔ-ⴰ ⵣⵡⴰⵔⴻⵏ-ⵜ ⵢⴰⴳⵉ ⵙⵉⵏ ⵏ ⵢⴻⵎⵙⴻⴳⵔⴰⵡⴻⵏ ⴰⵢ ⵜ-ⵉⵛⵓⴱⴰⵏ ⴷⴻⴳ ⵍⴻⴱⵍⵉⴷⴰ ⴷ ⵎⵄⴻⵙⴽⴻⵕ ⵉ ⵜⴻⵎⵏⴰⴹⵉⵏ ⵏ ⵜⵍⴻⵎⵎⴰⵙⵜ ⴷ ⵓⵜⴰⵔⴰⵎ ⵏ ⵜⵎⵓⵔⵜ, ⵢⴻⵔⵏⵓ ⴰⵎⵢⴰⴳⴻⵔ ⵏ ⵜⴱⴰⵜⴻⵏⵜ ⵎⵍⴰⵍⴻⵏ-ⴷ ⵖⴻⵔ-ⵙ ⵢⴻⵙⴷⴰⵡⴰⵏⴻⵏ ⴷ ⵢⴻⵎⴷⴰⵏⵉⵢⴻⵏ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴹⵔⵓ ⵏ ⵢⵉⵡⴻⵍⵍⵉⵀⴻⵏ ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⵉ ⵡⴻⵙⵏⴻⴼⵍⵉ ⵏ ⵡⴻⵏⵎⵉⵔⴻⴳ ⴷ ⵜⴻⵙⴷⴰⵡⵉⵢⵉⵏ ⴷ ⵢⵉⵏⴰⵔⵎⴻⵏ ⵏ ⵓⵏⴰⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.
ⵉⴳⴻⵍⵍⵓⵙⴻⵏ ⵏ ⵡⴻⵎⵢⴰⴳⴻⵔ-ⴰ ⴷ « ⵉⵍⵖⵉⵜⴻⵏ ⵏ ⵓⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵜⴰⵙⵏⴰⵍⵎⵓⴷⵜ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵡⴻⵙⵏⴻⴼⵍⵉ ⵏ ⵢⴻⵎⵍⴰⵣⵎⴰⵔⴻⵏ ⴷⴻⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ ».
