Asebter amenzawi

Amyager deg Tbatent ɣef tutlayt taɛṛabt deg uɣerbaz adzayri

TABATENT – Yebda-d ass n ttlata wemyager amnaḍan n ussileɣ ɣef « tutlayt taɛṛabt deg uɣerbaz adzayri, tagnit d yeglan », deg Dar El Mourabi deg Tbatent, yernu ttekkan deg-s 74 n yimaswaḍen n tutlayt taɛṛabt n yeswiren amenzu d ulemmas.

Amyager-a n sin n wussan d win ay d-iḥuzan tasnalmudt n tutlayt taɛṛabt, ilɣiten n usselmed-nnes, tifratin d tsemras tiḍulliyin i ussiweḍ ɣer usselmed n tutlayt taɛṛabt s tɣara, ɣef wakken ay d-yenna umaswaḍ amatu n tsensegmit deg weɣlif n ussegmi aɣelnaw, Said Bensalem.

Amyager-a zwaren-t yagi sin n yemsegrawen ay t-icuban deg Leblida d Mɛeskeṛ i temnaḍin n tlemmast d utaram n tmurt, yernu amyager n Tbatent mlalen-d ɣer-s yesdawanen d yemdaniyen deg ukatar n usseḍru n yiwellihen n weɣlif n ussegmi i wesnefli n wenmireg d tesdawiyin d yinarmen n unadi, ɣef wakken ay d-nettwaxebber.

Igellusen n wemyager-a d « ilɣiten n usselmed n tutlayt taɛṛabt, tasnalmudt n tutlayt taɛṛabt d wesnefli n yemlazmaren deg tutlayt taɛṛabt ».