ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴳⴰⵏ ⵢⵉⵡⴻⵜ ⵏ ⵜⴰⴷⴷⴰⵔⵜ ⵏ ⵢⵉⵎⵓⴹⴰⵏ ⵏ ⵙⵙⴽⴻⵔ ⴷⴻⴳ ⵓⵏⵔⴰⵔ ⵏ ⵙⵙⵉ ⵀⴰⵎⴷⴰⵏ (ⵎⴷⵉⵢⴰ)
ⵎⴷⵉⵢⴰ - ⴳⴰⵏ ⵢⵉⵡⴻⵜ ⵏ ⵜⴰⴷⴷⴰⵔⵜ ⵏ ⵢⵉⵎⵓⴹⴰⵏ ⵏ ⵙⵙⴽⴻⵔ ⴷⴻⴳ ⵓⵏⵔⴰⵔ ⴰⵖⵉⵡⴰⵏ ⵏ ⵙⵙⵉ ⵀⴰⵎⴷⴰⵏ ⵏ ⵎⴷⵉⵢⴰ, ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵜ ⵏ ⵔⵔⴻⵃⴱⴰ ⵏ ⵓⵏⴰⴷⵉ ⵖⴻⴼ ⵢⵉⵎⵓⴹⴰⵏ ⵓⵔ ⵏⴻⵥⵔⵉ ⴰⵔⴰ ⵓⴹⵏⴻⵏ ⴰⴽⴽⴻⴷ ⵓⴹⴼⴰⵔ-ⵏⵙⴻⵏ, ⵉ ⴷ-ⵏⵏⴰⵏ ⵉ ⵜⵏⴻⴳⴳⴰ ⵏ ⵜⴻⵍⵖⵓⵜⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⴻⵀⵍⴰ ⵏ ⵜⴷⴰⵡⵙⴰ, ⵏ ⵢⵉⵎⴷⴰⵏⴻⵏ ⴰⴽⴽⴻⴷ ⵜⵙⴻⵎⵎⴻⵙⴽⴻⵍⵜ ⵏ ⵙⴱⵉⵟⴰⵔⴰⵜ.
ⵜⴻⵔⵙ ⴷⴷⴰⵡ ⵏ ⵓⵣⵡⴻⵍ ‘’ⴰⴷ ⵏⵄⴰⵙ ⴰⵟⴰⵏ ⵏ ⵙⵙⴽⴻⵔ’’, ⵔⵔⴻⵃⴱⴰ-ⴰ ⵏ ⵓⵏⴰⴷⵉ ⵏ ⵡⴰⵟⴰⵏ ⵏ ⵙⵙⴽⴻⵔ ⴰⴷ ⵜⴻⵇⵇⵉⵎ ⵙⴻⴳ ⵡⴰⵙⵙ 13 ⵖⴻⵔ 22 ⵎⴰⵢⵓ ⵉⴷⴻⴳ ⵏⴻⵍⵍⴰ ⴰⴽⴽⴻⴷ ⵓⵙⴻⴳⵔⴻⵡ ⵏ ⴷⴷⴻⵇⵙ ⵏ ⵡⴰⵍⵍⴰⵍⴻⵏ ⴰⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴷⴰⵏⴻⵏ ⵏⴻⵖ ⵉⵙⴳⵓⵍⴰⴼ ⵉⵙⵏⴰⵊⵢⴰⵏⴻⵏ ⵢⴻⵎⴳⴰⵔⴷⴻⵏ, ⴷⴻⴳ ⵢⵉⵡⴻⵏ ⵏ ⵢⵉⵙⵡⵉ ⵏ ⵓⴹⵎⴰⵏ ⵏ ⵢⵉⵎⴻⵥⵍⴰ ⵢⴻⵍⵀⴰⵏ ⵉ ⵡⵉⴷ ⵢⵓⴹⵏⴻⵏ ⴰⴽⴽⴻⵏ ⵢⴻⵖⴻⵔⵎⴰⵏⴻⵏ ⵉ ⵏⴻⵇⵙⴻⴷ ⴷⴻⴳ ⵔⵔⴻⵃⴱⴰ-ⴰ, ⵉ ⴷ-ⵢⴻⵏⵏⴰ ⵎⴰⵙⵙ ⵎⵧⵀⴰⵎⴻⴷ ⵛⵀⴻⴳⴳⵧⵓⵔⵉ.
ⴰⴷ ⴽⴽⵉⵏ ⴷⴻⴳ-ⵙ ⵢⴻⵎⵙⵓⵊⵊⵉⵢⴻⵏ ⵢⴻⵎⵎⵓⵣⴳⴻⵏ ⴷⴻⴳ ⵜⵎⴻⵣⵣⵓⴳⵉⵏ ⵢⴻⴳⴰⵔⴷⴻⵏ, ⴰⵎⴻⴷⵢⴰ ⵏ ⵢⵉⵎⵙⵓⵊⵊⵉⵢⴻⵏ ⵢⴻⵎⵎⵓⵣⴳⴻⵏ ⴷⴻⴳ ⵡⴰⵍⵍⴻⵏ, ⵉⵎⴻⵙⵏⵉⵎⴰⵏⴻⵏ…, ⵉ ⴷ-ⵢⴻⴽⴽⴰⵏ ⵙⴻⴳ ⵜⴻⵎⵚⵓⴽⵉⵏ ⵢⴻⵎⴳⴰⵔⴷⴻⵏ ⵏ ⵙⴱⵉⵟⴰⵔⴰⵜ ⵏ ⵜⵡⵉⵍⴰⵢⵜ, ⴰⴷ ⵎⵎⴰⵀⵍⴻⵏ ⴽⵔⴰ ⴰⵔⴰ ⵜⴻⵇⵇⵉⵎ ⵔⵔⴻⵃⴱⴰ-ⴰ, ⵙ ⵡⴰⵣⴰⵍ ⵏ ⵙⴰ ⵏ ⵢⵉⵙⵔⴰⴳⴻⵏ ⵉ ⵡⴰⵙⵙ, ⴰⴷ ⴼⴽⴻⵏ ⵉⵙⴻⵎⵜⴰⵔ ⵉ ⵢⵉⵖⴻⵔⵎⴰⵏⴻⵏ ⴰⴷ ⵔⵏⵓⵏ ⴰⴷ ⵡⴻⵀⵀⵉⵏ ⵉⵎⵓⴹⵉⵏⴻⵏ ⵉⵎⴰⵢⵏⵓⵜⴻⵏ ⵉ ⵢⵓⴼⴰⵏ ⵖⴻⵔ ⵜⴻⵎⵚⵓⴽⵉⵏ ⵢⴻⵎⵎⵓⵣⴳⴻⵏ, ⵉ ⴰⵖ-ⴷ-ⵢⴻⵙⵙⴻⴳⵣⵉ.
