Asebter amenzawi

Assejrem n werkaḍ n yizerfan n wayla aggagan deg tɣemsa d tesdawit (asarag)

SUQ AHṚAS – Iḥettet-d usarag aɣelnaw ɣef « Tɣemsa tadzayrit gar yilugan n usadur d tmara n tilawt », ay ifuken ass n laṛebɛa deg tesdawit n Mohamed-Cherif-Messaadia, deg Suq Ahṛas, ɣef ussejrem n werkaḍ n yizerfan n wayla aggagan deg yinurar n tɣemsa d tesdawit.

Mlalen-d, deg wemyager-a, yemttekkiyen seg twilayin yemgerraden n tmurt, yernu ḥetteten-d daɣ ɣef wedhal n tisseɣnewt deg wenrar n wesliẓri, assebded n usaḍuf ara yessuddsen asadur n yimidyaten d ummesten seg wallus n wayen ay d-yettwarun yagi.

Neṣḥen-d daɣ yemttekkiyen s uneɛruḍ n yimazzagen deg usaḍuf d yinemhalen n wudusen n tɣemsa ɣer yemyagren ɣef tezdeg n ṣṣenɛa n tɣemsa, d ussermed n tsuda ay d-yelhan s ussuddes n usadur, adabu n usseɣyed d yisaḍufen n usselɣu.

Seg yidis niḍen, bedren-d yemttekkiyen axenduq yellan gar tesdawit d tsuda n yisalan yernu nnan-d dakken yessefk ad yettwasmel wenrar n usselɣu d teɣwalt s yixeddamen idiganen d yiwerdaniyen.

Uqbel waya, iwekked-d Nasredine Bouziane (n Tesdawit n Qsenṭina Tis 3) tamlilt n yimidyaten idiganen d wuqriben deg tneflit tunzigt ay yeddan d wahil ay d-heyyan yiduba inagduden. Ma d Yacine Khedairia n Tesdawit n Suq Ahṛas, iger-d tiɣri i tesnuddest n usselɣu ay isemmlen azalen n tiɣɣermi yernu tesḥulfuy aɣerman ɣef weḥraz n umezruy-nnes, tamagit-nnes d yizamulen n tferfant.

ɣef leḥsab-nnes, ineɣmasen idzayriyen ḥwajen ad sneflin imlazmaren-nsen akken ad d-fken agbur d umeẓlu anagdud n tɣara.