ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴵⵉⴵⴻⵍ: ⵜⴰⴳⴻⵣⵣⴰⵢⵜ ⵉ 28.500 ⵏ ⵢⴻⵣⴳⴰⵔⴻⵏ ⴷ ⵜⴼⵓⵏⴰⵙⵉⵏ ⵖⴻⴼ ⵜⴰⵡⵍⴰ ⵜⴰⵜⵓⵍⴰⵏⵜ (ⴰⵎⴰⵙⴰⵢ)

ⴵⵉⴵⴻⵍ – ⵓⴳⴰⵔ ⵏ 28.500 ⵏ ⵢⵉⵖⴼⴰⵡⴻⵏ ⵏ ⵓⴱⴻⵇⵔⵉ ⵓⵎⵉ ⴳⴰⵏ ⵜⴰⴳⴻⵣⵣⴰⵢⵜ ⵖⴻⴼ ⵜⴰⵡⵍⴰ ⵜⴰⵜⵓⵍⴰⵏⵜ ⴷⴻⴳ ⵜⵡⵉⵍⴰⵢⵜ ⵏ ⴵⵉⴵⴻⵍ ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵜⵃⴻⵎⵍⴰ ⵜⴰⵖⴻⵍⵏⴰⵡⵜ ⵏ ⵜⴳⴻⵣⵣⴰⵢⵜ ⵖⴻⴼ ⵡⴰⴹⴹⴰⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵢⵉⵎⴻⵥⵍⴰ ⵉⵏⴽⴻⵔⵔⴰⵣⴻⵏ ⵎⴰⴷⵊⵉⴷ ⵛⵀⴻⵏⴰⴼⵉ, ⴰⵙⵙ ⵏ ⵍⴰⵕⴻⴱⵄⴰ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵜⴻⴱⴷⴰ-ⴷ ⵜⵃⴻⵎⵍⴰ-ⴰ ⵙ ⵡⴻⵎⵢⴰⵍⴻⵍ ⴷ ⵢⵉⵎⴻⵥⵍⴰ ⵏ ⵜⴻⵙⵏⴰⵊⵢⴰ ⵏ ⵢⵉⵖⴻⵔⵙⵉⵡⴻⵏ, ⵢⴻⵔⵏⵓ ⵜⴻⵍⵍⴰ-ⴷ ⴱⴰⵟⴻⵍ ⵉ ⵍⴼⴰⵢⴷⴰ ⵏ ⵢⵉⵎⴻⴽⵙⴰⵡⴻⵏ ⵏ ⵜⵡⵉⵍⴰⵢⵜ-ⴰ, ⴰⵎ ⵡⴰⴽⴽⴻⵏ ⴰⵔⵎⴰ ⴷ ⵜⴰⴳⴰⵔⴰ ⵏ ⵡⴰⵢⵢⵓⵔ-ⴰ ⵏ ⵎⴰⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ 60.000 ⵏ ⵜⵓⴽⴼⵉⵡⵉⵏ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵜⵃⴻⵎⵍⴰ-ⴰ.

63 ⵏ ⵢⵉⴱⵉⴹⴰⵔⴻⵏ ⵏ ⵢⴻⴱⴹⵉⵢⴻⵏ ⵏ ⵢⴻⴱⴹⵉⵢⴻⵏ ⵏ ⵓⵏⴰⴳⴷⵓⴷ ⴷ ⵡⵓⵙⵍⵉⴳ ⴰⵢ ⴷ-ⵢⴻⵜⵜⵡⴰⵙⴱⴻⴳⵙⴻⵏ ⴰⴽⴽⴻⵏ ⴰⴷ ⵙⵙⴻⵃⴱⵉⴱⵔⴻⵏ ⵖⴻⴼ ⵜⵃⴻⵎⵍⴰ-ⴰ ⵏ ⵜⴳⴻⵣⵣⴰⵢⵜ ⴰⵔⴰ ⴷ-ⵉⵃⴰⵣⴻⵏ 80.000 ⵏ ⵢⵉⵖⴼⴰⵡⴻⵏ ⵏ ⵓⴱⴻⵇⵔⵉ, ⴳⴰⵔ-ⴰⵙⴻⵏ 43.000 ⵏ ⵜⴼⵓⵏⴰⵙⵉⵏ ⵏ ⵓⴽⴻⴼⴼⴰⵢ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵎⴰⵙⴰⵢ-ⴰ.

ⵜⴻⴱⴷⴰ-ⴷ ⵜⵉⴳⴰⵡⵜ ⵉⵛⵓⴱⴰⵏ ⵜⴰ ⵉ ⵍⵎⴻⵏⴷ ⵏ ⵜⴳⴻⵣⵣⴰⵢⵜ ⵏ 18.300 ⵏ ⵢⵉⵖⴼⴰⵡⴻⵏ ⵏ ⵓⵖⴻⵍⵎⵉ ⵙⴻⴳ ⵡⴰⴹⴹⴰⵏ ⵏ ⵓⵣⴻⵔⵣⴰ ⴷ 9.400 ⵏ ⵢⵉⵖⴼⴰⵡⴻⵏ ⵏ ⵓⵖⴻⵍⵎⵉ ⴰⴽⴽⴻⵏ ⴰⴷ ⵜⴻⵏ-ⵃⵓⴷⴷⴻⵏ ⵙⴻⴳ ⵡⴰⴹⴹⴰⵏ ⵏ ⵜⴻⴱⵔⵓⵙⵉⵍⵓⵣⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ ⵏ ⵢⵉⵎⴻⵥⵍⴰ ⵉⵏⴽⴻⵔⵔⴰⵣⴻⵏ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵍⴰ ⵢⵉⵡⴻⵏ ⵏ ⵢⵉⵖⴻⴼ ⵏ ⵍⵎⴰⵍ ⴰⵢⴷⴻⴳ ⵛⵉⴽⴽⴻⵏ ⵢⵓⴹⴻⵏ ⴷⴻⴳ ⵜⴻⵎⵏⴰⴹⵜ ⵏ ⵎⴽⴰⵙⴻⴱ, ⴷ ⵉⵖⴻⴼ ⵍⵎⴰⵍ ⴰⵢ ⴷ-ⵓⴼⴰⵏ ⴷⴻⴳ ⵢⵉⵡⴻⵜ ⵏ ⵍⴼⵉⵔⵎⴰ ⵜⵓⵙⵍⵉⴳⵜ ⵙⴷⴰⵜ ⵜⴻⵎⴷⵉⵏⵜ ⵏ ⴵⵉⴵⴻⵍ.

ⵉⵡⴻⴽⴽⴻⴷ-ⴷ ⵎⴰⵙⵙ ⵛⵀⴻⵏⴰⴼⵉ ⴷⴰⴽⴽⴻⵏ ⴰⴽⴽ ⴰⴽⴰⵜⴻⵏ ⵏ ⵓⵃⴻⵣⵣⴻⴱ ⵉⵡⴰⵜⴰⵏ ⵜⵜⵡⴰⴷⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ, ⴳⴰⵔ-ⴰⵙⴻⵏ ⵜⴰⵙⵍⴻⴹⵜ ⵏ ⵜⵎⴻⴽⴽⴰⵙ ⴷⴻⴳ ⵓⵏⴰⵔⴻⵎ ⴰⵎⵏⴰⴹⴰⵏ ⵢⴻⵎⵎⵓⵣⵣⴳⴻⵏ ⵏ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ.

ⵍⴰ ⴷ-ⵜⵜⵉⵍⵉⵏⵜ ⴷⴰⵖ ⵓⵙⵙⴰⵏ-ⴰ ⵜⵉⴳⴰⵡⵉⵏ ⵏ ⵡⴻⵙⵃⵓⵍⴼⵓ ⴷ ⵓⵃⴻⵣⵣⴻⴱ ⵎⴳⴰⵍ ⵜⴰⵡⵍⴰ ⵜⴰⵜⵓⵍⴰⵏⵜ ⵉ ⵍⴼⴰⵢⴷⴰ ⵏ ⵢⵉⵎⴻⴽⵙⴰⵡⴻⵏ ⴷⴻⴳ ⵜⴷⴰⵢⵕⵉⵡⵉⵏ ⵏ ⵍⵎⵉⵍⴻⵢⵢⴰ, ⵛⴻⵇⴼⴰ ⴷ ⵟⵟⴰⵀⵉⵔ, ⴰⵎ ⵡⴰⴽⴽⴻⵏ ⴰⵢ ⵍⴰ ⵙⵙⵓⴷⴷⵓⵙⴻⵏ ⵉⵎⵢⴰⴳⵔⴻⵏ ⴷⴻⴳ ⵢⵉⵎⴻⵥⵍⴰ ⵏ ⵜⴻⵙⵏⴰⵊⵢⴰ ⵏ ⵢⵉⵖⴻⵔⵙⵉⵡⴻⵏ ⵉ ⵍⴼⴰⵢⴷⴰ ⵏ ⵢⵉⵎⴻⴽⵙⴰⵡⴻⵏ ⴰⴽⴽⴻⵏ ⴰⴷ ⵜⴻⵏ-ⵅⴻⴱⴱⵔⴻⵏ ⵖⴻⴼ ⵜⵉⵅⵅⵓⵜⴻⵔⵜ ⵏ ⵡⴻⵙⵏⴰⵙ ⵏ ⵡⴰⴽⴰⵜⴻⵏ ⵏ ⵓⵃⴻⵣⵣⴻⴱ ⵙ ⵓⵙⵙⵉⵣⴷⴻⴳ ⵏ ⵍⴽⵓⵔⵉⵢⴰⵜ ⴰⴽⴽⴻⵏ ⵓⵔ ⵢⴻⵜⵜⴰⴹⴻⵏ ⴰⵔⴰ ⵍⵎⴰⵍ.