ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⵔⴰⴳ ⵖⴻⴼ ⵜⴻⵎⵍⵉⵍⵜ ⴰⵢ ⵜⵓⵔⴰⵔ ⵙⵙⵉⵏⵉⵎⴰ ⴷⴻⴳ ⵡⴻⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵡⴻⴽⴽⴷⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴰⵙⵙ ⵏ ⵡⴻⵣⵔⴰⵡ ⵖⴻⴼ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ ⴰⵢ ⴷ-ⵢⴻⵍⵍⴰⵏ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵜⴻⵎⵍⵉⵍⵜ ⴰⵢ ⵜⵓⵔⴰⵔ ⵜⵥⵓⵔⵉ-ⴰ ⴷⴻⴳ ⵡⴻⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵔⵏⵓ ⵃⴻⵜⵜⴻⵜⴻⵏ-ⴷ ⵖⴻⴼ ⵜⵉⵔⴰⵡⵜ ⵏ ⵓⵎⴻⵣⵔⵓⵢ ⵏ ⵙⵙⵉⵏⵉⵎⴰ ⵏ ⵜⴻⴳⵔⴰⵡⵍⴰ.
ⵜⵜⴻⴽⴽⴰⵏ ⴷⴻⴳ ⵡⴰⵙⵙ-ⴰ ⵏ ⵡⴻⵣⵔⴰⵡ ⵢⴻⵎⵙⴻⴹⵔⴰ ⴷ ⵢⵉⵣⴰⵖⴰⵏⴻⵏ ⵏ ⵙⵙⵉⵏⵉⵎⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ ⵙ ⵓⵙⴻⵏⵜⴻⵍ ⵏ « ⵜⴰⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵙ ⵜⵓⴳⵏⴰ ⴷ ⵜⴰⴼⴰⵜ », ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ ⵙⵙⵉⵏⵉⵎⴰ ⵜⵓⵔⴰⵔ ⵜⴰⵎⵍⵉⵍⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵡⴻⵙⵃⵓⵍⴼⵓ ⵏ ⵜⴰⵏⴰⵢⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵉ ⵓⵣⴰⵔⵓⴳ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴷⴰⴽⴽⴻⵏ ⵓⵍⴰ ⴷ ⵙⵙⵉⵏⵉⵎⴰ ⵜⴻⵜⵜⴰⴽⴽⴰ ⴷⴻⴳ ⵜⵉⵔⴰⵡⵜ ⵏ ⵓⵎⴻⵣⵔⵓⵢ.
ⵢⴻⵏⵏⴰ-ⴷ ⵓⵣⴰⵖⴰⵏ ⵏ ⵙⵙⵉⵏⵉⵎⴰ ⴰⵀⵎⴻⴷ ⴱⴻⴷⵊⴰⵧⵓⵉ ⴷⴻⴳ ⵓⵏⴻⵙⴽⵉⵏ-ⵏⵏⴻⵙ ⵓⵎⵉ ⵉⵙⴻⵎⵎⴰ « ⵜⴰⴳⵔⴰⵡⵍⴰ ⴷ ⵙⵙⵉⵏⵉⵎⴰ » ⴷⴰⴽⴽⴻⵏ « ⴰⵙⴳⴻⵔⵖⴻⵍ ⵏ ⵢⵉⵎⴻⵏⵖⵉ ⴰⴷⵣⴰⵢⵔⵉ ⵙ ⵢⵉⵎⵉⴷⵢⴰⵜⴻⵏ ⴷ ⵜⵓⴳⵏⴰ ⵢⴻⴱⴷⴰ-ⴷ ⴷⴻⴳ 1957 ⵙ ⵜⵔⴻⴳⵡⴰ ⵏ ⵜⵍⵉⵥⵔⵉ ⵜⵉⵎⴰⵔⵉⴽⴰⵏⵢⵉⵏ ⴷ ⵜⴻⴱⵔⵉⵟⴰⵏⵉⵢⵉⵏ ».
ⵢⴻⵔⵔⴰ ⵜⴰⵊⵎⵉⵍⵜ ⵎⴰⵙⵙ ⴱⴻⴷⵊⴰⵧⵓⵉ ⵉ ⵜⴻⵎⵍⵉⵍⵜ ⵏ ⵢⵉⴼⴻⵔⵔⴰⵙⴻⵏ ⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ ⴷⴻⴳ ⵡⴻⴳⵔⴰⵡ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴳⴰⵔ-ⴰⵙⴻⵏ ⴷⵊⴰⵎⴻⵍ ⵛⵀⴰⵏⴷⴻⵔⵍⵉ ⴷ ⴳⵎⴰ-ⵙ ⴰⴱⴷⴻⵍⴽⴰⴷⴻⵔ, ⴰⵢ ⵢⴻⵍⵍⴰⵏ ⴷ ⵉⴳⴻⵏⵙⴰⵙⴻⵏ ⵏ ⵓⵏⴰⴱⴰⴹ ⵓⵄⴹⵉⵍ ⵏ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ, ⴷ ⵢⴻⵎⵙⴻⴹⵔⵓ ⵜⴰⵀⴰⵔ ⵀⴰⵏⵏⴰⵛⵀⴻ ⴷ ⵎⵀⴰⵎⴻⴷ ⵢⴰⵣⵉⴷ ⴰⵢ ⵢⴻⵍⵍⴰⵏ ⴷ ⴰⵏⴻⵖⵍⴰⴼ ⵏ ⵓⵙⵙⴻⵍⵖⵓ ⴷⴻⴳ ⵓⵏⴰⴱⴰⴹ ⵓⵄⴹⵉⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴷⴰⵖ ⵉⵏⴻⵖⵎⴰⵙⴻⵏ ⵉⵎⴰⵔⵉⴽⴰⵏⵉⵢⴻⵏ ⴰⵢ ⵢⴻⴷⴷⴰⵏ ⴷ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.
ⵢⴻⵏⵏⴰ-ⴷ ⵡⴻⵏⵎⴻⵣⵔⵓⵢ ⵎⵧⵓⵔⴰⴷ ⵧⵓⵣⵏⴰⴷⵊⵉ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵔⵏⵓⵏ ⴰⴷ ⴷ-ⴼⴼⵖⴻⵏ ⵢⵉⵙⵓⵔⴰ ⵖⴻⴼ ⵜⵓⴳⵏⵉⵡⵉⵏ ⵜⵉⵎⴻⵣⵔⵓⵢⴰⵏⵉⵏ ⵏ ⵍⴻⵣⵣⴰⵢⴻⵔ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⵎⴰ ⴰⵖⵔⴻⴼ ⴰⵢ ⵉⴳⴰⵏ ⵜⴰⴳⵔⴰⵡⵍⴰ ⴱⴻⴷⴷⴻⵏ ⴷⴻⴼⴼⵉⵔ-ⵙ ⵢⴻⵔⴳⴰⵣⴻⵏ ⴷ ⵉⵎⴻⵇⵔⴰⵏⴻⵏ, ⵎⴰⵛⴰ ⵓⵔ ⵢⴻⴳⴳⵉⵜ ⴼⴻⵍⵍ-ⴰⵙⴻⵏ ⵡⴰⵡⴰⵍ.
