ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵔⵣⵉ ⵏ ⵡⴰⵀⵉⵍ ⵏ ⵡⴻⴷⵀⴰⵍ ⵉ ⵓⵎⵎⴻⵙⵜⴻⵏ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵖⴻⴼ ⵙⴽⵉⴽⴷⴰ

ⵙⴽⵉⴽⴷⴰ – ⵔⵣⴰⵏ ⵢⵉⵎⴰⵣⵣⴰⴳⴻⵏ ⵏ ⵡⴰⵀⵉⵍ ⵏ ⵡⴻⴷⵀⴰⵍ ⵉ ⵓⵎⵎⴻⵙⵜⴻⵏ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⴷⴻⴳ ⵍⴻⵣⵣⴰⵢⴻⵔ ⵙ ⵡⴻⵎⵢⴰⵍⴻⵍ ⴷ ⵜⴷⵓⴽⵍⵉ ⵜⵓⵕⵓⴼⵉⵜ, ⴰⵙⵙ ⵏ ⵍⴰⵕⴻⴱⵄⴰ, ⵖⴻⴼ ⵜⴻⵎⴷⵉⵏⵜ ⵏ ⵙⴽⵉⴽⴷⴰ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⴰⵊⴻⵔⵔⴻⴷ ⵏ ⵡⴰⵢⵍⴰ ⴰⴷⴻⵍⵙⴰⵏ ⴷⴻⴳ ⵜⵡⵉⵍⴰⵢⵜ-ⴰ.

ⵜⵉⵔⵣⵉ-ⴰ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵜⴻⵔⵣⴰ ⵖⴻⴼ ⵜⵡⵉⵍⴰⵢⵉⵏ ⴰⵢⴷⴻⴳ ⴰⵢ ⵄⴻⵔⴹⴻⵏ ⴰⵀⵉⵍ ⵏ ⵓⵊⴻⵔⵔⴻⴷ ⵏ ⵡⴰⵢⵍⴰ ⴰⴷⴻⵍⵙⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⵧⵉⵜ ⵜⴰⵒⵧⵍ, ⴷ ⴰⵎⴰⵣⵣⴰⴳ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⵉⵔⵣⵉ-ⴰ ⵉⵙⵡⵉ-ⵏⵏⴻⵙ ⴷ « ⵜⴰⵎⵓⵏⵉⵜ ⴷ ⵡⴻⴷⵀⴰⵍ ⵏ ⵢⵉⴽⴰⵜⴰⵔⴻⵏ ⵏ ⵜⵎⴻⵀⵍⴰ ⵏ ⵢⴻⴷⵍⴻⵙ ⴰⴽⴽⴻⵏ ⵙⵙⴻⵍⵀⵓⵏ ⴰⵎⵎⴻⵙⵜⴻⵏ ⵏ ⵜⴳⴻⵎⵎⵉ ⵜⴰⴷⵉⴳⴰⵏⵜ ».

ⴰⵀⵉⵍ ⵏ ⵡⴻⴷⵀⴰⵍ ⵉ ⵓⵎⵎⴻⵙⵜⴻⵏ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⴷⴻⴳ ⵍⴻⵣⵣⴰⵢⴻⵔ ⵢⴻⵜⵜⵎⴰⵀⴰⵍ ⵉ ⵓⵙⵙⵉⵍⴻⵖ ⴷ ⵓⵙⵙⴻⵊⵀⴻⴷ ⵏ ⵜⵎⵓⵙⵙⵏⵉⵡⵉⵏ ⵜⵉⵎⵙⴰⴷⵓⵔⵉⵏ ⵏ ⵡⵉⴷ ⴰⵢ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵡⴻⵏⵔⴰⵔ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ ⵢⴻⵍⵍⴰⵏ ⴷⴰⵖ ⴷ ⴰⴳⴻⵏⵙⴰⵙ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵡⴻⵏⵔⴰⵔ ⵏ ⵜⴳⴻⵎⵎⵉ.

ⴰⵀⵉⵍ-ⴰ ⴷ ⵡⵉⵏ ⴰⵢⵢⴻⵙ ⵜⵜⴰⵍⵍⴻⵏ ⵉⴽⴰⵜⴰⵔⴻⵏ ⵏ ⵜⵎⴻⵀⵍⵉⵡⵉⵏ ⵏ ⵢⴻⴷⵍⴻⵙ ⴷⴻⴳ 12 ⵏ ⵜⵡⵉⵍⴰⵢⵉⵏ ⴰⵢⴷⴻⴳ ⵢⴻⴱⴷⴰ ⵙ ⵜⵉⵏ ⵏ ⵜⴰⵔⵎⵉⵜ, ⵢⴻⵔⵏⵓ ⵜⵉ ⴷ ⵜⵍⴻⵎⵙⴰⵏ, ⵄⵉⵏ ⵜⵉⵎⵓⵛⴻⵏⵜ, ⵙⵙⵄⵉⴷⴰ, ⵄⴻⵏⵏⴰⴱⴰ, ⴱⴳⴰⵢⴻⵜ, ⵜⴰⴱⴰⵜⴻⵏⵜ, ⵜⵉⵅⴻⵏⵛⴻⵍⵜ, ⵎⵙⵉⵍⴰ, ⵎⵉⵍⴰ, ⵛⵛⵍⴻⴼ ⴷ ⵙⴽⵉⴽⴷⴰ, ⵢⴻⵔⵏⵓ ⴰⴷ ⴷ-ⵜⵉⵍⵉ ⵜⴰⵍⵍⴰⵍⵜ-ⴰ ⵙ ⵓⵡⴻⵀⵀⵉ ⵏ ⵢⵉⴽⴰⵜⴰⵔⴻⵏ-ⴰ ⵖⴻⵔ ⵜⴻⵜⵡⵉⵍⵉⵏ ⵜⵓⵙⵙⵏⴰⵏⵉⵏ ⵜⵉⵜⵔⴰⵔⵉⵏ ⵉ ⵓⵊⴻⵔⵔⴻⴷ ⵏ ⵡⴰⵢⵍⴰ ⴰⴷⴻⵍⵙⴰⵏ, ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ.

ⵎⴰⵙⵙ ⴱⴻⵏⵧⵉⵜ ⴷⴻ ⵜⴰⵒⵧⵍ ⵢⴻⵔⵣⴰ ⵖⴻⴼ ⵙⴽⵉⴽⴷⴰ ⴷ ⵎⴰⵙⵙ ⴱⵧⵓⵙⵙⴰⴷ ⴰⵉⵛⵀⴻ, ⵢⴻⵍⵍⴰⵏ ⴷ ⴰⵎⴰⵙⵍⴰⴹ ⵙⴻⴳ ⵡⴰⵀⵉⵍ-ⴰ, ⵢⴻⵔⵏⵓ ⵙⵙⵓⵎⵔⴻⵏ-ⴷ, ⴷⴻⴳ ⵡⴻⵎⵢⴰⴳⴻⵔ-ⵏⵙⴻⵏ ⴷ ⵢⵉⴽⴰⵜⴰⵔⴻⵏ ⵏ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⴻⴷⵍⴻⵙ, ⴰⴷ ⴳⴻⵏ ⴰⵎⴰⵣⵔⴰⵔ ⵏ ⵢⵉⵙⵙⵉⵍⵖⴻⵏ ⵉ ⵍⴼⴰⵢⴷⴰ ⵏ ⵢⵉⵖⴼⴰⵡⴻⵏ ⵏ ⵓⵎⴻⵥⵍⵓ ⵏ ⵜⵎⴻⵀⵍⵉⵡⵉⵏ ⴷ ⵢⵉⵎⴰⵙⴳⴰⴷⴻⵏ ⴷ ⵢⴻⵎⴹⴻⴱⴱⵔⴻⵏ ⵏⵉⴹⴻⵏ ⴰⵢ ⵢⴻⵖⵙⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵎⵎⴻⵙⵜⴻⵏ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ.