ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵣⴰⵍ ⵔⴻⴼⴼⵓ ⵢⴻⵜⵜⵀⵓⵛⵛⵓ ⵜⵉⵖⵔⴻⵎⵜ ⵏ ⵃⵓⵙⴰⵢⵎⴰ ⴷⴻⴳ ⵡⵓⵍ ⵏ ⵜⴻⵎⵏⴰⴹⵜ ⵏ ⵔⵔⵉⴼ ⴷⴻⴳ ⵎⴻⵔⵔⵓⴽ
ⵃⵓⵙⴰⵢⵎⴰ (ⵎⵔⵔⵓⴽ) - ⵎⴰⵣⴰⵍ ⵔⴻⴼⴼⵓ ⵢⴻⵜⵜⵀⵓⵛⵛⵓ ⵜⵉⵖⵔⴻⵎⵜ ⵏ ⵃⵓⵙⴰⵢⵎⴰ, ⴷⴻⴳ ⵡⵓⵍ ⵏ ⵜⴻⵎⵏⴰⴹⵜ ⵏ ⵔⵔⵉⴼ ⴷⴻⴳ ⵓⴳⴰⴼⴰ ⵏ ⵎⴻⵔⵔⵓⴽ, ⵓⴳⴰⵔ ⵏ ⵙⴹⵉⵙ ⵏ ⵡⴰⵢⵢⵓⵔⴻⵏ ⵙⴻⴳ ⵜⵎⴻⵜⵜⴰⵏⵜ ⵏ ⵓⵎⵙⴻⵏⵣ ⵏ ⵢⵉⵙⴻⵍⵎⴰⵏ ⵎⵧⵓⵀⵛⵉⵏⴻ ⴼⵉⴽⵔⵉ, ⵜⴻⵙⵍⴰⵍ-ⴷ ⵔⴻⴼⴼⵓ ⵏ ⵓⵖⵔⴻⴼ ⵉ ⵉⴳⴰⵏ ⵢⵉⵡⴻⵏ ⵏ ⵓⵣⵔⴰⵔ ⵏ ⵜⵎⴻⵙⴱⴰⵏⵉⵢⵉⵏ, ⵜⴻⴹⵔⴰ-ⴷ ⵜⵏⴻⴳⴳⴰⵔⵓ ⴷⴻⴳ ⵜⴰⵣⵡⴰⵔⴰ ⵏ ⵢⵉⵎⴰⵍⴰⵙ ⵢⴻⵣⵔⵉⵏ ⵉⴷⴻⴳ ⵙⵙⵓⵜⵓⵔⴻⵏ ⴰⴷ ⵜⵉⵍⵉ ⵜⴻⵖⴷⴻⵎⵜ ⴰⴽⴽⴻⴷ ⵓⵙⵓⵜⴻⵔ ⴰⵙⴻⵔⵜⴰⵏ ⴰⴽⴽⴻⴷ ⵓⵏⵎⴻⵜⵜⵉ ⵎⴳⴰⵍ ⵜⴰⵎⵃⴻⵇⵔⴰⵏⵉⵜ ⵏ ⵜⴻⵎⵏⴰⴹⵜ, ⵉ ⴷ-ⵏⵏⴰⵏ ⵢⵉⵎⵉⴷⵢⴰⵜⴻⵏ.
ⵙⴻⴳ ⵉ ⴷ-ⵜⴻⴹⵔⴰ ⵜⵡⴰⵖⵉⵜ, ⴷ ⵍⵓⵍⵓⴼ ⵏ ⵢⵉⵎⴻⵔⵔⵓⴽⵉⵢⴻⵏ ⵎⵙⴻⴳⵔⴰⵡⴻⵏ ⴰⴽⴽⴻⵏ ⴰⴷ ⵉⵏⵉⵏ ⵔⴻⴼⴼⵓ-ⵏⵙⴻⵏ ⴷⴻⴳ ⵜⵎⴻⵙⴱⴰⵏⵉⵢⵉⵏ ⵎⴳⴰⵍ ⵜⵉⵎⴻⵏⵖⵉⵜ ⵉ ⴷ-ⵢⴻⴹⵔⴰ ⴷⴻⴳ ⵡⴰⵢⵢⵓⵔ ⵏ ⵜⵓⴱⴻⵔ 2016 ⵢⴻⵜⵜⵉⵏ ⵉⵎⴷⴰⵏⴻⵏ ⴷⴻⴳ ⵜⵎⵓⵔⵜ ⵉⵖⴻⴼ ⴷ-ⵎⵎⴻⵙⵍⴰⵢⴻⵏ ⵙ ⵡⴰⵟⴰⵙ ⵢⵉⵎⵉⴷⵢⴰⵜⴻⵏ ⵉⴳⵔⴰⵖⵍⴰⵏⴻⵏ.
ⴰⵎⵙⴻⵏⵣ ⵉⵍⴰⵏ 31 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵍⴻⵄⵎⴻⵔ-ⵉⵙ, ⵢⵓⵣⵣⴻⵍ ⴰⴷ ⵢⴻⵙⵙⵓⴽⴽⴻⵙ ⵙⵙⴻⵍⵄⴰ-ⵙ ⵉ ⴰⵙ-ⴹⴻⴳⵔⴻⵏ ⵉⵎⵙⵓⵍⵜⴰ ⵖⴻⵔ ⵓⵙⴱⴰⴱⴱⴰⵢ ⵏ ⵢⵉⵍⴻⴼⴹⴰⵏ, ⵙⴰⴽⵉⵏ ⵜⴻⴳⵍⴰ ⵢⴻⵙ-ⵙ ⵜⵎⴰⵛⵉⵏⵜ ⵜⴻⵏⵖⴰ-ⵜ.
ⵜⴰⵎⴻⵜⵜⴰⵏ ⵏ ⵓⵎⴷⴰⵏ-ⴰ ⵙⴽⴻⵍⵙⴻⵏ-ⵜⵜ-ⵉⴷ ⵙ ⵜⴽⵓⵎⴰⵔⵜ ⵏ ⵜⵉⵍⵉⴼⵓⵏ ⵏ ⵓⴼⵓⵙ ⵙⴰⴽⵉⵏ ⵜⴻⴼⴼⴻⵖ-ⴷ ⴷⴻⴳ ⵡⴰⴽⴽ ⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ, ⴰⵢⴰ ⵉⵃⴻⵜⵜⴻⵎ ⴰⴷⴰⴱⵓ ⴰⴷ ⵢⴻⵍⴷⵉ ⵜⴰⵙⴻⵙⵜⴻⵏⵜ ⵖⴻⴼ ’’ⵜⵎⴻⵜⵜⴰⵏⵜ ⵡⴰⵔ ⴰⵄⴻⵎⵎⴻⴷ’’.
