ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴼⴻⵏ ⴷⴻⴳ ⴱⴻⵛⵛⴰⵔ, ⵢⵉⵡⴻⵏ ⵏ ⵓⵎⵙⴻⵜⵜⵉ ⴱⵓ ⵜⵉⵖⵖⴻⵍⵏⴻⵡⵜ ⵜⴰⵎⴻⵔⵔⵓⴽⵉⵜ, ⵉ ⵓⵎⵉ ⴽⴽⵙⴻⵏ 34 ⴽⴳ ⵏ ⵍⴽⵉⴼ (ⴰⵖⵍⵉⴼ ⵏ ⵜⴻⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵟⵟⴻⴼ ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⴱⵏⵉ ⵡⴻⵏⵏⵉⴼ, ⵜⴰⵡⵉⵍⴰⵢⵜ ⵏ ⴱⴻⵛⵛⴰⵔ, ⵢⵉⵡⴻⵏ ⵏ ⵓⵎⵙⴻⵜⵜⵉ ⵉⵍⴰⵏ ⵢⵉⵡⴻⵜ ⵏ ⵜⵉⵖⵖⴻⵍⵏⴻⵡⵜ ⵜⴰⵎⴻⵔⵔⵓⴽⵉⵜ, ⵉ ⵓⵎⵉ ⴽⴽⵙⴻⵏ 34 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

‘’ⴷⴻⴳ ⵓⴽⴰⵜⴰⵔ ⵏ ⵓⵙⵖⴻⵍⵍⴻⵙ ⵏ ⵜⵍⵉⵙⴰ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵓⵙⴻⵜⵜⵉ ⴰⴽⴽⴻⴷ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵟⵟⴼⴻⵏ, ⴰⵙⵙ ⵏ 10 ⵏ ⵎⴰⵢⵓ 2017 ⴷⴻⴳ ⴱⵏⵉ ⵡⴻⵏⵏⵉⴼ, ⵜⴰⵡⵉⵍⴰⵢⵜ ⵏ ⴱⴻⵛⵛⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3), ⵢⵉⵡⴻⵏ (01) ⵏ ⵓⵎⵙⴻⵜⵜⵉ ⴱⵓ ⵜⵉⵖⵖⴻⵍⵏⴻⵡⵜ ⵜⴰⵎⴻⵔⵔⵓⴽⵉⵜ ⵉⵖⴻⵔ ⵓⴼⴰⵏ ⴷⴷⴻⵇⵙ ⵏ ⵍⴽⵉⴼ ⵉⵡⴻⵣⵏⴻⵏ 34.5 ⵏ ⵢⵉⴽⵉⵍⵓⴳⵔⴰⵎⴻⵏ’’, ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ.

’ⴷⴻⴳ ⵜⵎⴻⵏⵖⴰⵙⵜ ⴰⴽⴽⴻⴷ ⵄⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵟⵟⴼⴻⵏⵜ ⵜⵥⴰ (09) ⵏ ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⴽⴽⵙⴻⵏ ⴽⵓⵥ (04) ⵏ ⵢⵉⵙⴱⴰⴱⴱⴰⵢⴻⵏ ⵉⵄⴻⴱⴱⴰⵏ 56.7 ⵏ ⵢⵉⵟⵓⵏⴻⵏ ⵏ ⵜⴳⴻⵍⵍⴰ, 600 ⵏ ⵢⵉⵍⵉⵜⵔⴻⵏ ⵏ ⵣⵣⵉⵜ ⵏ ⵓⵎⵙⴻⴷⴷⵓ ⴰⴽⴽⴻⴷ ⵢⵉⴼⴻⵛⴽⴰ ⵏ ⵓⵙⴰⵖⴻⵣ.