ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵙⴷⴰⵡⵉⵜ ⵜⴰⵙⵏⴻⵜⵍⴰⵏⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ: ⵉ ⵍⵎⴻⵏⴷ ⵏ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⵙⴻⴽⵜⴰ ⵜⴰⵎⵖⴰⵔⴱⵉⵜ ⴷⴻⴳ ⵓⵙⵙⴻⴳⵎⵉ
ⵜⵉⵒⴰⵣⴰ– ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵍⵃⴻⴷⴷ, ⵉ ⵍⵎⴻⵏⴷ ⵏ ⵡⴻⵔⵥⴰⵎ ⵏ ⵜⴻⴷⵡⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵓⵙⵙⵉⵍⴻⵖ ⴰⴷⵣⴰⵢⵔⵉ-ⴰⵜⵓⵏⵙⵉ ⵉ ⵓⵀⴻⵢⵢⵉ ⵏ ⵡⴰⵎⵎⵓⴷ ⴰⵙⴻⴽⵍⴰⵏ ⴰⵖⵓⵔⴱⵉⵣ ⴰⵎⵖⴰⵔⴱⵉ, ⵖⴻⴼ ⵓⵄⴻⵡⵡⴻⵍ ⵓⵎⵎⵉⴷ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⴼⴽⴻⵏⵜ ⴰⵣⴰⵍ ⵉ ⵜⵙⴻⴽⵜⴰ ⵜⴰⵎⵖⴰⵔⴱⵉⵜ ⵢⴻⵍⵍⴰⵏ ⴷ ⴰⵣⴰⵎⵓⵍ ⵏ ⵢⵉⵡⴻⵏ ⵏ ⵡⴻⵖⵔⴻⴼ ⴷⴻⴳ ⵡⴰⵀⵉⵍⴻⵏ ⵉⵖⵓⵔⴱⵉⵣⴻⵏ.
ⵜⴰⵏⴻⵖⵍⴰⴼⵜ, ⵡⵓⴽⵓⴷ ⴰⵢ ⴷ-ⵢⴻⴷⴷⴰ ⵡⴻⵏⵎⴰⵀⴰⵍ ⵏ ⵜⵓⵏⴻⵙ ⴷⴻⴳ ⵍⴻⵣⵣⴰⵢⴻⵔ, ⴰⴱⴷⴻⵍⵎⴰⴷⵊⵉⴷ ⴻⵍ ⴼⴻⵔⵛⵀⵉⵛⵀⵉ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⵣⵡⵓⵔ-ⴰ ⵢⴻⵔⵥⴻⵎ ⴷⴰⵖ ⵉ ⵢⵉⵡⴰⵏⴰⴽⴻⵏ ⵏⵉⴹⴻⵏ ⵏ ⵍⵎⴻⵖⵔⴻⴱ, ⵢⴻⵔⵏⵓ ⵜⴻⵜⵜⵡⴰⵍⵉ ⴷⴰⴽⴽⴻⵏ ⵜⴰⵍⵍⵓⵏⵜ ⵜⴰⵎⵖⴰⵔⴱⵉⵜ ⴷ ⵢⵉⵡⴻⵏ ⵏ ⵢⴻⵃⴷⴻⵔ ⴰⵙⴻⵏⵖⴻⵔⴼⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵢⴻⵙⵙⴰⵡⴻⴹ ⵖⴻⵔ ⵡⴻⵕⵛⴰⴷ-ⵏⵏⴻⵙ ⵙ ⵡⴻⵡⵊⴰⴷ ⵏ ⵢⵉⵎⴰⵙⴰⵢⴻⵏ ⵏ ⵜⵎⵓⵔⴰ-ⴰ.
ⵜⴰⵙⴷⴰⵡⵉⵜ-ⴰ ⵜⴰⵙⵏⴻⵜⵍⴰⵏⵜ ⴷ ⵜⵉⵏ ⴰⵢⴷⴻⴳ ⵜⵜⴻⴽⴽⴰⵏ ⴰⵣⴰⵍ ⵏ 40 ⵏ ⵢⵉⵎⴰⵙⵡⴰⴹⴻⵏ ⵏ ⵜⴰⵄⵕⴰⴱⵜ ⴷ ⵜⴻⴼⵕⴻⵏⵙⵉⵙⵜ, ⵢⴻⵔⵏⵓ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴹⵔⵓ ⵏ ⵍⴻⵡⵚⴰⵢⴰⵜ ⵏ ⵜⴻⴷⵡⵉⵍⵜ ⵜⵉⵙ 21 ⵏ ⵜⴻⵙⵎⵉⵍⵜ ⵜⴰⵎⴻⵇⵔⴰⵏⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ, ⴷ ⵡⴻⵎⵜⴰⵡⴰ ⵏ ⵡⴻⵏⵎⵉⵔⴻⴳ ⴰⵙⵉⵏⴷⵉⵙ ⴰⵢ ⵢⴻⵜⵜⵡⴰⵣⴻⵎⵍⴻⵏ ⴷⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ, ⴷ ⵡⵉⵏ ⵢⴻⴱⵏⴰⵏ ⵖⴻⴼ 5 ⵏ ⵢⵉⴳⴻⵍⵍⵓⵙⴻⵏ ⴰⵢⴷⴻⴳ ⴷ-ⵢⴻⴷⴷⴰ, ⵙ ⵓⵎⴰⵜⴰ, ⵡⴻⴱⴷⴰⴷ ⵉ ⵜⴳⴻⵎⵎⵉ ⵜⴰⵎⵖⴰⵔⴱⵉⵜ ⴷⴻⴳ ⵢⴻⵡⴼⵓⵙⴻⵏ ⵉⵖⵓⵔⴱⵉⵣⴻⵏ ⴷ ⵡⴻⴼⵔⴰⵏ ⵏ ⵢⴻⴹⵔⵉⵙⴻⵏ ⵉⵙⴻⴽⵍⴰⵏⴻⵏ ⵓⵛⵔⵉⴽⴻⵏ ⴷⴻⴳ 3 ⵏ ⵢⴻⵙⵡⵉⵔⴻⵏ ⵏ ⵓⵙⵙⴻⴳⵎⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵎⴰⵙⵙⴰ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.
ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⴷ ⴷ-ⵙⵙⵉⵡⵍⴻⵏ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⴷⵡⵉⵍⵜ-ⴰ, ⴰⵔⴰ ⵉⴼⴰⴽⴻⵏ ⴰⵙⵙ ⵏ ⵍⴻⵅⵎⵉⵙ, ⵖⴻⴼ ⵢⴻⴷⵍⵉⵙⴻⵏ ⵉⵙⴻⴽⵍⴰⵏⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵜⵓⵏⵙⵉⵢⴻⵏ ⴰⵢⵙⴻⴳ ⴰⵔⴰ ⴷ-ⴰⴳⵎⴻⵏ ⵉⴹⵔⵉⵙⴻⵏ ⵉ ⵓⵀⴻⵢⵢⵉ ⵏ ⵡⴰⵎⵎⵓⴷⴻⵏ ⵉⵙⴻⴽⵍⴰⵏⴻⵏ ⵢⴻⵜⵜⵡⴰⵡⴻⵀⵀⴰⵏ ⵉ 3 ⵏ ⵢⴻⵙⵡⵉⵔⴻⵏ ⵉⵙⵙⴻⴳⵎⴰⵏⴻⵏ.
