ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴱⴰⴽ: ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵜⵜⵡⴰⵀⴻⵢⵢⴰⵏⵜ ⵉ ⵓⵙⵙⴻⵔⴱⴻⵃ ⵏ ⵜⴻⴷⵡⵉⵍⵜ ⵏ ⵢⵓⵏⵢⵓ ⵏ 2017 (ⴰⵏⴻⵖⵍⴰⴼ)

ⵜⵉⵒⴰⵣⴰ– ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵉⵒⴰⵣⴰ, ⴷⴰⴽⴽⴻⵏ ⴰⴽⴽ ⵜⵉⵡⵜⵉⵍⵉⵏ ⵜⵉⵖⴻⵍⵍⵉⵙⴰⵏⵉⵏ, ⵜⵉⵙⵏⴰⴼⵙⴰⵏⵉⵏ ⴷ ⵜⵍⵓⵊⵉⵙⵜⵉⵢⵉⵏ ⵜⵜⵡⴰⵀⴻⵢⵢⴰⵏⵜ-ⴷ ⵉ ⵓⵙⵙⴻⵔⴱⴻⵃ ⵏ ⵓⴽⴰⵢⴰⴷ ⵏ ⵍⴱⴰⴽ ⵏ ⵜⴻⴷⵡⵉⵍⵜ ⵏ ⵢⵓⵏⵢⵓ ⵏ 2017.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⴷⴻⴳ ⵢⵉⵊⵉⴼⴻⵕ ⵏ ⵜⴻⴷⵡⵉⵍⵜ ⵏ ⵓⵙⵙⵉⵍⴻⵖ ⴰⴷⵣⴰⵢⵔⵉ-ⴰⵜⵓⵏⵙⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵉⵒⴰⵣⴰ, ⵜⵡⴻⴽⴽⴻⴷ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ, ⴰⵎ ⵡⴰⴽⴽ ⵉⵎⴻⵥⵍⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵡⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, « ⵡⴻⵊⴷⴻⵏ ⴰⴽⴽⴻⵏ ⵉⵡⴰⵜⴰ » ⵢⴻⵔⵏⵓ ⵙⵙⴻⵎⵍⴰⵍⴻⵏ-ⴷ ⴰⴽⴽ ⵜⵉⵡⵜⵉⵍⵉⵏ ⵜⵉⵖⴻⵍⵍⵉⵙⴰⵏⵉⵏ, ⵜⵉⵙⵏⴰⴼⵙⴰⵏⵉⵏ ⴷ ⵜⵍⵓⵊⵉⵙⵜⵉⵢⵉⵏ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵄⴻⴷⴷⵉⵏ ⵢⵉⴽⴰⵢⴰⴷⴻⵏ ⵏ ⵍⴱⴰⴽ ⵏ ⵢⵓⵏⵢⵓ ⵏ 2017 ⴰⴽⴽⴻⵏ ⵉⵡⴰⵜⴰ.

ⵉⵙⴻⵎⵜⴰⵔⴻⵏ ⵏ ⵓⵡⴻⵀⵀⵉ ⵍⴰ ⵜⵜⵎⴰⵀⴰⵍⴻⵏ ⵖⴻⵔ ⵢⵉⴷⵉⵙ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⴷⴱⴻⵍⵜ ⴷ ⵓⵙⵙⴻⵍⵎⴻⴷ ⴰⴽⴽⴻⵏ ⴰⴷ ⴷ-ⴳⴻⵏ ⵉⴼⴰⴷⴷⴻⵏ ⵉ ⵢⵉⴱⴰⵍⵎⵓⴷⴻⵏ ⴰⵔⴰ ⵢⴻⵙⵄⴻⴷⴷⵉⵏ ⴰⴽⴰⵢⴰⴷ-ⴰ, ⵢⴻⵔⵏⵓ ⴰⴷ ⵜⴻⵏ-ⴵⴵⴻⵏ ⴰⴷ ⵙⵍⵓⵎⵎⵙⴻⵏ, ⴰⵎ ⵡⴰⴽⴽⴻⵏ ⴰⵢ ⵍⴰ ⴰⵙⴻⵏ-ⵙⵙⴻⵍⵎⴰⴷⴻⵏ ⴰⵎⴻⴽ ⵓⵔ ⴷ-ⵖⴻⵍⵍⵉⵏ ⴰⵔⴰ ⴷⴻⴳ ⵜⴼⴻⵅⵅⵜⵉⵏ ⴰⵎ ⵜⵓⴽⵛⵉ ⵏ ⵜⵔⵉⵔⵉⵜ ⵙ ⵜⵖⴰⵡⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴻⴹⴹⴻⵍ ⴷ ⵡⴻⴳⴷⴰⵍ ⵏ ⵡⴰⴷⴰⴼ ⵏ ⵢⵉⴱⴰⵍⵎⵓⴷⴻⵏ ⴷⴻⴼⴼⵉⵔ ⵜⵉⵙ 9:00 ⵏ ⵜⵏⴻⵣⵣⴰⵢⵜ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵇⴰⴷⵔⴻⵏ ⴰⴽⵓⴷⴻⵏ ⵏ ⵢⵉⴽⴰⵢⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ ⴰⴽⴰⵜ-ⴰ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵜⵙⴻⴽⴽⵉⵔⵉⵏ ⵏ ⵡⴻⵙⵖⴻⵍⵍⴻⵙ ⵏ ⵢⵉⴽⴰⵢⴰⴷⴻⵏ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵙⴱⴻⴳⵙⴻⵏ-ⴷ ⵉⵡⴰⵍⵉⵢⴻⵏ ⴰⴽⴽⴻⵏ ⴰⴷ ⴹⴻⵎⵏⴻⵏ ⴰⵎⵎⴻⵙⵏⵉ ⵏ ⵡⴰⴽⴽ ⵉⴱⴰⵍⵎⵓⴷⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⴻⵎⵏⴰⴹⵉⵏ ⵜⵓⴱⵄⵉⴷⵉⵏ.