Asebter amenzawi

Lbak: akk tignatin iwatan ttwaheyyant i usserbeḥ n tedwilt n Yunyu n 2017 (aneɣlaf)

TIPAZA– Twekked-d tneɣlaft n ussegmi aɣelnaw, Nouria Benghebrit, ass n lḥedd deg Tipaza, dakken akk tiwtilin tiɣellisanin, tisnafsanin d tlujistiyin ttwaheyyant-d i usserbeḥ n ukayad n lbak n tedwilt n Yunyu n 2017.

Deg yiwet n tseɣrut i tɣemsa, deg yijifeṛ n tedwilt n ussileɣ adzayri-atunsi ay d-yellan deg Tipaza, twekked-d Massa Benghebrit dakken aɣlif-nnes, am wakk imeẓla ay terza temsalt deg wakk tiwilayin n tmurt, « wejden akken iwata » yernu ssemlalen-d akk tiwtilin tiɣellisanin, tisnafsanin d tlujistiyin yessefken akken ad ɛeddin yikayaden n lbak n Yunyu n 2017 akken iwata.

Isemtaren n uwehhi la ttmahalen ɣer yidis n yixeddamen n tedbelt d usselmed akken ad d-gen ifadden i yibalmuden ara yesɛeddin akayad-a, yernu ad ten-ǧǧen ad slummsen, am wakken ay la asen-sselmaden amek ur d-ɣellin ara deg tfexxtin am tukci n tririt s tɣawla, ɣef wakken ay d-tenna.

Deg wayen yerzan aɛeḍḍel d wegdal n wadaf n yibalmuden deffir tis 9:00 n tnezzayt, tenna-d tneɣlaft n ussegmi aɣelnaw dakken yessefk ad qadren akuden n yikayaden, am wakken ay d-twekked dakken akat-a yella-d deg ukatar n tsekkirin n wesɣelles n yikayaden-a.

Seg yidis niḍen, twekked-d dakken sbegsen-d iwaliyen akken ad ḍemnen ammesni n wakk ibalmuden ay izedɣen deg temnaḍin tubɛidin.