ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ: ⵓⴳⴰⵔ ⵏ 120 ⵏ ⵢⴻⵎⵣⵉⴽⴽⵏⴻⵏ ⴷⴻⴳ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵜⵉⵙ 9 ⵏ ⵜⴻⵏⴹⵉ

ⵜⵉⵣⵉ ⵡⴻⵣⵣⵓ – ⴰⵣⴰⵍ ⵏ 129 ⵏ ⵢⵉⵏⴹⴻⵏ ⵙⴻⴳ 25 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴰⵢ ⵢⴻⵜⵜⴻⴽⴽⴰⵏ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵜⴻⵥⵔⵉⴳⵜ ⵜⵉⵙ 9 ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴻⵏⴹⵉ ⴰⵔⴰ ⵉⴽⴻⵎⵎⵍⴻⵏ ⴰⵔⵎⴰ ⴷ 19 ⵎⴰⵢⵓ ⴷⴻⴳ ⵡⴻⵎⵕⴰⵃ ⵏ ⵎⵓⵀⴻⵏⴷ-ⵧⵓⵍⵀⴰⴷⵊ, ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵜⵉⵣⵉ ⵡⴻⵣⵣⵓ.

ⴷⴻⴳ ⵜⵉⵏⴰⵡⵜ-ⵏⵏⴻⵙ ⵏ ⵡⴻⵔⵥⴰⵎ ⵏ ⵜⵎⴻⵙⵔⵉⵜ, ⵢⴻⵏⵛⴻⴷ-ⴷ ⵓⵡⴰⵍⵉ ⵏ ⵜⵉⵣⵉ ⵡⴻⵣⵣⵓ, ⵎⵧⵀⴰⵎⴻⴷ ⴱⵧⵓⴷⴻⵔⴱⴰⵍ, ⵉⵏⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴰⴽⴽⴻⵏ ⴰⴷ ⴼⴰⵔⵚⴻⵏ ⵓⴳⴰⵔ ⵙⴻⴳ ⵢⵉⵙⵙⵉⵍⵖⴻⵏ ⴰⵢ ⴷ-ⴳⴰⵏ ⵉ ⵍⴼⴰⵢⴷⴰ-ⵏⵙⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵙⴰⵍ ⵏ ⵢⵉⴼⴰⵔⵉⵙⴻⵏ ⵉⵎⴰⵢⵏⵓⵜⴻⵏ ⴷ ⵓⵊⴻⵍⵍⴻⵍ-ⵏⵙⴻⵏ, ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⴼⴰⵔⵉⵙⴻⵏ-ⴰ. ⵢⴻⵏⵏⴰ-ⴷ ⴷⴰⴽⴽⴻⵏ ⴰⵊⴻⵍⵍⴻⵍ ⵉⵔⴻⵏⵏⵓ ⵙ 50% ⴰⵙⵡⵉⵔ ⵏ ⵡⴻⵎⵙⵉⵣⵡⴻⵔ ⵏ ⵓⴼⴰⵔⵉⵙ.

ⵉⴳⴻⵔ-ⴷ ⴷⴰⵖ ⵎⴰⵙⵙ ⴱⵧⵓⴷⴻⵔⴱⴰⵍⴰ ⵜⵉⵖⵔⵉ ⵉ ⵢⵉⵏⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴰⴽⴽⴻⵏ ⴰⴷ ⵎⴰⵀⵍⴻⵏ ⵉ ⵍⵎⴻⵏⴷ ⵏ ⵡⴻⵙⵄⴻⴷⴷⵉ ⵏ ⵜⵎⵓⵙⵙⵏⵉ-ⵏⵙⴻⵏ ⵉ ⵜⵙⵓⵜⵡⵉⵏ ⴰⵢ ⴷ-ⵉⵏⴻⴽⴽⵔⴻⵏ ⴰⴽⴽⴻⵏ ⴰⴷ ⵜⴻⵜⵜⵡⴰⵃⵔⴻⵣ ⵜⴳⴻⵎⵎⵉ-ⴰ ⵏ ⵍⴻⵊⴷⵓⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⴰⵏ.

ⵉⴱⴹⵉ ⵏ ⵜⴻⵏⴹⵉ ⵢⴻⵙⵄⴰ 12.000 ⵏ ⵢⵉⵏⴹⴻⵏ ⵢⴻⵜⵜⵡⴰⴽⴻⵍⵙⴻⵏ, ⵢⴻⵔⵏⵓ ⵙⵏⵓⵍⴼⴰⵏ-ⴷ, ⵙ ⵓⵊⴻⵎⵎⴰⵍ, 31.000 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ.

ⵎⴰ ⴷ ⵔⴻⴷⵧⵓⴰⵏⴻ ⴱⴻⵏ ⴰⵜⴰⵍⵍⴰⵀ, ⴷ ⴰⴳⴻⵏⵙⴰⵙ ⵏ ⵡⴻⵖⵍⵉⴼ ⴷ-ⵢⴻⵍⵀⴰⵏ ⵙ ⵜⴻⵏⴹⵉ ⵢⴻⵔⵏⵓ ⴷ ⴰⵎⴰⵙⴰⵢ ⴰⵍⴻⵎⵎⴰⵙ ⵏ ⵜⴻⵏⴹⵉ ⵜⴰⵏⵙⴰⵢⴰⵏⵜ ⴷ ⵜⴻⵏⴹⵉ ⵏ ⵜⵥⵓⵔⵉ, ⵉⵡⴻⴽⴽⴻⴷ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⵖⴻⴼ ⵜⵏⴻⴼⵍⵉⵜ ⵜⴰⵖⴰⵔⴰⵏⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴼⴰⵔⵉⵙⴻⵏ ⵏ ⵜⴻⵏⴹⵉ ⴰⵢ ⴷ-ⵢⴻⵔⵙⴻⵏ ⴷⴻⴳ ⵜⵎⴻⵙⵔⵉⵜ ⵏ ⵜⴻⵏⴹⵉ ⵏ 2017, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵙⵙⵉⵙ-ⴰ ⵏ ⵜⵖⴰⵔⴰ ⴰⴷ ⵢⴻⵜⵜⴻⴽⴽⵉ, ⵡⴰⵔ ⵛⵛⴻⴽ, ⴷⴻⴳ ⵓⵙⵙⵉⵏⴻⴹ ⵏ ⵓⵎⴰⴷⵓⴼ ⴰⴷⴰⵎⵙⴰⵏ ⴰⵖⴻⵍⵏⴰⵡ.

ⵢⴻⵏⵏⴰ-ⴷ ⴷⴰⵖ ⵓⵎⴰⵙⴰⵢ-ⴰ ⴷⴰⴽⴽⴻⵏ ⴰⵖⵍⵉⴼ ⴷ-ⵢⴻⵍⵀⴰⵏ ⵙ ⵜⴻⵏⴹⵉ ⴰⴷ ⴷ-ⵢⴻⵙⵙⴻⴱⴷⴻⴷ ⵜⴰⵎⴻⵇⵇⵓⵏⵜ (ⵜⴰⴳⵔⴰⵡⵜ ⵏ ⵢⵉⵏⴹⴻⵏ ⴰⵢ ⵢⴻⵛⵔⴻⴽ ⵏⵏⴼⴻⵄ) ⴷⴻⴳ ⵜⵉⵣⵉ ⵡⴻⵣⵣⵓ ⴰⴽⴽⴻⵏ ⴰⴷ ⵢⴻⴼⵔⵓ ⵓⴳⵓⵔⴻⵏ ⵏ ⵓⵙⵙⵉⴳⴻⵥ ⵏ ⵢⵉⵏⴹⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⵡⴻⵣⵔⴰⵡ ⵏ ⵓⵙⵙⵓⵎⴻⵔ ⵏ ⵢⵉⵏⴹⴻⵏ ⵉ ⵡⴻⴱⵟⴰⵍ ⵏ ⵍⴻⵖⵔⴰⵎⴰⵜ ⵏ ⵜⴻⴷⵡⴰⵏⵜ ⴰⵢ ⵢⴻⵔⵣⴰⵏ ⵜⴰⵏⴳⴰ ⵜⴰⵎⴻⵣⵡⴰⵔⵓⵜ ⴰⵢ ⵜⵜⴻⵃⵡⵉⵊⵉⵏ.