ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴼⵔⴰⵏⵉⵏ ⵜⵉⵏⵖⵉⵡⴰⵏⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ: ⴷ ⴰⵎⵓⵙⵙⵓ ⵏ ⴼⴰⵜⴰⵀ ⴰⵢ ⵜⵜ-ⵢⵓⵡⵢⴻⵏ ⴷⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ

ⵔⴰⵎⴰⵍⵍⴰⵀ (ⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ) – ⴷ ⴰⵎⵓⵙⵙⵓ ⵏ ⴼⴰⵜⴰⵀ ⴰⵢ ⵉⵔⴻⴱⵃⴻⵏ ⵜⵉⴼⵔⴰⵏⵉⵏ ⵜⵉⵏⵖⵉⵡⴰⵏⵉⵏ ⴷⴻⴳ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⵏ ⵓⴳⴻⵎⵎⴰⴹ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵜⴻⵙⵎⵉⵍⵜ ⴰⵢ ⵢⴻⵙⵏⵓⴹⴼⴻⵏ ⵜⵉⴼⵔⴰⵏⵉⵏ ⵜⵉⵏⵖⵉⵡⴰⵏⵉⵏ ⴰⵢⴷⴻⴳ ⵓⵔ ⵜⴻⵜⵜⴻⴽⴽⴰ Ɣⴻⵣⵣⴰ.

ⵖⴻⴼ ⵍⴻⵃⵙⴰⴱ ⵏ ⵢⴻⵎⴹⴰⵏⴻⵏ ⵓⵏⵚⵉⴱⴻⵏ ⴰⵢ ⴷ-ⵙⵙⵓⴼⴼⵖⴻⵏ ⴷⴻⴳ ⵜⴳⴰⵔⴰ ⵏ ⵡⴰⵙⵙ, ⴰⴽⵜⴰⵎⵓⵔ ⵏ ⵓⵜⵜⴻⴽⴽⵉ ⵢⵓⵡⴻⴹ ⵖⴻⵔ 53,4%. « ⵇⵔⵉⴱ ⴷ ⵡⴰ ⴰⵢ ⴷ ⴰⴽⵜⴰⵎⵓⵔ ⵏ ⵓⵜⵜⴻⴽⴽⵉ ⵏ ⵜⴻⵏⵖⵉⵡⴰⵏⵉⵏ ⵏ 2012 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⴻⵙⵎⵉⵍⵜ ⵜⴰⴼⵔⴰⵏⴰⵏⵜ ⵀⴰⵏⵏⴰ ⵏⴰⵙⵙⵉⵔ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵔⴰⵎⴰⵍⵍⴰⵀ, ⵜⴰⵙⵖⵉⵎⵜ ⵏ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ.

ⴷ ⴰⵛⵓ ⴽⴰⵏ, ⴰⵜⵜⴻⴽⴽⵉ ⵢⴻⵍⵍⴰ-ⴷ ⵢⵓⴷⴻⵔ ⴷⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⵎⴰ ⵏⵇⵓⵔⴻⵏ-ⵉⵜ ⵖⴻⵔ ⵜⴻⵎⴷⵉⵏⵉⵏ ⵜⵉⵎⴻⵥⵢⴰⵏⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ. ⴰⴽⵜⴰⵎⵓⵔ ⵢⵓⴷⵔⴻⵏ ⴰⴽⴽ ⴷ ⵡⵉⵏ ⵏ ⵜⴻⵎⴷⵉⵏⵜ ⵏ ⵏⴰⴱⵍⵓⵙ, ⴷ ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⵏ ⵓⴳⴰⴼⴰ ⵏ ⵓⴳⴻⵎⵎⴰⴹ ⵓⵜⵔⵉⵎ, ⴰⵏⴷⴰ ⴷⴷⴰⵡ 21% ⵙⴻⴳ ⵢⵉⴼⴻⵔⵔⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ. ⵎⴰ ⴷⴻⴳ ⵔⴰⵎⴰⵍⵍⴰⵀ ⵙ ⵜⵉⵎⵎⴰⴷ-ⵏⵏⴻⵙ, 40% ⴰⵢ ⵢⴻⵜⵜⴻⴽⴽⴰⵏ.

ⵓⵎⵓⵖ ⵏ ⴼⴰⵜⴰⵀ ⴷ ⵏⴻⵜⵜⴰ ⴰⵢ ⵉⵔⴻⴱⵃⴻⵏ ⴷⴻⴳ ⵓⴳⴰⴼⴰ ⵏ ⵊⴻⵏⵉⵏ, ⴷⴻⴳ ⵡⴻⴳⵎⵓⴹ ⵏ ⴰⵔⵉⵃⴰ ⴷ ⵡⴻⵏⵥⵓⵍ ⵏ ⵍⵅⴰⵍⵉⵍ, ⵖⴻⴼ ⵍⴻⵃⵙⴰⴱ ⵏ ⵢⴻⴳⵎⴰⴹ-ⴰ, ⵢⴻⵔⵏⵓ ⵓⴳⴰⵔ ⵏ ⵡⴻⵣⴳⴻⵏ ⵙⴻⴳ 536 ⵏ ⵡⵓⵎⵓⵖⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵏⵖⵉⵡⴰⵏⵉⵏ ⵓⵔ ⵢⴻⵇⵇⵉⵏ ⵖⴻⵔ ⴽⵔⴰ ⵏ ⵓⴽⴰⴱⴰⵔ.

ⵀⴰⵎⴰⵙ, ⴰⵢ ⵢⴻⴹⴹⴼⴻⵏ ⵜⴰⵙⴼⵉⴼⵜ ⵏ Ɣⴻⵣⵣⴰ, ⵓⵔ ⴷ-ⵜⴻⵙⵙⴻⵔⵙ ⴰⵎⴰⵣⵡⴰⵔ ⵙ ⵢⵉⵙⴻⵎ-ⵏⵏⴻⵙ. ⵎⴰ ⴷ ⴰⴽⴰⴱⴰⵔ ⴰⵅⴰⵜⴰⵔ ⴰⴽⴽ ⵏ ⵓⵣⴻⵍⵎⴰⴹ, ⵜⵉⵔⵏⵉ ⵜⴰⵖⴻⵔⴼⴰⵏⵜ ⵏ ⵡⴻⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ, ⵜⵓⴳⴻⵍ ⵙⴻⴳ ⵓⵜⵜⴻⴽⴽⵉ ⴷⴻⴳ ⵜⴻⴼⵔⴰⵏⵉⵏ-ⴰ.

ⵓⵍⴰⵛ ⴰⴽⴽ ⵜⵉⴼⵔⴰⵏⵉⵏ ⵜⵉⵖⴻⵍⵏⴰⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵙⴻⴳ ⵡⴰⵙⵎⵉ ⴰⵢ ⵄⴻⴷⴷⴰⵏⵜ ⵜⴻⴼⵔⴰⵏⵉⵏ ⵜⵉⵙⵙⴻⵏⵜⴰⵏⵉⵏ ⵏ 2006. ⴰⵙⴻⵍⵡⴰⵢ ⴰⴼⴰⵍⴻⵙⵟⵉⵏⵉ ⵎⴰⵀⵎⵧⵓⴷ ⴰⴱⴱⴰⵙ, ⵜⴼⵓⴽ ⵜⴰⵍⵍⵉⵜ-ⵏⵏⴻⵙ ⵏ ⵜⵙⴻⵍⵡⵉⵜ ⴷⴻⴳ 2009, ⴷ ⴰⵛⵓ ⴽⴰⵏ, ⵎⴰⵣⴰⵍ-ⵉⵜ ⴷ ⵏⴻⵜⵜⴰ ⴽⴰⵏ ⴰⵢ ⴷ ⴰⵙⴻⵍⵡⴰⵢ ⵉⵎⵉ ⴰⵢ ⵓⵍⴰⵛ ⴰⵎⵜⴰⵡⴰ ⵉ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⵢⴻⵔⵏⵓ ⴰⵎⵏⵉ ⴰⴼⴰⵍⴻⵙⵟⵉⵏⵉ ⵢⴻⵙⵄⴰ ⵓⴳⴰⵔ ⵏ 10 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵍⴰ ⵢⴻⵜⵜⴻⵎⵍⵉⵍⵉ.