ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵓⴳⴰⵔ ⵏ ⵙⵉⵏ ⵏ ⵢⵉⵟⵓⵏⴻⵏ ⵏ ⵢⵉⵖⵉⵔ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵍⵄⴻⵟⵟⴰⴼ

ⵄⵉⵏ ⴷⴷⴻⴼⵍⴰ - ⴹⴹⴼⴻⵏ ⵢⵉⴼⴻⵔⴷⵉⵙⴻⵏ ⵏ ⵜⴼⴻⵔⵇⴻⵜ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⵍⵄⴻⵟⵟⴰⴼ (ⵄⵉⵏ ⴷⴷⴻⴼⵍⴰ) ⴷⴷⵓⵕⵜ ⵢⴻⵣⵔⵉⵏ ⵓⴳⴰⵔ ⵏ 2 ⵏ ⵢⵉⵟⵓⵏⴻⵏ ⵏ ⵢⵉⵖⵉⵔ ⴰⵢ ⵢⴻⵍⵍⴰⵏ ⴼⴼⵔⴻⵏ ⴷⴻⴳ ⵢⵉⵡⴻⵏ ⵏ ⵓⴽⴰⵎⵢⵓⵏ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 4, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵢⵉⵡⴻⵏ ⵏ ⵓⵎⴰⵙⴰⵢ ⵏ ⵜⴼⴻⴽⴽⴰ-ⴰ ⵏ ⵜⵖⴻⵍⵍⵉⵙⵜ.

ⴷⴻⴼⴼⵉⵔ ⵎⴰ ⵓⵡⴹⴻⵏⵜ-ⴷ ⵜⴻⵍⵖⴰ ⵜⵉⵙⴻⴷⴷⵉⵢⵉⵏ ⵖⴻⴼ ⵢⵉⵡⴻⵜ ⵏ ⵜⴻⴳⵔⴰⵡⵜ ⴰⵢ ⵍⴰ ⵢⴻⵙⵏⵓⵣⵓⵢⴻⵏ ⵉⵖⵉⵔ ⴷ ⵢⵉⴳⵓⵜⴰ ⵏ ⵜⴻⵜⵔⵉⵙⵜ ⴱⴻⵕⵕⴰ ⵉ ⵓⵙⴰⴹⵓⴼ ⴷⴻⴳ ⵜⴻⵎⵏⴰⴹⵜ ⵏ ⵍⵄⴻⵟⵟⴰⴼ, « ⴳⴰⵏ ⵢⵉⴼⴻⵔⴷⵉⵙⴻⵏ-ⵏⵏⴻⵖ ⴰⴽⵎⵉⵏ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 4 ⴰⵢ ⵢⴻⵍⵍⴰⵏ ⴳⴰⵔ ⵍⵄⴻⵟⵟⴰⴼ ⴷ ⵄⵉⵏ ⴷⴷⴻⴼⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⵏⵣⴰⴹ ⵔⴰⵛⵀⵉⴷ ⵎⴻⴽⴽⴰⵧⵓⵉ.

ⵙ ⵡⴰⵢⴰ, ⴹⴹⴼⴻⵏ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵙⵉⵏ ⵏ ⵢⴻⵎⴷⴰⵏⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ ⵓⴽⴰⵎⵢⵓⵏ-ⵏⵏⵉ ⴰⵢ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ ⵍⴻⵎⴷⴻⵢⵢⴰ, ⴷ ⵡⵉⵏ ⴰⵢⴷⴻⴳ ⵓⴼⴰⵏ ⵙⵉⵏ ⵏ ⵢⵉⵟⵓⵏⴻⵏ ⵏ ⵢⵉⵖⵉⵔ ⴰⵢ ⵢⴻⵜⵜⵡⴰⴼⴼⵔⴻⵏ ⵎⵍⵉⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.

ⴰⵃⵜⴰⵛ ⴰⵎⴻⵣⵡⴰⵔⵓ ⵢⴻⵙⵙⴽⴻⵏ-ⴷ ⴷⴰⴽⴽⴻⵏ ⵉⵎⴷⴰⵏⴻⵏ-ⴰ ⵇⴻⵙⴷⴻⵏ ⴰⴷ ⵙⵙⵉⵡⴹⴻⵏ ⵉⵖⵉⵔ-ⴰ ⵖⴻⵔ ⵢⵉⵡⴻⵏ ⵏ ⵡⴻⵎⴷⴰⵏ ⴰⵢ ⵉⵣⴻⴷⵖⴻⵏ ⴷⴻⴳ ⵍⴻⴱⵍⵉⴷⴰ, ⵢⴻⵔⵏⵓ ⵢⴻⵏⵏⴰ-ⴷ ⵓⵎⴰⵙⴰⵢ-ⴰ ⴷⴰⴽⴽⴻⵏ ⴰⴽⴽⴻⵏ ⴽⴰⵏ ⴰⵢ ⵢⴻⵜⵜⵡⴰⵅⴻⴱⴱⴻⵔ ⵢⴻⵎⵡⴻⴽⴽⴻⵍ ⵏ ⵛⵛⵕⴻⵄ ⵏ ⵍⵄⴻⵟⵟⴰⴼ ⵙ ⵜⴻⵎⵙⴰⵍⵜ-ⴰ, ⵢⴻⵙⵙⵓⵜⴻⵔ ⴰⵔⵥⴰⵎ ⵏ ⵡⴻⵃⵜⴰⵛ ⴰⴽⴽⴻⵏ ⴰⴷ ⵉⵥⴻⵔ ⴰⵏⵡⵉ ⴰⴽⴽ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⴰⵍⵜ-ⴰ.

ⵙ ⵓⵙⵙⴻⵎⵖⴻⵔ ⵏ ⵢⵉⵣⴻⴼⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⵓⵍⴰ ⴱⴻⵕⵕⴰ ⵉ ⵡⴰⴽⴰⵍⵏⵙⴻⵏ, ⴷⴷⴰⵏ ⵢⵉⵎⴻⵙⵜⵓⵍⴻⵏ ⵏ ⵄⵉⵏ ⴷⴷⴻⴼⵍⴰ ⵖⴻⵔ ⵍⴻⴱⵍⵉⴷⴰ ⴰⵏⴷⴰ ⴰⵢ ⴹⴹⴼⴻⵏ ⴰⵎⴷⴰⵏ-ⴰ, ⵢⴻⵔⵏⵓ ⵓⴼⴰⵏ-ⴷ ⴷⵉⵏ 58 ⵏ ⵢⵉⵟⵓⵏⴻⵏ ⵏ ⵢⵉⵖⵉⵔ ⴷ ⵢⵉⴳⵓⵜⴰ ⵏ ⵜⴻⵜⵔⵉⵙⵜ ⴷ ⵓⵙⴰⵡⴰⵍ ⵜⵜⵡⴰⵊⴻⵎⵄⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⴷⴷⴰⵔⵉ ⴰⴽⴽⴻⵏ ⴰⴷ ⵏⵣⴻⵏ.

ⴰⴱⵃⴰⵜ ⵏ ⵡⴻⵎⴷⴰⵏ-ⵏⵏⵉ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵍⴻⴱⵍⵉⴷⴰ ⴷ ⵡⵉⵏ ⴰⵢ ⵢⴻⵙⵙⴰⵡⴹⴻⵏ ⴷⴰⵖ ⵖⴻⵔ ⵜⵓⴹⴹⴼⴰ ⵏ ⵓⵎⴰⵙⴰⵢ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵜⵓⵙⵍⵉⴳⵜ ⵏ ⵄⵉⵏ ⴷⴷⴻⴼⵍⴰ, ⵜⴻⵎⵎⵓⵣⵣⴻⴳ ⴷⴻⴳ ⵓⴼⴰⵔⴻⵙ ⵏ ⵢⵉⴳⵓⵜⴰ ⵏ ⵜⴻⵜⵔⵉⵙⵜ ⵢⴻⵔⵏⵓ ⵜⴻⵍⵍⴰ ⵜⴻⵙⵏⵓⵣⵓⵢ-ⵉⵜⴻⵏ ⴱⴻⵕⵕⴰ ⵉ ⵓⵙⴰⴹⵓⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ.

ⵉ ⵍⵎⴻⵏⴷ ⵏ ⵓⵙⵙⴰⵍⵇⴻⵢ ⵏ ⵡⴻⵃⵜⴰⵛ, ⵓⵡⵢⴻⵏ-ⴷ ⴷⴰⵖ ⵉⵎⴰⵙⴰⵢⴻⵏ ⵙⴻⴳ ⵜⴻⵕⵎⵉⵙⵉⵏ ⵏ ⵙⵧⵏⴻⵍⴳⴰⵣ ⴷ ⴰⵍⴳⴻⵔⵉⴻ ⵜⴻⵍⴻⵛⵧⵎ (ⴰⵢ ⵢⴻⵍⵍⴰⵏ ⵛⵛⴻⵜⴽⴰⵏ-ⴷ ⵢⴰⴳⵉ ⵖⴻⴼ ⵜⵓⴽⴻⵔⴹⴰ ⵏ ⵢⵉⴳⵓⵜⴰ ⵏ ⵜⴻⵜⵔⵉⵙⵜ) ⴰⴽⴽⴻⵏ ⴰⴷ ⴰⵙⴻⵏ-ⵙⵍⴻⵏ ⴷⴻⴳ ⵓⴽⴰⵜⴰⵔ ⵏ ⵜⴻⵎⵙⴰⵍⵜ-ⴰ.

ⵎⴰ ⴷ ⵉⵎⴻⵜⵜⵀⵓⵎⴻⵏ-ⵏⵏⵉ ⵄⴻⴷⴷⴰⵏ, ⴰⵙⵙ ⵏ ⵍⵃⴻⴷⴷ, ⵙⴷⴰⵜ ⵢⴻⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⵏ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵍⵄⴻⵟⵟⴰⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵎⴰⵙⴰⵢ-ⴰ.