ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵓⴱⵏⴰⵏ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵖⵔⴰⴱ ⴰⵢ ⵍⴰ ⵜⴱⴻⵏⵏⵓ ⵉⵙⵕⴰⵢⵉⵍ ⵖⴻⴼ ⵜⵍⵉⵙⴰ ⵢⴻⵞⵞⴰ-ⴷ ⵙⴻⴳ ⵡⴰⴽⴰⵍ-ⵏⵏⴻⵙ
ⴱⵉⵔⵓⵜ– ⵜⴻⵏⵏⴰ-ⴷ ⵍⵓⴱⵏⴰⵏ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⴱⴷⵓ ⵜⵉⴳⴰⵡⵜ ⵜⴰⴷⵉⵒⵍⵓⵎⴰⵜⵉⵜ ⵎⴳⴰⵍ ⵡⴻⵖⵔⴰⴱ ⵏ ⵓⴱⵉⵟⵓⵏ ⴰⵢ ⵍⴰ ⵜⴱⴻⵏⵏⵓ ⵉⵙⵕⴰⵢⵉⵍ ⵖⴻⴼ ⵜⵍⵉⵙⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵢⴻⵔⵏⵓ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴽⵔⴰ ⵏ ⵢⴻⵃⵔⵉⵛⴻⵏ ⵙⴻⴳ ⵡⴻⵖⵔⴰⴱ-ⴰ ⵞⵞⴰⵏ-ⴷ ⵙⴻⴳ ⵡⴰⴽⴰⵍ ⴰⵍⵓⴱⵏⴰⵏⵉ. ⴷⴻⴳ 2012, ⵜⴻⴱⴷⴰ ⵉⵙⵕⴰⵢⵉⵍ ⵍⴻⴱⵏⵉ ⵏ ⵢⵉⵡⴻⵏ ⵏ ⵡⴻⵖⵔⴰⴱ ⵖⴻⴼ ⵜⵍⵉⵙⴰ ⴷ ⵍⵓⴱⵏⴰⵏ ⵢⴻⵔⵏⵓ ⵜⴻⴹⴼⴻⵔ ⴰⵢⴻⵏ ⵢⴻⵜⵜⵡⴰⵙⴻⵎⵎⴰⵏ « ⵉⵣⵉⵔⵉⴳ ⴰⵥⴻⵔⵡⴰⵍ », ⴷ ⵜⴰⵍⴰⵙⵜ ⴰⵢ ⵜⴳⴰ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵙⴻⴳⴳⴰⵙ ⵏ 2000 ⴳⴰⵔ ⵉⵙⵕⴰⵢⵉⵍ ⴷ ⵍⵓⴱⵏⴰⵏ ⵢⴻⵔⵏⵓ ⴷ ⵡⵉⵏ ⴰⵢ ⴷ ⵉⵣⵉⵔⵉⴳ ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ. ⴷⴻⴼⴼⵉⵔ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ, ⴰⵙⵙ ⵏ ⵜⵜⵍⴰⵜⴰ, ⴳⴰⵔ ⵓⵙⴻⵍⵡⴰⵢ ⴰⵍⵓⴱⵏⴰⵏⵉ ⵎⵉⵛⵀⴻⵍ ⴰⵧⵓⵏ, ⴰⵏⴻⵖⵍⴰⴼ ⴰⵎⴻⵏⵣⵓ ⵙⴰⴰⴷ ⵀⴰⵔⵉⵔⵉ ⴷ ⵓⵙⴻⵍⵡⴰⵢ ⵏ ⵡⴻⵎⵏⵉ ⵏⴰⴱⵉⵀ ⴱⴻⵔⵔⵉ, ⵜⵡⴻⴽⴽⴻⴷ-ⴷ ⵜⵙⴻⵍⵡⵉⵜ ⵜⴰⵍⵓⴱⵏⴰⵏⵉⵜ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ, ⴷⴰⴽⴽⴻⵏ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴽⴻⵎⵎⴻⵍ ⵓⵙⵙⵉⵙⴻⵏ ⵏ ⵓⵙⵙⴻⴱⴳⴻⵙ, ⴰⵎⴰ ⴷⴻⴳ ⵡⴻⵙⵡⵉⵔ ⴰⵎⵏⴰⴹⴰⵏ ⵏⴻⵖ ⴰⴳⵔⴰⵖⵍⴰⵏ, ⴰⴽⴽⴻⵏ ⴰⴷ ⵜⴻⵙⵙⴻⵃⴱⴻⵙ ⵉⵙⵕⴰⵢⵉⵍ ⵙⴻⴳ ⵍⴻⴱⵏⵉ ⵏ ⵡⴻⵖⵔⴰⴱ-ⴰ ⴷⴰⵅⴻⵍ ⵡⴰⴽⴰⵍ ⴰⵍⵓⴱⵏⴰⵏⵉ. ⵓⵍⴰ ⵎⴰ ⵙⵏⴰⵜ-ⴰ ⵏ ⵜⵎⵓⵔⴰ ⵎⵙⴻⵄⴷⴰⵡⴻⵏⵜ, ⵉⵎⴰⵙⴰⵢⴻⵏ ⵉⵙⴻⵔⴷⴰⵙⴰⵏⴻⵏ ⵉⵍⵓⴱⵏⴰⵏⵉⵢⴻⵏ ⴷ ⵡⵉⴷ ⵏ ⵉⵙⵕⴰⵢⵉⵍ ⵏⵏⵓⵎⵎⴻⵏ ⵜⵜⴻⵎⵍⵉⵍⵉⵏ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⴼⵉⵏⵓⵍ (ⵜⴰⴷⵓⵙⵉ ⵜⴰⴱⴷⴰⵎⵎⴰⵙⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵓⴱⵏⴰⵏ) ⴰⴽⴽⴻⵏ ⴰⴷ ⵙⵙⵉⵡⵍⴻⵏ ⵖⴻⴼ ⵡⵓⴳⵓⵔⴻⵏ ⵏ ⵜⵍⵉⵙⴰ. ⴰⵙⵙ ⵏ ⵍⴻⵜⵏⵉⵢⴻⵏ, ⵢⴻⵍⵍⴰ-ⴷ ⵡⴻⵎⵢⴰⴳⴻⵔ ⴷ ⵓⴷⵉⵡⴻⵏⵏⵉ ⵖⴻⴼ « ⵢⵉⵎⴰⵀⵉⵍⴻⵏ ⵏ ⵜⵉⵊⵊⴻⵏⵢⴻⵕⵜ ⴷⴻⴳ ⵡⴻⵏⵥⵓⵍ ⵏ ⵢⵉⵣⵉⵔⵉⴳ ⴰⵥⴻⵔⵡⴰⵍ », ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵡⴻⵍⵖⵓ ⵏ ⴼⵉⵏⵓⵍ. « ⵙ ⴽⵔⴰ ⵏ ⵡⴻⵔⵎⵓⴷ ⴰⵔⴰ ⴷ-ⵢⵉⵍⵉⵏ ⵙⴷⴰⵜ ⵢⵉⵣⵉⵔⵉⴳ ⴰⵥⴻⵔⵡⴰⵍ ⵢⴻⵙⵙⴻⴼⴽ ⴰⴷ ⴷ-ⵅⴻⴱⴱⵔⴻⵏ ⴼⴻⵍⵍ-ⴰⵙ ⵓⵇⴱⴻⵍ ⵎⴰ ⵢⴻⵍⵍⴰ-ⴷ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵡⵓⴳⵓⵔ ⴷⴻⴳ ⵡⴻⵎⵙⴻⴼⵀⴰⵎ ⵏⴻⵖ ⴽⵔⴰ ⵏ ⵓⵎⴻⵏⵏⵓⵖ. ⵢⴻⵙⵙⴻⵃⴷⴻⵔ-ⴷ ⴷⴰⵖ ⵡⴻⵍⵖⵓ ⵏ ⵜⵙⴻⵍⵡⵉⵜ ⵜⴰⵍⵓⴱⵏⴰⵏⵉⵜ ⵙⴻⴳ « ⵡⴻⵊⵍⴰⵇ » ⴰⵢ ⵜⴻⴱⵖⴰ ⵉⵙⵕⴰⵢⵉⵍ ⴰⴷ ⵜⴻⵊⵍⴻⵇ ⵓⵔⵔⵉⴳ ⴷ ⵓⵒⵉⵜⵕⵓⵍ ⵏ ⵢⵉⵍⴻⵍ ⵢⴻⵍⵍⴰⵏ ⴷⴻⴳ ⵡⴰⵎⴰⵏ ⵉⵍⵓⴱⵏⴰⵏⵉⵢⴻⵏ. ⵍⵓⴱⵏⴰⵏ ⴰⴷ ⵜⴻⵣⵎⴻⵍ, ⴰⵙⵙ ⵏ ⵍⵊⴻⵎⵄⴰ, ⵉⴳⵓⵜⴰ ⴷ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⴻⵕⵎⵉⵙⵉⵏ ⴰⵢⴷⴻⴳ ⵜⵜⴻⴽⴽⴰⵏⵜ ⵜⴻⵕⵎⵉⵙⵜ ⵜⴰⴼⵕⴰⵏⵙⵉⵜ ⵏ ⵜⵧⵜⴰⵍ, ⵜⴰⵕⵎⵉⵙⵜ ⵜⴰⵟⴰⵍⵢⴰⵏⵉⵜ ⵏ ⴻⵏⵉ ⴷ ⵜⴻⵕⵎⵉⵙⵜ ⵜⴰⵔⵓⵙⵉⵜ ⵏ ⵏⵧⵠⴰⵜⴻⴽ ⴰⴽⴽⴻⵏ ⴰⴷ ⴱⴷⵓⵏⵜ ⴰⵙⵏⵉⵔⴻⵎ ⵏ ⵜⵎⴻⵔⵖⴰ ⴷⴻⴳ ⵡⴰⵎⴰⵏ ⵉⵍⵓⴱⵏⴰⵏⵉⵢⴻⵏ. ⵙⵉⵏ ⵏ ⵢⵉⵃⴻⴷⵔⴻⵏ ⴰⵢ ⵢⴻⵔⵣⴰ ⵡⴻⵙⵏⵉⵔⴻⵎ-ⴰ ⵢⵉⵡⴻⵏ ⵙⴻⴳ-ⵙⴻⵏ ⵉⵃⴷⴻⵔ ⵡⵉⵙ 9 ⴰⵢ ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ ⴳⴰⵔ ⵡⴰⵎⴰⵏ ⵉⵍⵓⴱⵏⴰⵏⵉⵢⴻⵏ ⴷ ⵡⵉⴷ ⵏ ⵉⵙⵕⴰⵢⵉⵍ.
