ⴰⵙⵉⴼ ⵏ ⵎⵉⵙⵙⵉⵙⵙⵉⵒⵒⵉ
ⴰⵙⵉⴼ ⵏ ⵎⵉⵙⵙⵉⵙⵙⵉⵒⵒⵉ ⴷ ⴰⵙⵉⴼ ⴰⵎⴻⵇⵔⴰⵏ ⴰⴽⴽ ⴷⴻⴳ ⵜⴻⵎⵔⵉⴽⵜ ⵏ ⵓⴳⴰⴼⴰ. ⵉⴱⴻⴷⴷⵓ-ⴷ ⵙⴻⴳ ⵓⴳⴻⵍⵎⵉⵎ ⵏ ⵉⵜⴰⵙⵛⴰ (ⴷⴻⴳ ⵎⵉⵏⵏⴻⵙⵧⵜⴰ, ⴷⴻⴳ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ), ⵢⴻⵔⵏⴰ ⴰⵎⴰⵏ-ⵏⵏⴻⵙ ⵜⵜⴻⵏⵖⴰⵍⴻⵏ ⵙ ⴰⵏⵥⵓⵍ [1] ⴰⵔⵎⴰ ⴷ ⴰⴱⴰⴳⵓ ⵏ ⵎⵉⴽⵙⵉⴽ. ⵉⵙⴰⴼⴻⵏ ⵏ ⵎⵉⵙⵙⵧⵓⵔⵉ ⴻⴷ ⵧⵀⵉⵧ ⵙⵙⴻⵏⵖⴰⵍⴻⵏ-ⴷ ⴷⴰⵖⴻⵏ ⴰⵎⴰⵏ-ⵏⵙⴻⵏ ⵙ ⴰⵙⵉⴼ-ⴰ. ⵎⵉⵙⵙⵉⵙⵙⵉⵒⵒⵉ ⵖⴻⵔ-ⵙ 3.780 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵜⴻⵖⵣⴻⴼ, ⵢⴻⵔⵏⴰ ⵜⴰⵊⵓⵎⵎⴰ-ⵏⵏⴻⵙ [2] ⵜⵓⵡⴻⴹ ⵖⴻⵔ 3,1 ⴽⵎ2 [3].
ⴷ ⴰⵏⴰⵔⴰⵎ [4] ⵀⴻⵔⵏⴰⵏⴷⵧ ⴷⴻ ⵙⵧⵜⵧ ⴰⵢ ⴷ ⵓⵕⵓⴼⵉ ⴰⵎⴻⵣⵡⴰⵔⵓ ⴰⵢ ⵢⵓⵡⴹⴻⵏ ⵙ ⴰⵙⵉⴼ-ⴰ ⴷⴻⴳ 1541. ⴷⴻⴳ 1673, ⵉⴼⵕⴻⵏⵙⵉⵙⴻⵏ ⵍⵧⵓⵉⵙ ⵊⵧⵍⵍⵉⴻⵜ ⴻⴷ ⵊⴰⵛⵇⵓⴻⵙ ⵎⴰⵔⵇⵓⴻⵜⵜⴻ ⵙⵙⴰⴽⵍⴻⵏ [5] ⴷⴻⴳ ⵡⴰⵙⵉⴼ-ⴰ ⵢⴻⵔⵏⴰ ⵓⵡⴹⴻⵏ ⴰⵔⵎⵉ ⴷ ⴰⵙⵉⴼ ⵏ ⴰⵔⴽⴰⵏⵙⴰⵙ. ⴰⵏⴰⵔⴰⵎ ⴰⴼⵕⴻⵏⵙⵉⵙ ⵍⴰ ⵙⴰⵍⵍⴻ ⵢⵓⵡⴻⴹ ⵙ ⴰⴷⴻⵍⵜⴰ ⵏ ⵡⴰⵙⵉⴼ-ⴰ ⴷⴻⴳ 1682 ⵢⴻⵔⵏⴰ ⴷ ⵏⴻⵜⵜⴰ ⴰⵢ ⴷ ⴰⴼⵕⴻⵏⵙⵉⵙ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵙⵖⴻⵔⵜⴻⵏ [6] ⵜⴰⵎⴰ ⵏ ⵎⵉⵙⵙⵉⵙⵙⵉⵒⵒⵉ ⴻⴷ ⵍⵧⵓⵉⵙⵉⴰⵏⴰ ⴷ ⴰⵢⵍⴰ ⵏ ⴼⵕⴰⵏⵙⴰ. ⴷ ⴰⵢⴰ ⴰⵢ ⵢⴻⵊⵊⴰⵏ ⴼⵕⴰⵏⵙⴰ ⴰⴷ ⵜⴻⵃⴽⴻⵎ ⵜⴰⵎⴰ ⵏ ⵓⴳⴰⴼⴰ ⵏ ⵡⴰⵙⵉⴼ-ⵏⵏⵉ. ⵎⴰ ⴷ ⵜⴰⵎⴰ ⵏ ⵡⴻⵏⵥⵓⵍ-ⵏⵏⴻⵙ ⵜⴻⵇⵇⴻⵍ ⴷⴷⴰⵡ ⵓⴷⴰⴱⵓ ⵏ ⵙⵒⴻⵏⵢⵓⵍ ⵙⴻⴳ 1769 ⴷ ⴰⵙⴰⵡⴻⵏ. ⴷⴻⴳ 1783, ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵔⵔⴰⵏ ⴰⵙⵉⴼ ⵏ ⵎⵉⵙⵙⵉⵙⵙⵉⵒⵒⵉ ⴷ ⵜⴰⵍⴰⵙⵜ-ⵏⵙⴻⵏ ⵜⵓⵜⵔⵉⵎⵜ [7], ⵙⴰⴽⴽⵉⵏ, ⴷⴻⴳ 1803, ⴼⵕⴰⵏⵙⴰ ⵜⴻⵙⵙⴻⵏⵣ ⴰⴽⴰⵍ-ⵏⵏⴻⵙ ⵏ ⵎⵉⵙⵙⵉⵙⵙⵉⵒⵒⵉ ⴻⴷ ⵍⵧⵓⵉⵙⵉⴰⵏⴰ ⵉ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ. ⴷⴻⴳ 1863, ⴷⴻⴳ ⵜⴰⵍⵍⵉⵜ ⵏ ⵡⴻⵎⴳⴰⵔⵓ ⴰⵖⴰⵔⵉⵎ [8] ⴷⴻⴳ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ, ⵉⵖⴰⵍⵍⴻⵏ ⵉⵎⴰⵔⵉⴽⴰⵏⵉⵢⴻⵏ ⵏ ⵜⴷⵓⴽⵍⵉ ⴹⴹⴼⴻⵏ ⵜⴰⵎⴷⵉⵏⵜ ⵏ ⵠⵉⵛⴽⵙⴱⵓⵔⴳ ⴰⵢ ⴷ-ⵢⴻⵣⴳⴰⵏ ⵖⴻⴼ ⵡⴰⵙⵉⴼ ⵏ ⵎⵉⵙⵙⵉⵙⵙⵉⵒⵒⵉ ⵢⴻⵔⵏⴰ ⴷ ⴰⵢⴰ ⴰⵢ ⵜⴻⵏ-ⵢⴻⵊⵊⴰⵏ ⴰⴷ ⵙⴱⴻⵄⴷⴻⵏ ⵉⵖⴰⵍⵍⴻⵏ ⵉⴽⵓⵏⴼⵉⴷⵉⵕⴰⵍⵉⵢⴻⵏ ⵖⴻⴼ ⵡⴰⵙⵉⴼ-ⴰ. ⴰⵙⵙ-ⴰ, ⴰⵙⵉⴼ ⵏ ⵎⵉⵙⵙⵉⵙⵙⵉⵒⵒⵉ ⵢⴻⵇⵇⴻⵍ ⴷ ⴰⴱⵔⵉⴷ ⴰⵎⴻⵇⵔⴰⵏ ⵏ ⵢⵉⵖⴻⵔⵔⵓⴱⴰ ⴷⴻⴳ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ.
