Amseqdac:Imedyazen/amedya
Ttlata, 31 Meɣres, 2015 09:50
Ad d-yili wemtawa gar Lezzayer d Fṛansa i uḥuddu n twennaḍt
LEZZAYER – Lezzayer ed Fṛansa ur ttɛe ṭṭilent ara ad d-ssuffɣent ulɣu i lmend n wemtawa n wemɛiwen ɣef uḥuddu n twennaḍt d unnerni ara idumen, ɣef wakken ay d-tenna tneɣlaft n useqɛed n wakal d twennaḍt.
Taneɣlaft n useqɛed n wakal d twennaḍt, Dalila Boudjemaa, temsefham d wenmahal n Fṛansa deg Lezzayer, Bernard Emié, deg yiwet n temlilit ay tga yid-s ɣef “uheyyi, deg wussan ay d-yetteddun, n yiwen n ulɣu n nneyya i lmend n wemtawa n wemɛiwen ɣef uḥuddu n twennaḍt d unerni ara idumen”, ay d-tebder teɣbalut-a deg yiwen n welɣu.
Seg tama niḍen, yella-d daɣ wawal deg temlilit-a ɣef usewjed n usarag wis 21 n yidisan ay yettekkan deg wemtawa-akatar n Yeɣlanen Yeddukklen ɣef ubeddel n unezwu ara d-yilin deg Paris deg Dujembeṛ n 2015, i lmend n usefɛel n wemtawa agraɣlan “ara yilin d alemmas, d uɛdil yerna ad yettwaqader s webrid n lqanun” deg wayen yerzan aḥuddu n unezwu.
Yella-d daɣ deg temlilit-a wawal ɣef wemɛiwen seg-a ar sdat deg yinurar n useqɛed n wakal, n twennaḍt d unerni ara idumen.
Asefrek n tursaḍ, aḥuddu n yiri n lebḥeṛ d usejhed n tzemmar n usileɣ d tinqiḍin umi yettunefk wazal ameqran deg wemɛiwen-a, ɣef wakken d-yettwabder deg welɣu-a.
