Amseqdac:ⵉⵎⴻⴷⵢⴰⵣⴻⵏ/ⴰⵎⴻⴷⵢⴰ
ⵙⴽⵉⴽⴷⴰ : ⴰⵣⴰⵍ ⵏ ⵎⵉⵢⵢⴰ ⵏ ⵢⵉⵏⵉⵊⵉⵔⵉⵢⴻⵏ ⵉ ⴷ-ⵉⴽⴻⵛⵎⴻⵏ ⴷ ⵓⴼⴼⵉⵔⴻⵏ, ⵀⴰ-ⵜ-ⴰⵏ ⵜⴻⴷⴷⵓⵏ ⴰⴷ ⵜⴻⵏ-ⵔⵔⴻⵏ ⵖⴻⵔ ⵜⵎⵓⵔⵜ-ⵏⵙⴻⵏ (ⴷⴰⵙ)
ⵙⴽⵉⴽⴷⴰ ⵎⵉⵢⵢⴰ ⴰⴽⴽ ⴷ ⵙⵉⵏ (102) ⵏ ⵢⴻⵖⵔⵉⴱⴻⵏ ⵉⵏⵉⵊⵉⵔⵉⵢⴻⵏ, ⵙⴳⴻⵔⵡⴻⵏ-ⵜⴻⵏ ⴰⴽⴽⴻⴷ ⵜⵡⴰⵛⵓⵍⵉⵏ-ⵏⵙⴻⵏ, ⵡⵡⵉⵏ-ⵜⴻⵏ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵜⴻⵎⴷⵉⵏⵜ ⵏ ⵙⵟⵉⴼ ⵙⴰⴽⵉⵏ ⴰⴷ ⵜⴻⵏ-ⴰⵡⵉⵏ ⴷⴻⴳ ⵓⵎⴻⵙⵏⵉ ⵙ ⴰⵏⵥⵓⵍ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵜⵎⵓⵔⵜ-ⵏⵙⴻⵏ ⵉ ⵍⵎⴻⵏⴷ ⵏ ⵓⵙⵓⵜⴻⵔ ⵉ ⴷ-ⵢⴻⵙⵙⵓⵜⴻⵔ ⵓⵡⴰⵏⴻⴽ (ⴷⴷⵓⵍⴰ) ⴰⵏⵉⵊⵉⵔⵉ, ⴰⴽⴽⴰ ⵉ ⴷ-ⵜⴻⵏⵏⴰ ⵜⵎⴻⵀⵍⴰ ⵏ ⵜⵉⴳⴰⵡⵜ ⵜⴰⵎⴻⵜⵜⵉⵜ. ⵜⵉⵡⴰⵛⵓⵍⵉⵏ-ⴰ ⵢⴻⵍⵍⴰⵏ ⵣⴻⴱⵍⴻⵏⵜ ⴷⴻⴳ ⵡⴰⵟⴰⵙ ⵏ ⵢⵉⵎⴻⴹⵇⴰⵏ ⵏ ⵜⵡⵉⵍⴰⵢⵜ ⵏ ⵙⴽⵉⴽⴷⴰ, ⵙⴳⴻⵔⵡⴻⵏ-ⵜⴻⵏⵜ-ⵉⴷ ⵖⴻⵔ ⵓⵅⵅⴰⵎ ⵏ ⵜⴰⵣⵣⴻⵔⵜ ⵜⴰⵣⴻⴳⴳⴰⵖⵜ ⵏ ⵍⴻⵣⵣⴰⵢⴻⵔ (ⵛⵔⴰ) ⴰⵏⴷⴰ ⵉ ⵙⴻⵏ-ⵀⴻⴳⴳⴰⵏ ⴰⴽⴽ ⴰⵢⴻⵏ ⵉⵍⴰⵇⴻⵏ ⴰⵎⴰ ⴷ ⴰⵢⴻⵏ ⵢⴻⵔⵣⴰⵏ ⵜⴰⴳⵓⵏⵉ ⵏⴻⵖ ⵓⵞⵞⵉ, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ. ⴰⵎⴻⵥⵍⵓ ⵏⴻⵖ ⵙⵙⴻⵔⴱⵉⵙ ⵏ ⵜⵡⵉⵍⴰⵢⵜ, ⵢⴻⵙⵄⴻⴷⴷⴰ ⴰⴽⴽ ⵉⵎⴷⴰⵏⴻⵏ-ⵏⵏⵉ ⵖⵓⵔ ⵓⵎⵙⵓⵊⵉ ⴰⵎⴰ ⵡⵉⵏ ⵏ ⵜⴼⴻⴽⴽⴰ ⵏⴻⵖ ⵡⵉⵏ ⵏ ⵜⵏⴻⴼⵙⵉⵜ, ⵔⵏⴰⵏ ⴼⴽⴰⵏ-ⴰⵙⴻⵏ ⵉⵙⴻⵍⵙⴰ, ⵉ ⴰⵖ-ⴷ-ⵏⵏⴰⵏ ⵙⴻⴳ ⴷⴰⵙ. ⵀⴻⴳⴳⴰⵏ-ⴷ ⵜⵍⴰⵜⴰ ⵍⴽⵉⵔⴰⵏ ⴰⴽⴽ ⴷ ⵢⴻⵎⴷⴰⵏⴻⵏ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⴷⴷⵓⵏ ⴰⴽⴽ ⴷ ⵓⵎⴻⵙⵏⵉ ⵏ ⵢⴻⵎⴷⴰⵏⴻⵏ-ⵏⵏⵉ ⵖⴻⵔ ⵜⴻⵎⴷⵉⵏⵜ ⵏ ⵙⵟⵉⴼ, ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ. ⵙⴻⴳ ⵡⴰⴳⴳⵓⵔ ⵏ ⴷⵓⴵⴰⵎⴱⴻⵔ ⴰⵔ ⵜⵓⵔⴰ, ⴰⵣⴰⵍ ⵏ 2536 ⵏ ⵢⵉⵏⵉⵊⵉⵔⵉⵢⴻⵏ ⵉ ⵡⵡⵉⵏ ⵖⴻⵔ ⵓⵍⴻⵎⵎⴰⵙ ⵏ ⵓⵄⴻⴷⴷⵉ ⵉ ⴷ-ⵢⴻⵣⴳⴰⵏ ⴷⴻⴳ ⵜⵡⵉⵍⴰⵢⵜ ⵏ ⵜⵎⴻⵏⵖⴰⵙⵜ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵜⵎⵓⵔⵜ-ⵏⵙⴻⵏ. ⵢⴻⵙⵙⵓⵜⴻⵔ-ⴷ ⵓⵏⴰⴱⴰⴹ ⴰⵏⵉⵊⵉⵔⵉ ⴰⴽⴽⴻⵏ ⴰⴷ ⴰⵙ-ⵔⵔⴻⵏ ⴰⴽⴽ ⵉⵖⴻⵔⵎⴰⵏⴻⵏ ⵉⵏⵉⵊⵉⵔⵉⵢⴻⵏ ⵉ ⴷ-ⵉⴽⴻⵛⵎⴻⵏ ⵙ ⵜⵓⴼⵔⴰ ⵖⴻⵔ ⵜⵎⵓⵔⵜ ⵏ ⵍⴰⵣⵣⴰⵢⴻⵔ, ⴷ ⴰⵙⵓⵜⴻⵔ ⵢⴻⵇⴱⴻⵍ ⵓⵏⴰⴱⴷ ⴰⵣⵣⴰⵢⵔⵉ. ⵍⴻⵣⵣⴰⵢⴻⵔ ⵜⴻⵏⵏⴰ-ⴷ ⴱⴻⵍⵍⵉ ⵏⵀⴻⴳⴳⴰ-ⴷ ⴰⴽⴽ ⴰⵍⵍⴰⵍⴻⵏ ⵉⵍⴰⵇⴻⵏ ⴰⴽⴽⴻⵏ ⴰⴷ ⵓⵖⴰⵍⴻⵏ ⵢⵉⵏⵉⵊⵉⵔⵉⵢⴻⵏ-ⵏⵏⵉ, ⵉ ⴷ-ⵉⴽⴻⵛⵎⴻⵏ ⴷ ⵓⴼⴼⵉⵔⴻⵏ, ⵖⴻⵔ ⵜⵎⵓⵔⵜ-ⵏⵙⴻⵏ ⴷⴻⴳ ’’ⵢⵉⵡⴻⵜ ⵏ ⵍⵉⵃⴰⵍⴰ ⵏ ⵜⴻⴳⵎⴰⵜ, ⵏ ⵍⴻⵇⴷⴻⵔ ⴰⵎⴻⵇⵇⵔⴰⵏ ⴰⴽⴽⴻⴷ ⵍⵃⴻⵔⵎⴰ’’.
