Amseqdac:Imedyazen/amedya

Skikda : Azal n miyya n yinijiriyen i d-ikecmen d uffiren, ha-t-an teddun ad ten-rren ɣer tmurt-nsen (DAS)

SKIKDA Miyya akk d sin (102) n yeɣriben inijiriyen, sgerwen-ten akked twaculin-nsen, wwin-ten ass n ttlata ɣer temdint n Sṭif sakin ad ten-awin deg umesni s anẓul n tmurt akken ad uɣalen ɣer tmurt-nsen i lmend n usuter i d-yessuter uwanek (ddula) anijiri, akka i d-tenna tmehla n tigawt tamettit. Tiwaculin-a yellan zeblent deg waṭas n yimeḍqan n twilayt n Skikda, sgerwen-tent-id ɣer uxxam n tazzert tazeggaɣt n lezzayer (CRA) anda i sen-heggan akk ayen ilaqen ama d ayen yerzan taguni neɣ učči, i d-tenna teɣbalut-nni. Ameẓlu neɣ sserbis n twilayt, yesɛedda akk imdanen-nni ɣur umsuji ama win n tfekka neɣ win n tnefsit, rnan fkan-asen iselsa, i aɣ-d-nnan seg DAS. Heggan-d tlata lkiran akk d yemdanen n tɣellist akken ad ddun akk d umesni n yemdanen-nni ɣer temdint n Sṭif, i terna tenna-d teɣbalut-nni. Seg waggur n Duǧamber ar tura, azal n 2536 n yinijiriyen i wwin ɣer ulemmas n uɛeddi i d-yezgan deg twilayt n Tmenɣast akken ad uɣalen ɣer tmurt-nsen. Yessuter-d unabaḍ anijiri akken ad as-rren akk iɣermanen inijiriyen i d-ikecmen s tufra ɣer tmurt n lazzayer, d asuter yeqbel unabd azzayri. Lezzayer tenna-d belli nhegga-d akk allalen ilaqen akken ad uɣalen yinijiriyen-nni, i d-ikecmen d uffiren, ɣer tmurt-nsen deg ’’yiwet n liḥala n tegmat, n leqder ameqqran akked lḥerma’’.