ⵜⴰⵎⵓⵔⵜ ⵏ ⵢⴻⵇⴱⴰⵢⵍⵉⵢⴻⵏ

ⴰⵎⴰⴳⵔⴰⴷ-ⴰ ⵢⴻⵙⵙⴰⵡⴰⵍ ⵖⴻⴼ ⵢⵉⵡⴻⵜ ⵏ ⵜⴻⵎⵏⴰⴹⵜ ⴷⴻⴳ ⴷⵣⴰⵢⴻⵔ. Ɣⴻⴼ ⵓⵛⴻⵜⵜⴰⵍ ⴰⵇⴱⴰⵢⵍⵉ, ⵥⴻⵔ ⵉⵇⴱⴰⵢⵍⵉⵢⴻⵏ. Ɣⴻⴼ ⵜⵓⵜⵍⴰⵢⵜ-ⵏⵙⴻⵏ, ⵥⴻⵔ ⵜⴰⵇⴱⴰⵢⵍⵉⵜ.

ⵜⴰⵎⵓⵔⵜ ⵏ ⵢⴻⵇⴱⴰⵢⵍⵉⵢⴻⵏ ⵏⴻⵖ “ⵍⴻⵇⴱⴰⵢⴻⵍ” ⴷ ⵜⴰⵎⵏⴰⴹⵜ ⵜⴰⵎⴻⵣⵔⵓⵢⴰⵏⵜ ⵜⴰⵖⴻⵔⴼⵓⵜⵍⴰⵢⵜ ⵢⴻⵍⵍⴰⵏ ⴷⴻⴳ ⵓⴳⴰⴼⴰ ⵏ ⴷⵣⴰⵢⴻⵔ, ⵖⴻⵔ ⵡⴻⴳⵎⵓⴹ ⵏ ⴷⵣⴰⵢⴻⵔ-ⵜⴰⵎⴰⵏⴰⵖⵜ ⵖⴻⴼ ⵡⴻⴼⵜⴰⵙ ⵏ ⵢⵉⵍⴻⵍ ⴰⴳⵔⴰⴽⴰⵍ. ⵣⴻⴷⴷⵖⴻⵏ ⴷⴻⴳ-ⵙ ⴰⵟⵟⴰⵙ ⵏ ⵢⵉⵎⴻⵣⴷⴰⵖ, ⵍⵍⴰⵏ ⴷⴻⴳ-ⵙ ⴱⴰⵀⵔⴰ ⵏ ⵢⵉⴷⵓⵔⴰⵔ.

ⵜⴰⵎⵓⵔⵜ ⵏ ⵢⴻⵇⴱⴰⵢⵍⵉⵢⴻⵏ ⴷ ⴰⵎⵓⵔ ⵣⴻⴳ ⵢⵉⴷⵓⵔⴰⵔ ⵏ ⵓⵜⴻⵍⵍ. ⵏⵏⴹⴻⵏ-ⴰⵙ ⵉⵣⴰⵖⴰⵔⴻⵏ ⵏ ⵡⴻⴼⵜⴰⵙ ⵣⴻⴳ ⵓⵜⴰⵔⴰⵎ ⴷ ⵡⴻⴳⵎⵓⴹ, ⵉⵍⴻⵍ ⴰⴳⵔⴰⴽⴰⵍ ⵣⵉ ⵓⴳⴰⴼⴰ, ⴷ ⵡⴰⴽⴰⵍ ⴰⵎⴰⵜⵜⴰⵢ ⵣⴻⴳ ⵡⴻⵏⵥⵓⵍ. ⵍⴻⵇⴱⴰⵢⴻⵍ ⵜⴻⴷⴷⴰⵍ ⴰⵟⵟⴰⵙ ⵏ ⵜⴻⵎⵏⴰⴹⵉⵏ ⵏ ⴷⵣⴰⵢⴻⵔ: ⴰⴽⴽ ⵏ ⵜⵉⵣⵉ ⵡⴻⵣⵣⵓ ⴷ ⴱⴳⴰⵢⴻⵜ, ⴰⵣⵢⴻⵏ ⴰⵎⴻⵇⵇⵔⴰⵏ ⵏ ⵜⵓⴱⵉⵔⴻⵜⵜ (ⵍⴻⴱⵡⵉⵔⴰ), ⴷ ⵛⴰ ⵏ ⵉⴳⴻⵣⵣⵓⵎⴻⵏ ⵏ ⵜⴻⵎⵏⴰⴹⵉⵏ ⵏ ⴱⵓⵔⵊ ⴱⵓ ⵄⵔⵉⵔⵉⴵ, ⵊⵉⵊⴻⵍ, ⴱⵓⵎⴻⵔⴷⴰⵙ, ⴷ ⵙⵟⵉⴼ. ⵜⴰⵣⵢⴰⵣⵣⴰⵍⵜ ⵜⴰⵏⴰⵎⵓⵔⵜ ⵏ ⴳⵓⵔⴰⵢⴰ ⴷ ⵜⴰⵣⵢⴰⵣⵣⴰⵍⵜ ⵜⴰⵏⴰⵎⵓⵔⵜ ⵏ ⴵⵓⵔⴵⵓⵔⴰ, ⵍⵍⴰⵏ ⵓⵍⴰ ⴷ ⵏⵉⵜⵏⵉ ⴷⵉ ⵍⴻⵇⴱⴰⵢⴻⵍ.

ⵜⴰⵎⵏⴰⴹⵜ ⴰ ⵢⵓⵙ-ⴷ ⵢⵉⵣⵡⴻⵍ ⵏⵏⴻⵙ ⵣⴻⴳ ⵉⵇⴱⴰⵢⵍⵉⵢⴻⵏ, ⴰⵛⴻⵜⵜⴰⵍ ⴰⵎⴰⵣⵉⵖ ⴰⵢ ⴷⵉⵏ ⵉⵣⴻⴷⴷⵖⴻⵏ. ⴰⵄⵔⴰⴱⴻⵏ ⵇⵇⴰⵔⴻⵏ ⴰⵙ ⵉ ⵜⵎⵓⵔⵜ ⵏⵏⵉ بلد القبائل ([blæd ləqbæyəl] ⵙ ⵜⴰⵄⵔⴰⴱⵜ ⵏ ⴷⵣⴰⵢⴻⵔ), ⴰⵏⴰⵎⴻⴽ ⵏⵏⴻⵙ ⵙ ⵜⴰⵄⵔⴰⴱⵜ: ⵜⴰⵎⵓⵔⵜ ⵏ ⵜⵉⵡⵙⴰⵜⵉⵏ. ⵉⵇⴱⴰⵢⵍⵉⵢⴻⵏ ⵇⵇⴰⵔⴻⵏ ⴰⵙ "ⵜⴰⵎⵓⵔⵜ ⵏ ⵍⴻⵇⴱⴰⵢⴻⵍ", “ⵜⴰⵎⵓⵔⵜ ⵏ ⵉⵣⵡⴰⵡⴻⵏ”, ⵏⴻⵖ "ⵜⴰⵎⵓⵔⵜ" ⵓⴽⴰⵏ. ⵉⵇⴱⴰⵢⵍⵉⵢⴻⵏ ⴷ ⵜⴰⴳⵔⴰⵡⵜ ⵜⴰⵎⴻⵇⵇⵔⴰⵏⵜ ⵜⵉⵙⵙ ⵙⵏⴰⵜ ⴷⴻⴳ ⵓⵎⴰⴹⴰⵍ ⴰⵎⴰⵣⵉⵖ ⴷⴻⴳ ⵓⵟⵟⵓⵏ ⵏ ⵎⵉⴷⴷⴻⵏ ⵢⴻⵙⵙⴰⵡⴰⵍⴻⵏ ⵜⵎⴰⵣⵉⵖⵜ, ⴰⵡⴰⵔⵏⵉ ⵉⵛⴻⵍⵃⵉⵢⴻⵏ ⵏ ⵓⵎⴻⵔⵔⵓⴽ. ⵉⵇⴱⴰⵢⵍⵉⵢⴻⵏ ⵙⵙⴰⵡⴰⵍⴻⵏ ⵜⴰⵎⴰⵣⵉⵖⵜ ⵜⴰⵇⴱⴰⵢⵍⵉⵜ, ⵢⵉⵡⴻⵜ ⵏ ⵜⴰⵏⵜⴰⵍⴰ ⵏ ⵜⵎⴰⵣⵉⵖⵜ. ⵡⴰⵅⵅⴰ ⵍⴻⵇⴱⴰⵢⴻⵍ ⵜⵍⴰ ⵜⵓⵇⵇⵏⴰ ⵜⴰⵙⴻⵔⵜⴰⵏⵜ ⵜⵉⵎⴻⵜⵜⵉⵜ ⴰⴽⴻⴷ ⴰⴽⴽ ⵏ ⴷⵣⴰⵢⴻⵔ, ⵜⴰⵎⵏⴰⴹⵜ ⴰ ⵜⴻⵍⵍⴰ ⵖⵓⵔ-ⵙ ⵢⵉⵡⴻⵜ ⵏ ⵜⵎⴰⴳⵉⵜ ⵜⴰⵇⴱⴰⵢⵍⵉⵜ ⵜⴰⵎⴰⵣⵉⵖⵜ ⵜⴰⴷⴻⵍⵙⴰⵏⵜ ⵜⴰⴷⵉⴳⴰⵏⵜ.

ⴰⵎⴻⵣⵔⵓⵢ ⵏ ⵜⴻⵎⵏⴰⴹⵜ ⵢⴻⵛⵛⵓⵔ ⵙ ⵓⵎⵙⴻⵏⴽⴰⵔ ⴷ ⵜⴰⵎⵣⴰⵖⵜ ⵎⴳⴰⵍ ⵉⵏⴻⵣⵣⵓⵖⴻⵏ ⵉⴱⴻⵕⵕⴰⵏⴻⵏ, ⵙⴻⴳ ⵉⴼⵉⵏⵉⵇⴻⵏ, ⵉⵔⵓⵎⵉⵢⴻⵏ, ⴰⵄⵔⴰⴱⴻⵏ, ⴰⵔ ⵉⴼⵔⴰⵏⵙⵉⵙⴻⵏ. ⵜⴰⵎⵏⴰⴹⵜ ⵜⴻⵥⵔⴰ ⴰⵟⵟⴰⵙ ⵏ ⵉⵡⵓⵏⴰⴽ ⴰⵎ ⵉⴼⴰⵜⵉⵎⴻⵏ ⴷ ⴰⵢⵜ ⵃⴻⵎⵎⴰⴷ. ⴷⴻⴳ ⵡⴰⴽⵓⴷ ⴰⵜⵔⴰⵔ, ⵣⴻⴳ ⴰⵎⵉ ⵜⴻⵎⵙⴰⵔ ⵜⴰⴼⵙⵓⵜ ⵜⴰⵎⴰⵣⵉⵖⵜ ⴷⵉ 1980, ⵉⵇⴱⴰⵢⵍⵉⵢⴻⵏ ⴱⴻⴷⴷⴻⵏ ⴷⵉ ⵜⴰⵏⵉⵔⵜ ⵏ ⵡⴻⵖⵏⴰⵙ ⴷ ⵓⵎⴻⵏⵖⵉ ⵎⴳⴰⵍ ⴰⵏⴰⴳⵔⴰⵡ ⴰⴷⵣⴰⵢⵔⵉ ⴰⴼⴰⴷ ⴰ ⵜⴻⴷⵡⴻⵍ ⵜⴰⵎⴰⵣⵉⵖⵜ ⴷ ⵜⵓⵜⵍⴰⵢⵜ ⵜⵓⵏⵚⵉⴱⵜ ⴷⵉ ⵜⵎⴻⵏⴹⴰⵡⵜ ⵜⴰⴷⵣⴰⵢⵔⵉⵜ.

ⵥⴻⵔ ⵓⵍⴰ

• ⴰⵡⵡⵓⵔ:ⵉⵎⴰⵣⵉⵖⴻⵏⵜⴰⵍⵖⴰ:ⵀ-ⵍⴰⵏⴳⵙ